Wikipedia

Tiromancino

Ła version stabiłe ła xe stà verifegà el 10 luj 2023. Ghe xe canbiamenti a modèłi e/o file in sta version in atexa de revixion.


I Tiromancino xe un grupo itałian de Roma, da senpre guidà da Federico Zampiglione. La so muxega xe inprontà a ła comision tra forma de ła canson e rispèto a ła muxica lixiera itałiana, a ła riserca de sonorità non convensionałi.

Infotaula de personaTiromancino
Atività
Atività1989
ZènarePop Cànbia el vałor in Wikidata
Àlbun8
Àlbun stùdio7
Àlbun dal vivo1
Repertòrio
Sito webtiromancino.net Cànbia el vałor in Wikidata
MySpace: tiromancinoofficial Musicbrainz: 1a1b956f-afa5-4067-b074-48bd181c647a Songkick: 225424 Discogs: 379963 Allmusic: mn0000248000

Biografia

canbia

El grupo xe stà fondà inte el 1989 dal cantante Federico Zampaglione, che pì de tuti raprexenta esensialmente l'anema de sto grupo che no gà mai avùo na conpoxision fisa.

Durante i ani novanta i publica quatro albun, ne l'ordene Tiromancyno (1992) come el nome del grupo fin a sto disco), Insisto (1994), Alone Alieno (1995), Rosa spinto (1997). Xe inte i primi laori fati se pol rimarcàr na forte atension verso sonorità sofistegàe. El son de łe chitare acustiche vien un mucio exaltà, dando cussì vita a un sound caldo che resta fin ad ancùo na carateristica fondamentałe del grupo. Durante i so primi 10 ani de atività i taca a godèr un fià de na serta fama, a ła cui cresìta contribuise cołaborasion de rimàrco sia in canpo muxicałe (vertaùra del tour eoropeo dei Morcheeba, che inte i so videoclip (Ferzan Ozpetek, Valerio Mastrandrea, Paola Cortellesi).

Inte el 1992 e inte el 1993 i xe el grupo de vertaùra del Ci vuole un fisico bestiale Tour 1992 e del Ci vuole un fisico bestiale 1993 Eoropa de Luca Carboni[1].

In Alone alieno e in Rosa spinto el 90% dei testi xe Francesco Zampaglione, Federico gà scrito inte i do dischi Danneggia l'erezione, Corri e La storia, łe muxeghe xe al 50% de Federico e Francesco. Francesco se gà interesà anca de ła produsion inserìndo l'uxo de l'ełetronica e dei canpionatori inte el sound dei Tiromancino. Ne La descrizione di un attimo, xe subintrà non soło cofà produtor ma anca soratuto Riccardo Sinigallia, amigo da senpre de Francesco. In sto disco ła partesipasion de Federico come autor xe cresùa notevolmente e xe el disco de un grupo parfetamente bałansà. Da In continuo movimento xe subintrài Andrea Pesce e Luigi Pulcinelli, in cuałità de muxicisti, arangiatori e co-produtori co Federico.

Inte el 2000 i partesipa al Festival de Sanremo co el singoło Strade. La svolta par el grupo riva co l'incixion del quinto laoro: La descrizione di un attimo che contien el brano Due destini inserìo inte ła cołona sonora del film de Opzetek Le fate ignoranti. Inte el 2001 Federico slontana so fradèło Francesco e ła basista Laura Arzilli, sostituìndołi co do turnisti.[2]. Inte el 2002 vien publicà In continuo movimento che contien el singoło più volte premià Par me ze importante , restà a longo primo in clasifica. Ła maurità muxicałe de ła nova formasion xe patòca, łe sonorità acustiche deso se alterna a quełe ełetroniche dando vita ad anbientasion vełatamente psichedełiche.

Inte el 2004 ese l'albun Illusion parallele, in cui Zampaglione rafina oncora de più el so modo de cantàr e l'abiłità de cantante ch'el gà; anca in questo disco Federico Zampaglione. Andrea Pesce e Luigi Pulcinelli mostra oramai na otima capaçità conpoxitiva che se fonde ad un bagàjo muxicałe un mucio anpio; el brano Imparare dal Vento xe uno dei temi muxicałi prinsipałi del film de Lucini L'uomo perfetto.

Inte el 2005 ese ła racòlta 95-05, un greatest hits che contien esensialmente brani che riva da albun publicà infra el 2000 e 'l 2004 e 2 canson de l'albun Alone Alieno riarangiàe par l'ocaxion. La racòlta vien conpletà da 2 inediti e ła cover Com'è profondo il mare cantàda col steso Lucio Dalla e publicàda precedentemente ne ła cołona sonora Paz!.

Inte el marso del 2007, vien publicà l'albun L'alba di domani antisipà dal singoło omonemo, el disco contien oto brani inediti e tuta ła cołona sonora del film Nero bifamiliare scrito e direto dal steso Zampaglione.

El 6 xenaro 2008 vien anonsià ła so partecipasion al Festival de Sanremo co el brano Il rubacuori che fa parte del dopio albun dal vivo Il suono dei chilometri, che al so interno gà 2 inediti. L'albun vien publicà co łe połemiche de l'eticheta Deriva de propietà del steso Zampaglione co distribusion Edel dopo aver dichiarà de aver ròto el contrato in escluxiva coła multinasionałe EMI. Ne ła primavera 2008 ese el novo singoło Quasi 40, segondo estrato de l'albun Il suono dei chilometri. A setenbre 2008 i gà risevùo el "Riccio d'Argento" par i "mejo testi de l'ano", oscar del live d'autor de ła rasegna Fatti di musica, creàda e direta da Ruggero Pegna, rivàda oramai a ła XXII edision. Sta qua xe ła del riconosimento de ła xurìa de "Fatti di musica" conposta da promoter muxicałi e xornałisti. "Par la capaçità de frontàr temi scoténti ed atuałi, destrani par la muxica popołar itałiana, riusindo a coniugarli co conpoxision de gran inpato ed ełegansa, conquistando anca i consensi del publico a quełi de ła critica. Un straxordenario suceso in linea co i contegnùi e l'inpegno sociałe ed umanitario de ła megio muxica d'autor itałiana".

El 26 otobre 2010 i Tiromancino torna co un novo disco de inediti dal titoło L'essenziale antisipà da l'omonemo singoło e rejistrà tra l'Itałia (Roma, Cortale) e l'America (Los Angeles). L'albun mixà ai studi Henson a Hollywood, xe co-prodoto dal basista Saverio Principini, e vede ła cołaborasion de muxicisti de ła sena de Los Angeles cuałi Simone Sello a łe chitare e Matt Laug a ła bateria. Drìo l'albun segue l'l'Essenziale tour che vede in alcune tape anca ła prexensa de Noemi e Giuliano Sangiorgi dei Negramaro[3]. .

Discografia

canbia

Albun

canbia

Racolte

canbia

Live

canbia

Singołi

canbia

Note

canbia
  1. ↑ Carboni, il filosofo del dopo yuppies - Il cantautore parla del tour e del nuovo disco', di Marinella Venegoni, pubblicato su La Stampa del 31 marzo 1992, pag. 20
  2. ↑ √ Francesco Zampaglione e Laura Arzilli: 'siamo stati cacciati dai Tiromancino' - Rockol
  3. ↑ Tour co Noemi e Giuliano Sangiorgiokroma.it.
  4. ↑ 4,0 4,1 4,2 4,3 4,4 4,5 4,6 italiancharts.com - Italian charts portal

Altri progeti

canbia

Łigadure foreste

canbia
Controło de autoritàVIAF (EN) 141113044 · ISNI (EN) 0000 0001 0666 7015 · LCCN (EN) no2007072661 · GND (DE) 10180727-2 · BNF (FR) cb15052484b (data) · WorldCat Identities (EN) no2007-072661
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Tiromancino&oldid=1147861"