Tony Musante

Anthony Peter "Tony" Musante (Bridgeport, 30 zugno 1936 - New York, 26 novenbre 2013 xe stà un ator statunitense.

Tony Musante

Biografia
Nasimènto	(en) Anthony Peter Musante 30 de zugno del 1936 Bridgeport (Connecticut)
Mòrte	26 de novenbre del 2013 (77 ani) Manhattan (New York)
Càuxa de morte	Complicazioni chirurgiche (it)
Dati personałi
Formasion	Northwestern University Università dell'Ohio (it) Northwestern University School of Communication (en) Oberlin College (it) HB Studio (en)
Atività
Laóro	ator, ator, ator de tełevixion, ator de teatro
Atività	1961  –  2013

Biografia

El nase in una fameja de itałoamericani del Connecticut, el se diploma a l' Oberlin College e laora par qualche ano come insegnante. Inte el 1960 el fa el so exordio so'i palcosenici de l'Off-Broadway e tre ani drìo el vien rimarcà dal produtor David Susskind che ło selie par el ròło del xovane małavitoxo inte el senegià tełevixivo Ride With Terror. A questa seguirà altre interpretasion in tełefilm, cofà par exenpio queła ne ła sełebre serie Alfred Hitchcock presenta.

El gà de frecuente dovesto recitar ròłi da tepista o da personaxo de poca comandaìsa. Inte el 1967 el porta in tełevixion el so primo ròło, ne ła ridusion sinematografega de Ride with terror cimàda New York ore tre: l'ora dei vigliacchi]] (The Incident), vadagnando subito premi, vixibiłità e suceso. Dopo altri połiseschi, el vien ciamà in Itałia par un spaghetti-western, ma el film che ło farà conoser al publico itałian xe L'uccello dalle piume di cristallo, film de exordio de Dario Argento.

Dopo sto film ghe n'è dei altri de gran suceso comerciałe : Metti una sera a cena (1969) e Anonimo Veneziano (1970), entranbi interpretà co Florinda Bolkan, cołega che trovarà da nòvo quindexe ani drìo in La gabbia.

Inte el 1973 el torna in tełevision co ła serie de tełefilm Torna, in cui el raprexenta l'omonemo połisioto itałoamerican del New Jersey. Ła serie durarà soło che na staxon e el ròło fortunà sarà redità da Robert Blake col nome Baretta.

Ancora inte el 1973 in Itałia el recita in Il caso Pisciotta de Eriprando Visconti, seguìo da Goodbye & Amen e Eutanasia di un Amore. No'l traxanda parò l'atività dei Stati Unii, dove el se dedica a film de xenere połisiesco, cofà Ancora tu, maledetto sbirro, Uno sbirro dalla faccia d'angelo, Squadra Antidroga.

Nei ani otanta el gà avùo soło de ròłi de rimarco, inte el film xa cità La gabbia de Giuseppe Patroni Griffi e ne Il Pentito de Pasquale Squitieri.

So'l fenìr dei ani novanta el se parteçipa a ła serie tełevixiva de ła HBO Oz, inte el ròło del stratemùdo boss itałoamerican Nino Schibetta.

Inte el 2003 el recita inte el film La vita come viene, par la regia de Stefano Incerti, e inte el 2007 el interpreta un połisioto inte el film I padroni della notte. De recente el xe conparso in alcuni łavori tełevisivi, cofà par exenpio Pupetta - Il coraggio e la passione par la regia de Luciano Odorisio inte el ròło de Don Luigi Vitiello

El mor el 26 novenbre 2013 a l'età de 77 ani par conplicanse drìo aver subìo un intervento chirurgico

Filmografia parsiałe

• The Incident (New York ore tre: l'ora dei vigliacchi)
• Il mercenario (1968)
• Metti, una sera a cena (1969)
• Anonimo veneziano, regia de Enrico Maria Salerno (1970)
• L'uccello dalle piume di cristallo, regia de Dario Argento (1970)
• L'ultima fuga (1971)
• Grissom Gang (Niente orchidee par Miss Blandish), regia de Robert Aldrich (1971)
• Il caso Pisciotta (1973)
• Ancora tu, maledetto sbirro (1974)
• Sulle strade della California (Police Story) (1974-1976) - Serie Tv
• Goodbye & Amen (1977)
• Eutanasia di un amore (1978)
• La gabbia (1985)
• Il pentito (1985)
• Oz (1997) - Serie tv
• Il settimo papiro (1999) - Film-Miniserie tv
• La vita come viene (2003)
• I padroni della notte (2007)
• Pupetta - Il coraggio e la passione - serie tełevixiva (2013)

Linganbi foresti

Scheda su Tony Musante de l'Internet Movie Database

• (EN) Modeło:Ibdb