Touch screen

Eltouch screen o touchscreen xe un partegołar dispoxidivo ełetrònego, fruto de l'union de un schermo ed un dixitałixador, che parmete all'utente de interaxir co na interfasa gràfega mediante i dèi o partegołari ogeti. El touch screen xe al steso tenpo un dispoxidivo de input e output.[1][2]

Inte ła foto un Nintendo DS Lite dotà de touch screen de tipo rexistivo.

El termene touch screen l'è un préstio de l'inglexo, in veneto se pol traduxer co "schermo tatiłe" o "schermo sensibiłe al toco".

IstòriaCànbia

El primo touch screen xe stà brevetà inte el 1969, mentre el primo smartphone ad utiłixarlo xe stà l'IBM Simon del 1992.[2]

Difuxion del touch screenCànbia

El touch screen xe partegołarmente difuxo fin dai ani 1980 in vari dispoxidivi dotài de schermo destinài ad un uxo intenso da parte del pùblego, come par exenpio i sportełi informativi o el sporteło automatego (ATM); no xe tutavia mancàe sołusion profesionałi cofà l'HP-150 del 1983 e che raprexenta el primo PC co touch screen. Xe soło a partir dai primi ani del XXI sècoło che i dispoxidivi co touch screen conose na vera difuxion, grasie a sołusion in dispoxidivi mobiłi cofà el Nintendo DS, i navegadori satełitari, i UMPC o i vari tełefonini sełułari e smartphone. Co ła difuxion de cuełi dispoxidivi e co l'aumentar de ła rechiesta del pùblego, i touch screen conparise intensivamente anca in dispoxidivi portatiłi pì grandi, cofà i tablet PC o i tablet computer.

CarateristegheCànbia

El touch screen par łe so carateristeghe riese a sostituir łe funsion del mouse e in tanti caxi anca de ła tastiera, el che permete soratuto par i dispoxidivi mobiłi e conpati de no dover dedegar spasio a tastiera, mouse e touchpad, ed aver cuindi al steso tenpo un schermo pì grando a guałivésa de spasio utiłe, na interatività direta tra utente e dispoxidivo, a preso però de na vełosità de scritura e dixitasion in xenerałe manco rapida e a volte co pì alto tasos de erori.


NotasionCànbia

  1. Geoff Walker. (EN) A review of technologies for sensing. Lingambo vardà el 18 dicembre 2019.
  2. 2,0 2,1 Alessia Vicinanza. Ecco la vera storia del touchscreen. 27 gennaio 2013. Lingambo vardà el 1º ottobre 2018.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Touch_screen&oldid=957631"