Unità de mixura

Na unità de mixura ƚa xé un stàndard, o sia xenerałe, che'l njien doparà da tuti, par mixurar ła cuantità fìxega in cuestion. dato che in 'sti canpi qua xé neçesario definir ciaramente e universalmente łe cuantità, par poder garantir che i rixultati sperimentałi i sipia ùtiłi e riproduxìbiłi sientificamente. On unità de mixura ƚa poƚe derivare da na convension, o da leji, o da norme sientifeghe. Par sto motivo, ghe xé vari sistemi de mixurasion che se ga sviłupà n'tei ani e che i è tuti acetài da ła comunità sientìfica, ma col pasar del tenpo el Sistema Internasional (SI) el se ga difondesto pì de tuti, deventando un pónto de riferiménto xenerałe.

Fra i sistemi de mixura che no i fa mìa parte del SI ghe xe:

  • łe unità de mixura CGS (çentimetro-gramo-segondo)
  • łe unità de mixura MKS (metro-chilogramo-segondo)
  • łe unità de mixura di Planck
  • el sistema consuetudinario USA
  • el sistema inperiałe britànico
  • łe unità de mixura cinexi

Sìbèn che el Sistema Internasionaƚe el sia in vigor in tantisimi paexi del mondo, in sti cuà vien oncora doparà serte vecie unità de mixura locałi restàe in funsion da prima che vegnése acetà el Sistema Internasional.


Controło de autoritàGND (DE4074617-3 · NDL (ENJA00572651
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Unità_de_mixura&oldid=652661"