Ci son canbia
Me ciamo Luca. Abito a Verona ma son nato e cresùo a Legnago. Son de marelengoa veneta e italiana, parlo anca inglexe e na scianta de francexe e giaponexe.
Doparo la Wikipedia in inglexe e italiano ogni dì e a on serto ponto go pensà che l'è giusto iutar a far cresar la Wikipedia in veneto.
Interesi canbia
Me intereso de cultura giaponexe, de storia e de muxega.
Me considaro on libartarìan (nela variante minarchica, par la cresuda umana de ancò, gavemo da contentarse:) ) e a son on sostenidor de l'independensa dela Venetia. Par coesto son iscrito al Partito Nasional Veneto parché lo considero l'ùgnolo partito serio, moderno e co teste pensanti ca ga on percorso ciaro, legal e democradego par rivar a l'independensa. I so cuatro prinsipi fondanti i'è:
- El prinsipio dela propietà privà, cofà estensión del pì xeneral prinsipio de libartà individuale.
- El refudo de ogni forma de discriminasió de rasa, de seso, de lengoa, de pensiero religioso, filosofico o politico.
- L'acetasión de prinsipi de legitimità democradega e de non violensa.
- L'acetasión dele norme del drito internasionàl.
Spisa canbia
Gavarìa piaxer ca se crease na koinè veneta, ca no vol mia dir na lengoa artificiale che la copa le varianti locali, ma na lengoa standard che la serva, par esenpio, a scrivar libri e so intenet o a descorer nele ocaxioni formali. Par el me laoro, giro bastansa in longo e in larga el Veneto e a serco de parlar o de scrivar on veneto che el toga on fià de chi e on fià de lì.
Par rivar a sta lengoa, par mi, ne serve na grafia standard ca la sipia fasile e che la lasa perdar el tentativo de sercar on segno grafico par ogni sono del veneto. Par mi la Grafia Veneta Unitaria la gà falìo nel so tentativo de rilancio del veneto scrito: ne serve na grafia sensa segni grafici difisili par gnente.