Utente:GatoSelvadego/AbosoHome

Benvegnui su ła Wikipedia en lengua venèta
L'ençiclopedia libara e cołaboradiva
co' 57 601 voxe
Averténse
Ła łéngua vèneta nó ła ga gnancóra na grafía e na łengua onefegà e mìa tuti i xe bòni a scrívar inte una de łe tante che ghe xe. Nó xe inportante se chi che xe drío scrívar el scriva en bełunéxe, padoan, rovigoto, trevixan, venesian, veronéxe o vixentin. Nó xe inportante manco se chi che scrive el va scrívar có na grafía difarente da łe altre. Se pol anca vardar ła convension de scritura o el manuale de la GVU par capirse tuti mejo. Manco i acénti nó i xe obligatori, a men che nó ghe sía do parołe che łe canbia significà se nó łe ga l'acénto. Có che calchidun scrivarà un articoło el podarà inserir el segnal che dixe a i altri in che variansa del veneto 'l 'è scrito. Pa' exersitarte in Wikipedia va su ła Sandbox. Varda la pàjina Risorse utiłi pa' un ełenco de libri, disionari e siti che i pol jutarte a scrìvar in łéngua vèneta.
Na vecia carta del Peloponeso, che i venexiani i ciamava Morea

Ła guera de Morea la xe sta conbatua tra el 1684 e el 1699 in Morea (el Peloponeso de ancó), nel Mar Egeo e in Dalmazia tra la Republica Veneta e l'Inpero Otoman. La xe sta la setima de le oto guere conbatue tra Venexia e i turchi, e la ga visto l'ultima espansion teritorial de la Republica Veneta, che a la fine de la guera, col Tratado de Karlowitz, la ga goadagnà la Morea e calche toco de la Dalmazia.

Nel 1683 xera s-ciopà na nova guera tra l'Austria e i otomani, e un grando esercito turco el ga messo l'asedio a Viena, ma el xe sta batùo da na Liga Santa tra polachi, austriaci e todeschi, i quali, comandà dal re de Polonia Jan Sobieski, i ga sconfito e fato scapar l'esercito asediante. Elora i venexiani i ga pensà de profitar de sto momento, in cui i otomani i era in crisi, par riconquistar i teritori de l'Egeo e de la Dalmazia persi ne le guere precedenti.

Lexi la voxe...


NO VENETO? LOOK HERE!
Ła połenta xe un magnar tipico del Veneto e de tuto el Nord Italia, ma ła fa parte anca deła cuxina popołar in Croazia, Austria, Svizzera, Slovenia, Serbia, Macedonia, Bulgaria, Romania e Moldavia. Se trata de un paston de farina de formenton, aqua e sałe, fato bòjere in un całiero (mejo se de rame) misciando drio fila par 3 quarti d'ora (par 6 persone, do litri e meso de aqua, 4 eti e meso de farina). Finia de cuxinar, ła połenta se versa sul panaro e dopo ła vien tajà coło spago o coł corteło.

Lexi ła voxe...


Bassano del Grappa Piazza della Liberta.jpg
Na someja de Piasa Libartà a Basan
Piova de febraro, se inpiena el granaro.
Lamberti.png


Anton Maria Lamberti, La biondina in gondoleta

La Biondina in gondoleta
    L'altra sera gò menà,
    Dal piacer la povereta
    La s'à in bota indormenzà.

La dormiva su sto brazzo,
    Mi ogni tanto la svegiava;
    Ma la barca che ninava
    La tornava a indormenzar.



...continua su Wikisource
Wikipedia e i so projeti fradeƚi multiłengua:
Meta-Wiki, coordinamento dei projeti WikimediaWikiSpecies, catalogo de ƚe speçe viventiMediaWiki, el software dei projeti WikimediaWikiversità, rixorse e atività didategheWikizionario, gaƚepin e lesegoWikinotizie, fonte de notisie a contegnuo vertoWikisource, documentasion de publego dominioWikimedia Commons, rixorse multimediaƚi condivixeWikipedia, l'ençiclopedia libaraWikimania, confarensa dedicada ai projeti WikimediaIncubator, projeti in partensaWikiquote, na racolta de citasionWikibooks, ƚa biblioteca libaraWikidataWikivoyageWikimedia Foundation, organixasion che jestise i projeti WikimediaWikimedia logo family complete-2013.svg