El vóvo (o óvo; plural vóvi, óvi o uvi) el xe ła sèłuła germinal femenil (gamede femenil). El ga 'ntel só citoplasma łe sostanse nutritive ùtiłi almanco al primo sviłupo del'enbrion. Par èser fecondà, un vóvo el gà cuaxi senpre da unirse col gamede maschil (spermatozoo).

El vóvo el nase da łe gònadi femeniłi e ghe xe en tutte łe spece sesuade, ła ga na fórma generalmente sfèrega e dimensióni variàbiłi. Ła sèłuła del vóvo ła xe en gènere łimitada da ła menbrana videłina a ła qual se pol xontar altri envòłucri.

XołogiaCànbia

 
Vóvi de oxeło 'ntel nido

PésiCànbia

'Ntei pési el vóvo el xe unigamente na sfèra de sostanse nutritive: en parółe pòare, un tórlo.

AnfibiCànbia

I vóvi dei anfibi i gà un albume fóra, a protesion del'enbrion e del tórlo.

RètiłiCànbia

'Ntei rètiłi ghe xe el vóvo amniotico: ghe xe anca sache e menbrane, el vóvo el xe coverto da na pełìgola, l'amnios, dóve el nome del vóvo, e el xe proteto da un gusio de calcar del qual calso, andando 'ntel sàngue del'enbrion, el va a formar parta dei soi osi.

OxełiCànbia

El vóvo de oxeło el xe un mucio sìmil a quel dei rètiłi.

Dopo ła fecondasion i tenpi de incubasion, prima de có che se verxa, i xe variàbiłi: 3 setemane per ła gałina, 4 setemane per el tacchin, 6 setemane per el struso.

MamìferiCànbia

 
Sviłupo de un oxeło 'ntel vóvo XIX sec.

I mamìferi monotremi (ornitorinco, echidna) i łasia vóvi da rètiłe; 'ntei altri el vóvo el xe sminuì a łe dimensióni de sèłuła.

ÓmoCànbia

El sviłupo enbrional óman el xe conpagno de tuti i mamìferi placentati.

Uxo del vóvoCànbia

Oltre che per modivi ałimentari el vóvo el xe doparà anca 'nte ła consa de łe pełe, 'nte ła lavorasion de łe fivre tèsełi e de ła carta, e anca come prinsipio ativo emołiente 'ntei shampoo e 'nte łe màscare de bełesa. 'Ntel'antighità e fin al XVIII sècoło el tórlo el se doparava en pitura come łegante dei cołóri en pòlvare.

Altri progètiCànbia

Controło de autoritàLCCN (ENsh00005833 · GND (DE4013700-4 · NDL (ENJA00572633
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Vóvo&oldid=945993"