VLC media player
VLC media player (comunemente noto come VLC) el ze un łetor multimediale a gratis open source multipiataforma, capase de reproduzer file audio e video in diversi formadi e so vari dispozidivi, zviłupà dal projeto VideoLAN.
Storia canbia
VLC el ga cominsià come projeto cadèmego inte'l 1996 co'l nome de VideoLAN Client, drìoman modifegà in VLC media player, el ze stà zviłupà come un client e un server par el streaming so ła rede del campus. El ze stà inisialemnte zviłupà da studenti de l'École Centrale Paris ma drìoman el ze stà portà vanti da programadori de tuto el mondo, el ze coordenà da l'organizasion sensa fin de łucro VideoLAN.
El 1º de febraro 2001, dopo sincue ani de zviłupo, el còdeze de VLC el ze stà riscrivesto da zero e distribuìo soto łisensa GPL. Dal 2009 el projeto VLC se ga separà da ła École Centrale Paris e zviłupà in modo indipendente da'l projeto VideoLAN.[1]
El logo del cono stradałe doparà in VLC, dezenjà a man inte ła varsion ad alta risołusion inte'l 2006 da Richard Øiestad, sarìa un refarimento a na cołesion de coni stradałi tenjesta da l'asociasion dei studenti de networking de l'École Centrale.[2]
Caratarìsteghe canbia
VLC el ze un łetor multimediałe disponibiłe par i pì difuzi sistemi operativi tra cui: Microsoft Windows, Android, Linux, Apple iOS e macOS.[3]
El suporta in modo nativo ła mazor parte dei codec audio e video, sti codec i ze prezenti inte'l file de instałasion del programa.[4] El łetor dòpara ła łibrarìa codec libavcodec del projeto FFmpeg par zestir tanti dei formadi suportai, e utiłiza ła łibrarìa de decritasion DVD libdvdcss par zestir i playback dei DVD sifrai. El pol riprodur serti tipi de file anca se danezai e/o inconpleti, o riprodurne el contenjùo intanto che i vien descargai da na rede peer-to-peer (P2P).
VLC el pol èsar utiłizà come server e client par el streaming e ła ricesion dei flusi de rede, e'l ze capase de trazmeter tuto ciò che pol łèzer. El ga un server integrà in grado de uzar vari protocołi par el streaming in unicast o in multicast so IPv4 e IPv6, so un network a banda łarga e ła transcodifaga de file multimediałi.[5]
So Windows, Linux e altre piataforme VLC fornise un plugin par Firefox, el cuało parmete ai utenti de vizuałizar serti file de Quicktime e Windows Media diretamente inte ła pàjina web sensa utiłizar prodoti spesìfeghi de Apple o Microsoft. Da ła varsion 0.8.2, VLC fornise anca un plugin ActiveX, che permete ła vizuałizaison de sti file anca in Internet Explorer.
Da ła varsion 3.0.0 A se pol vizuałizar video a 360° e in varsion beta ze disponibiłe el suporto a Google Chromecast.
Da ła varsion sperimentałe 4.0.0 ze stà riscrivesta l'intarfasa gràfega e introduzesta in beta ła łibrarìa par el formado AV1.
Formati suportài canbia
VLC pol łèzar tanti formadi e contenjidori audio e video conforme el sistema operativo so'l cuało el vien efetuà. Tra i formadi audio A ze suportà ła łetura de CD Audio, file WAV, FLAC, MP3 e altri; tra i vari formadi e contenjidori video A ze suportà H.263, H.264, HEVC(H.265), Matroska (MKV), AVI, DVD e molti altri. Dal 2020 VideoLAN łaora ativamente par el zviłupo de codec opensource par i formadi AOMedia Video 1(AV1) tramite ła łibrarìa dav1d. Vista l'enorme cuantità de formadi veci e novi e ła só rełativa obsołesensa, par na łista ezauriente e ajornà vardar el sito ofisiałe del programa.[4]
Notasion canbia
- ↑ (EN) News archivevideolan.org. entrada l'11 settembre 2017.
- ↑ (EN) Antoine Cellerier, why the cone?forum.videolan.org, 9 giugno 2005. entrada il 13 agosto 2018.
«They then began a cone collection (which is now quite impressive i must say). Some time later, the VideoLAN project began and they decided to use the cone as their logo.». - ↑ Download ufficiali di VLC media playervideolan.org. entrada l'11 settembre 2017.
- ↑ 4,0 4,1 (EN) VLC Featuresvideolan.org. entrada l'11 settembre 2017.
- ↑ (EN) Overview of the VideoLAN streaming solutionvideolan.org. entrada l'11 settembre 2017.
Voxe corełae canbia
Altri projeti canbia
Wikimedia Commons el detien imàjini o altri file so VLC media player
Linganbi foresti canbia
- (inglezo) Sito ufisałevideolan.org. Sconosesta: inglezo (juto)
- VLC media playerpackages.debian.org.
- (EN) VLC media playerGitHub.
- Repository sorgenti di VLC media playercode.videolan.org.
- (EN) VLC media playerF-Droid.
- Sito di segnalazione bugcode.videolan.org.
- (EN) VLC media playerFree Software Directory.
