Varexe

Varexe (LMO) Varés
comun
Palaso Estense, sede de el Comun
Dati aministrativi
Stato	Itałia
Rejon	Lombardia
Provincia	Varese – stema Varese
Sìndico	Attilio Fontana (LN) dal 30/05/2011
Teritorio
Coordinae	45°49′00″N 8°49′00″E
Altitudine	382 m s.l.m.
Superfise	54,84 km²
Abitanti	80 802 (30-09-2014)
Densità	1 473,41 ab./km²
Comuni confinanti	Arcisate, Azzate, Bardello, Biandronno, Bodio Lomnago, Brinzio, Buguggiate, Cantello, Casciago, Castello Cabiaglio, Cazzago Brabbia, Galliate Lombardo, Gavirate, Gazzada Schianno, Induno Olona, Lozza, Luvinate, Malnate, Vedano Olona
Altre informasion
Còd. postałe	21100
Prefiso	0332
Fuxo orario	UTC+1
Còdexe ISTAT	012133
Còd. catasticałe	L682
Targa	VA
Cl. sismega	4
Nome abitanti	varexini o bosini
Patrono	San Vitore el Moro
Dì de festa	8 de majo
Locałixasion
Varexe Varexe
El teritorio comunal
Sito istitusionałe

Varese el xe on comune deła Łonbardia con pì de 80000 abitanti, capołogo de ł'omonima provincia.

L'hinterland deła sità el xe ciamà "Varexoto".

Giografia

Ła sità de Varexe ła se cata inte 'na poxision carateristega, ai piè del Sacro Monte de Varexe che el fa parte del Masicio del canpo dei fiuri e el xe sede de on oservatorio astronomico e de 'na stasione meteorołogica. A segnare el marxene pì baso deła sità a ghe xe ł'omonimo łago che ła lanbise a niveło de alcune frasion.

Idrografia

El teritorio de Varexe el xe bagnà da pareci corsi d'aqua, e el xe intaresà dal Łago de Varexe. 'Nte ła frasion Raxa de Varexe, el fiume Olona el ga tre dełe so sorgenti, senpre in sta frasion ł'Ołona el riceve łe aque dei torenti Legnone, Des e Sesnivi (o Vałe del Forno). Pì a vałe, 'nte ła zona de Bregazzana, a confluise 'nte ł'Ołona anca i torenti Braschè, Pissabò, Boscaccia e Grassi. A nord est a lanbise Varexe el ramo sorgentisio oriental de ł'Ołona che el score in Valganna; al confine tra Varese e Induno Olona, confluisce 'ntel fiume el torente Pedana deła Madona.

Soto Santa Maria del Monte, a sgorga queło che a pò considerarse come el corso d'aqua de Varexe, el torente Vellone. Eso dopo aver bagnà Velate, el traversa coerto Varexe e el va drento 'nte ł'Olona visin Belforte.

A nord deła frasion Rasa, a nase el torente Buragona, alimentà da ł'afluente Valgałina, tributario del Łagheto de Brinzio (dito anca "Pozza del Brinzio").

A ł'estremo nord del teritorio varexin, in cresta al Campo dei Fiori, a nase ł'Intrino e el Riazzo, che i bagna Brinzio.

Dała zona montuoxa de Varexe, a nase alcuni torenti che i cofluise 'ntel Łago de Varexe, i xe el Val Luna e el Rio de Casciago.

A sud de Varexe a score ła Roggia Nuova che ła confluise 'ntel łago visin Capolago. A Bizzozero a nase el torente Selvagna, che ła confluise 'nte ł'Olona preso Castiglione Olona. In łocałità Torre San Quirico, quaxi al confine con Gazzada Schianno, a nase el torente Arno o Arnetta, uno dei prinsipałi corsi d'aqua del Baso Varexoto e de ł'Altomiłanexe.

Cultura e monumenti

Ła XIV Capeła del Sacro Monte con, suło sfondo, Varexe

Varese, dal 1998, ła xe sede de ł'Università dei studi de ł'Insubria, insieme ała sità de Como.

Dal 1960, ła xe ła sede deła Scoła Eoropea de Varexe creà par i fiołi dei funsionari eoropei del Sentro Comune de Ricerca.

Evołusion demografega

Abitanti censii

Cołegamenti

Ła sità ła xe servia da do stasion feroviarie: Varexe, di proprietà del grupo dełe Ferrovie dello Stato, e ła Varexe Nord, de proprietà del Gruppo FNM.

Inoltre Varexe ła xe, insieme a Miłan, uno dei estremi de ł'Autostrada dei Laghi (A8), ła prima autostrada a pedajo reałisà 'ntel mondo.

Altri projeti

• Commons

Su Commons ghe xe dei file multimediałi su Varexe

Łigamenti foresti

• Sito ufficiale del comune di Varese
• Varese Land of Tourism - Sito ufficiale del turismo e degli eventi promossi da Provincia e Camera di Commercio di Varese
• Il sito ufficiale dei Sacri Monti UNESCO
• Il sito della Camera di Commercio di Varese per la Tutela del Consumatore e la regolazione del Mercato
• Il rione di Bizzozero