Viła Barbarigo (Noventa Vizentina)
Viła Barbarigo ła ze na viła patrisia de'l tardo XVI sècoło situada inte'l sentro de Noventa Vizentina, in provinsia de Vicensa, da ła coa de'l XIX sècoło adibìa a sede munisipałe. Ła ze indegada anca come Villa Barbarigo Rezzonico, refletendo łe ałeanse matrimoniałe intrà łe varie fameje nòbiłe venesiane che łe ga posedesto ła caza.
 Viła Barbarigo | ||
| ||
| Dati | ||
|---|---|---|
| Sorte | Vila e pałaso  | |
| Caraterìsteghe | ||
| Stiłe architetònego | architetura renasimentałe | |
| Pozision | ||
| Rejon aministrativa | Noventa Visentina (Itàlia) | |
| Pozision | piazza IV Novembre | |
| ||
| Ben culturałe d'Itàlia | ||
| Ligo web | comune.noventa-vicentina.vi.it… | |
|
| ||
No ła va sconfuzionada co ła Villa Barbarigo de Valsanzibio (frasion de Galzignan Terme) inte łe visinanse de Padoa, renomada par i só gradini, łe só statue e łe só fontane.
L'edificio el ze sede de l'aministrasion comunałe de Noventa Vizentina e el ze vizitabiłe.
Decrision
canbiaEl ze un pałaso rurałe costruìo a partir de'l 1588 a òpara de un injoto architeto venesian del 'anbito de Vincenzo Scamozzi.[1] L'edificio el sostituiva na presedente rezidensa. La strutura ła ze inponente par ła só altesa. La villa ła se difarensia par łe decorasion ad afresco de artisti tra i cuałi Antonio Foler, Antonio Vassilacchi (l'Aliense) e Luca da Reggio (Luca Ferrari).
'Sta sede de'l Comune de Noventa Vizentina ła ze meta turìstega prensipałe dei turisti. De frente a l'edificio A se cołoga ła piasa de Noventa Vizentina, Piazza IV Novembre, co a'l sentro na inponente fontana che recorda i cadùi de guera.
Ła łoza sentrała, fazesta su tre piani, ła aparise come un calcosa de dezorganegamente aplegà, ła diłatasion vertegałe dei buzi a'l primo pian ła ìndega un sforso de sercar de razonzer un zlanso verso l'alto de ła fàbrega, sevità par zonta co łe ecesive piramide che corona ła fasada.
Ła parte posterior, che inisialmente ła parea èsar cueła priva de "ofisiałità", ła ze stà drioman alterada co ła zonta de corpi sporzenti.
Ła viła inte'l só conpleso e soratuto in vertù de łe barchese, ła esprime na sorta de ecuiłibrio e de grandiozità.
A'l só interno no manca mìa numarozi afreschi e decorasion. Par cuanto revarda 'ste decorasion pitoreghe A recordemo l'inportante contribudo de'l frescante - decorador Antonio Vassillacchi dito l'Aliense e Antonio Foler. Resentemente A se ze stà boni de resałir a'l nome de n'altro decorador - Alessandro Maganza.
L'Aliense e Foler i ga contribuìo anca a un notevołe divario stiłìstego che'l separa i afreschi de ła sałeta a sanca de l'ingreso a'l segondo pian, da cuełi de ła sałeta a dreta de'l medemo pian. A se trata de un divario fasilmente individuabiłe anca ai oci de un senplise vizitador.
Na partegołar mension merita anca łe varie fegure ałegòreghe situàe sora łe porte de ła stansa a sanca de'l braso d'ingreso.
Notasion
canbia- ↑ Scheda sul sito del Comune di Noventa Archivià il 18 luglio 2013 Data inte l'URL no conbazante: 18 de lujo 2013 in Internet Archive.
Bibliografia
canbia- Le ville venete, edizione speciale del Mattino di Padova
Altri projeti
canbia
Wikimedia Commons el detien imàjini o altri file so Viła Barbarigo (Noventa Vizentina)
el detien schemi gràfeghi so
Linganbi foresti
canbia- Scheda so'l sito de'l Comune de Noventa (fonte doparada)
- Scheda sulla villa a cura de'l FAI (fonte doparada)
- Reserca de łe schede de łe singołe viłe venete catałogàe da ła Rejon Veneto inte'l sito ofisiałe de l'Istituto Rejonałe Viłe Venete