Viła Valmarana "Ai Nani"

Viła Valmarana "Ai Nani" ła xe na vila vèneta situà a łe porete de Vicensa, dove che nase el còl San Bastian, propaxene del visin Monte Berego. Ła viła ła xe conosua pal staordinario cicło de afrischi de Giambattista Tiepolo (che ga dipinto ła viła inte el periodo del so maximo spłendor artistego) e del fiolo Giandomenico.

Viła Valmarana "Ai Nani"
Muxo de Viła Valmarana "Ai Nani"
Dati
Sorte	Vila
Costrusion	1669
Pozision
Stato	Italia
45°32′06″N 11°33′23″E45°32′06″N, 11°33′23″E
Atività
Abità da	Valmarana (it)
Ligo web	villavalmarana.com

El soranome ai "Nani", che ła xe conosua, pa deferensiarła da altre viłe de ła stesa fameja, xe dovù a łe 17 sculture in piera rapresentà da nani, ch i xera sparsi par el parco, e dopo ałineà inte ła mura de sinta.

Ła viła, seben ła xe abità da łafameja nobiłe dei Valmarana, ła xe verta al pubłego sie dì ała setimana, come ła visin Vila Capra "La Rotonda" del Paładio, de proprietà de nantro ramo de ła fameja Valmarna. El viałe de entrada ała viła se dirama prorio da ła strada par ła Rotonda distante puchi sentenari de metri.

Storia

El primo edifiçio, cueło residensial, vołuo da Giovanni Maria Bertolo, xe sta conpłetà inte el 1670. I ani dopo xe sta afiancà ała strutura na barchesa, na foresteria, na stała e atri edifiçi tipeghi de łe viłe venete; comincue ła cołocasion cołinare e i iteresi dei paruni i fa che sta viła ła se caraterixa pì pa abitasion che pa sentro de produsion agricoła.

Inte el 1720, ła proprietà vien cedù ai fradei Valmarana: oncora deso xe sata fameja parona del conpłeso e a abitarghe.

Inte el 1736 Giustino Valmarana el ga incaricà Francesco Muttoni (che par ła fameja Valmarana gavea xà łaorà pa el pałaso citadin de San Faustino) pal restauro de ła viła; xe sta el Muttoni far tante modifeghe che se vede oncora deso, come i frontoni triangołari su i du łati de ła pałasina prinsipałe, łe scałinà e łe torete łaterai de ła pałasina, e anca el tanponamento de łe arcade de ła foresteria e ła costusion de łe scuderie, sviłupà so du piani, ł'entrada dal viałe che porta ała viła e del piasałe sora.

Inte el april del 1944, inte el pien de ła seconda guera mondiale, serte bonbe incendià łe xe na colpire ła viła e desfarono bona parte del teto de ła sała Eneide. Cuasi tuti i afrischi i xe stà aspotà: pa serti xe sta doprà ła tecnica del strapo, invese i xe sta stacà dopo ła demołision del muro de drio in maniera de conservare tuto el spesore de ł'intonago che el xera dipinto. Finio ła guera lóri i xe sta riapłicà inte łe pareti.

Sałe

Łe sincue sałe de ła viła łe mostra sincue ragrupaminti tematexi, progetà quasi soło da Giambattista Tiepolo, el pare:

Sała sentrałe: Ifigenia in Aulis

1) prima stansa a sinistra: Torquato Tasso (Jerusałeme łiberà: storia de Rinaldo e Armida)

2) seconda stansa a sinistra: Virgilio (Aeneis: Enea e la fondazione di Roma)

1) prima stansa a destra: : Omero (Iliade: desputa tra Agamennone e Achille)

2) seconda stansa a destra: Ariosto (Orlando furioso Medoro e Angelica)

Gałeria de foto e video

• 
  Viła, ła fasada e jardin
• 
  Giovanni Battista Tiepolo: Angelica e Medoro
• 
  Giovanni Battista Tiepolo: Eurybates e Talthybios
• 
  Domenico Tiepolo: Scene de contadini afresco
• 
  Giovanni Domenico Tiepolo: Prinsepe cinese da ł'indovino
• Video so Viła Valmarana

Bibliografia

• Liliana Balzaretti, Ville Venete, 1965.
• Renato Cevese, Ville della provincia di Vicenza, 1982.
• Francesca D'Arcais, Franca Zava Boccazzi, Giuseppe Pavanello, Gli affreschi nelle Ville Venete dal Seicento all'Ottocento, 1978.
• Francesco Monicelli e Cesare Gerolimetto, Ville Venete, Civiltà di Villa inte el Dominio di Terraferma, Arsenale Editore 2003.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Viła Valmarana "Ai Nani"
• el detien schemi gràfeghi so

Linganbi foresti

• (IT) sito uficiałevillavalmarana.com.