Vincenzo Peruggia
Vincenzo Pietro Peruggia (Dumenza, 8 de otobre del 1881 – Saint-Maur-des-Fossés, 8 de otobre del 1925) e ze sta un decorista italian, devegnesto popołar par ver robà Ła Joconda dal Muzeo del Louvre inte el 1911[1].
  | |
| Biografia | |
|---|---|
| Nasimènto | 8 de otobre del 1881 Dumenza (Itàlia) |
| Mòrte | 8 de otobre del 1925 (44 ani) Saint-Maur-des-Fossés (Fransa) |
| Càuza de morte | Càuze nadurałi (Infarto miocàrdico acuto e saturnismo (it)  ) |
| Atività | |
| Ocupasion | |
| Cariera miłitar | |
| Conflito | Prima guera mondiałe |
| Altri | |
| Condanà par | furto → (7 mezi inprezonamento) |
| 21 de agosto del 1911 | furto della Gioconda (it)
|
|
| |
Peruggia el se ghea sconto drento de un stansin inte el Louvre inte el 21 de agosto del 1911 e de sera, co che el muzeo el ghea sarà, el ghea cavà ła Joconda da ła soaza e el zera scanpà da na porta del dedrio del muzeo sverta doparando un cortełin. Inte el dì dopo, i inpiegai del muzeo i ghea pensà che ła Joconda ła fuse in man del fotografo ufisałe, ma dopo i se ghea rendesto conto che cusita no zera, tanto da gaver inte un secondo momento da informar łe forse de l'órdene fransezi.
Inte el prinsìpio se ghea sercà drento del muzeo e ghe ghea vołesto racuanto tenpo prima de finir ła reserca, par via de ła so grandesa. I cuotidiani fransezi i ghea tacà descaenarse su l'ipòteze de ła sparision del cuadro. Da suito se ghea difondesto łe ciàcołe che el fuse sta robà da un cołesionista de cuadri statunitense che el ło vołea duplegar par dopo sostituirlo co na falsa còpia tegnéndose cheła orizenałe.
Dù ani dopo, inte el 1913, se ghea catà el colpévoło co el cuadro. Peruggia el garia vołesto véndar ła Joconda a ła Galleria degli Uffizi de Firense par racuanti milioni de lire. El ghea declarà che ła soa ła zera na asion patriòtega e che l'Itàlia ła garia savesto darghe pì vałore a ła òpara.
E proceso de condana par Peruggia el se ga vesto inte el 4 e 5 de zugno del 1914 a Firense, e co na foła de zente che el ło sostegnea par el so sesto eròego inte el de fora del tribunałe, i zùdezi i ghea sentensià par eło na pena in prezon de solché un ano e cuìndaze dì. Inte el 29 de lujo ła pena ła ghe zera stada scursada a sete mezi e oto dì, ma pena che ła zera stada fata ła sentensa Peruggia el zera sta descarserà. Co che el zera ndà fora de ła prezon, el ghea catà un grupo de scołari toscani che i ghe ghea oferto el rezultà de na cołeta in nome de tuti i italiani de 4.500 lire.
Bibliografia
canbia- Hoobler, Dorothy and Thomas, The Crimes of Paris New York: Little, Brown, 2009, pp. 3–7, 305–314.
- Kuper, Simon, "Who Stole the Mona Lisa? The World's Most Famous Art Heist, 100 Years On," Slate, 7 August 2011.
- Newsweek, "The Mona Lisa Thief," 29 September 1947, p. 97.
Notasion
canbia- ↑ Stefano Agnoli, Il furto della Gioconda, 106 anni fa, Corriere della Sera, 20 agosto 2017. entrada il 16 luglio 2018 (archivià il 1º settembre 2017).
Altri projeti
canbia
Wikimedia Commons el detien imàjini o altri file so Vincenzo Peruggia
el detien schemi gràfeghi so
Linganbi foresti
canbia
- Vanity Fair - May 2009. "Stealing Mona Lisa" by Dorothy and Thomas Hoobler
- Saturday Evening Post: 100 Years Ago: The Mastermind Behind the Mona Lisa Heist
| Controło de autorità | VIAF (EN) 255017832 · ISNI (EN) 0000 0003 7764 1298 · LCCN (EN) no94036176 · BNF (FR) cb123892052 (data) · WorldCat Identities (EN) no94-036176 |
|---|