Wikimedia Foundation

organixassion

La Wikimedia Foundation Inc. xe l’organixassion prinsipałe de Wikipedia, Wiktionary (Wikizionario), Wikiquote, Wikibooks, Wikisource, Wikinews, Commons, Wikispecies e Nupedia. Xe na società non-profit organixà secondo łe leji de ła Florida, USA.

Logo de ła Wikimedia Foundation,
disegnà dal wikipedian Neolux
El logo Wikimedia
in un raffinà ricamo

Ła so esistensa la vegne uficialmente anuncià dall’aministrador de ła Bomis e co-fondatore de Wikipedia Jimbo Wales el 20 de zugno, 2003. El nome "Wikimedia" fu conià da Sheldon Rampton iinte na mail invià a ła mailing list [WikiEN-l] inte el marso 2003. Sucesivamente, i nomi de dominio http://wikimedia.org e http://wikimediafoundation.org i ze stà asicurai a ła Fondassion dal wikipedian Daniel Mayer.

I scopi de ła fondassion i xe de incoragiare ła cresita e lo sviłupo de projeti open content, basai su el Wiki e fornir gratuitamente e sensa alcuna publicità i contenuti. Par gestire l'ençiclopedia generałe moltilengoe xà sviłupà e l’almanaco ciamà Wikipedia ghe xe un dissionario moltilengoe e un thesaurus ciamà Wiktionary, un’ençiclopedia de citassion ciamà Wikiquote e na cołession de risorse e-book dedicae in particolare a i studenti (come libri de testo e libri comentai de pubblico dominio) ciamà Wikibooks. La Fondassion inoltre la gestise łe operassion del projeto Nupedia (che non xe wiki ma xe open content).

Co ła creassion de ła Foundation, Wales el ga anca trasferio el poseso de tuti i nomi de dominio de tute łe Wikipedia, Wiktionary e de Nupedia a Wikimedia insieme a i copyright par tuti i materiałi cołegà a i projeti che i era creai da impiegati de ła Bomis o da Wales steso. Ła fornitura stesa de computer usà par i projeti Wikimedia xe stà donà da Wales a ła Fondassion.

Wales el ga dito in diverse ocaxion che ła Bomis ła gavarìa continuà a fornire corente e banda gratis par sti projeti. Se spera che l’esistensa de na fondassion non-profit la rende posìbiłe generare abbastansa schei tramite łe donassion e łe sovension statałi, par garantire ła continua cresita de ogni projeto Wikimedia.

Ghe xe sta tante discusion su łe responsabilità del consejo, e tentativi de inisiare a scrivere un manuałe del consejo. Anca metodi piasè egalitari de goerno i xe sta valutà. Non xe ciaro come sta roba ła influensa el novo proceso Wikimedia.

Projeti canbia

I projeti gestii da ła Wikimedia Foundation i xe difarenti , ma i se caraterixa tuti par el contenuto libaro e par esere redati in maniera cołaborativa da volontari. Tuti i projeti, inoltre, i xe moltilengoe.

Wikipedia N'ençiclopedia co piasè de 2 milioni di articołi in piasè de 200 lengoe.
Wikimedia Commons N'archivio de imagini, soni e filmati el contegne piasè de 200 000 file.
Wikibooks Na cołession de libri de testo e materiałe educativo.
Wikizionario Un dissionario che el cataloga signifegai, sinonimi, etimologie e tradussion.
Wikinotizie Na fonte de notissie originałe redate da giornałisti-utenti vołontari in tuto el mondo.
Wikisource Un projeto par fornire e tradure gratuitamente documenti e testi, come i libri de publico dominio.
Wikiquote Na cołession de citassion de personaij çełebri, libri, film e altro.
Wikispecies Un indiçe de dati su łe specie de animalia, plantae, fungi, bacteria, archaea, protista e tute łe altre forme de vita.

Donassion canbia

Wikimedia la aceta donassion atraverso el proprio sito. Atualmente, łe donassion no le pode esere fate eletronicamente tramite PayPal o inviae par posta.

Voçi corełae canbia

Altri projeti canbia


Linganbi foresti canbia


tradoto in tałian)
un *.tif de do paxene su el sito del Dipartimento de Stato de ła Florida, Divixion de łe Società
Progeti de ła Wikimedia Foundation  
  Commons •   WikibooksWikijunior ) •   Wikisionario •   Wikinotisie •   Wikipedia •   Wikiquote •   Wikisource •   Wikispecies •   Wikiversità •   Meta-Wiki •   Wikidata •   MediaWiki •   Wikimedia Incubator •   Wikivoyage
  Wikimedia CH ·   Wikimedia Deutschland ·   Wikimédia France ·   Wikimedia Itałia ·   Wikimedia Polska ·   Wikimedia Serbia


Controło de autoritàVIAF (EN137022054 · ISNI (EN0000 0004 6074 284X · LCCN (ENn2005070272 · GND (DE10102830-1 · WorldCat Identities (ENn2005-070272
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Wikimedia_Foundation&oldid=1111653"