Wikipedia ła funsiona grasie a ła costrusion del consenso. Ciò avien par mexo de discusion pacae e de ła negosiasion, sercando de sviłupare on consenso so ła coreta aplicasion de łe pułiteghe e linee guida cofà, a exempio, el ponto de vista neutrałe e ogetivo (NPOV).

Quando, malgrado tuti i sforsi par raxunxere na sołusion condivixa 'traverso el conpromeso, ła discusion sviłupà so łe pàjine de discusion ła fałise, xe nesesario ricorer a ulteriori mecanismi pa' risercar e dełinear on consenso tra i Wikipediani, a exenpio i sondaji.

Inte l'atività ordinaria e quotidiana (come par exempio inte łe pajine proposte pa' ła scansełasion) el consenso el xe interpretà en xenere come n'ampia majoransa o na majoransa quałificada normalmente pari a do tersi de i voti, dato che l'unanimità ła xe molto difisiłe da raxunxer. En alcuni caxi, come pa'l elesion de on novo aministrador, vien dimandà na majoransa ncora pì anpia respeto a i do tersi.

El consenso nó el xe tutavia riduçibie a ła senpliçe conta del voto e 'l conprende anca łe opinion entermedie, al de fora del senpliçe "+1" o "-1". El consenso el xe pitosto un mix che tien conto de łe varie conponenti de ła comunidà che łe opera in Wikipedia: ghe xe i contribudori che sostien fortemente na proposta, altri che senpliçemente ła apresa, alcuni indeçixi, altri che i xe contrari, altri deçixamente contrari ma che i xe cosienti d'esar inte na comunidà e i ła rispeta, quei che i convien sensa rancor de nó esar d'acordo, alcuni elementi ciassosi e inconciłiabii, alcuni che i opera "fora da łe regołe". Se sa de 'ver consenso o men - se non ła unanimità - soło quando che se serca de costruirlo 'traverso na discusion.

Numari precixi pa' otegner el consenso i xe difiçiłi da stabilir. Wikipedia nó xe na democrasia de ła majoransa, e perciò el senpliçe contejo de i voti nó el xe 'l elemento pì riłevante pa' interpretar i risultati de un dibatito. Ciononostante alcune proçedure a cui se ricore frequentemente łe senbra interpretar el consenso come el raxunximento de un determinà liveło de opinion concordanti. Par alcune situasion xe stà definii inte el tenpo numari spesifiçi, come pa'l elesion de i aministradori (4/5) e łe pajine da scansełare (2/3). Stì numari tutavia i xe indicativi e sogeti a canbiamenti e, en ogni caso, łe discusion łe xe pì importanti de łe statisteghe.

Xe inportante notar come el consenso el posa funsionar soło tra contribudori che, en bona fede, conpia el sforso de laorar ensieme par rancurar i difarenti ponti de vista rełativi al argomento tratà e descriverli acuratamente inte na voxe.

Ensistere a inserir en na voxe nosion insignificanti, nó vere o nó provae, in opoxision a molti altri contribudori, xe considerà na viołasion del consenso.

Xe difiçiłe spesifegare có precixion cosa costituise na poxision rajonevołe o rasionałe. Praticamente tuti i contribudori i xe convinti che ła propia poxision ła sie rajonevołe; boni contribudori riconose che łe poxision oposte al propio ponto de vista e xe anca chełe rajonevołi. Inveçe ła pratica del consenso so Wikipedia nó ła justifica na insistenza ostinada so poxision ecentriche unia al refiudo de considerar i altri ponti de vista in bona fede. Có tuto el rispeto pa' ła bona fede, apełarse al ponto de vista neutrałe, anca insistentemente e có na çerta enfaxi, xe inutile pa' tentar de coerxere contribudi o modìfeghe vixibilmente sbiłanciae, talvolta influensae da prejudisi o secondi fini.

El consenso nó'l dovaria mai esar uxà pa' viołar el NPOV. Ocore cuindi ricordare che'l prinçipio del NPOV el xe prioritario rispeto al consenso (el NPOV el xe na regoła, el consenso na condision auspicabiłe).

Inte łe discusion so'l contegnuo de łe voxi, el consenso el vien nó de rado invocà a spropoxito, a volte anca par cheła che vien definia edit war en inglexe, na disputa en cui ciascuna de łe parti ła çerca de guadagnar consenso pa' far vałere ła propia version de ła voxe. Pa' risolvar le edit war xe preferibiłe invitare molti utenti a discutere del problema (inveçe che pretendere a tuti i costi na votasion: vedi Wikipedia:Nó corere a łe urne).

Existe en teoria ła posibiłità che on grupo de contribudori riesa pa' calche tenpo, organixandose, a scondare alcuni fati e ponti de vista faxendo ricorso al ostinasion e a ła consistenza numerica. El metodo preferibiłe pa' afrontare stì problemi xe richiamare altri utenti su ła question, dimandando pareri e eventualmente na mediasion: slargare el baçin del consenso previene ła posibilità che'l consenso el posa esare forsà da parte de un grupo ostinà. Ne consegue anca che chi se vede escludere łe propie informasion e ponti de vista da parte de un grupo de contribudori, speçie se i xe en molti, dovaria quantomeno considerar ła posibiłità de esar en eror e de fare on paso indrio.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Wikipedia:Consenso&oldid=902294"