Wikipedia:Modełi sinòteghi

I modełi sinòteghi i xenera tabełe che łe da un insieme de informasion de baxe su'l sojeto de na voxe. Ogni 'olta i mostra el steso tipo de informasion co'l steso formato, ma el contegnùo el xe diferensià doparando i parametri del modèl. Ogni sinòtego el xe fato par esar inserio in tute łe voxe de ła stesa tipołoxia: {{Film}} , {{Stato}} ...

Un sinotico, par cuanto detajà, no'l sostituise mai conpletamente el testo de ła voxe, almanco i dati fondamentałi i va riportai anca inte el testo. Na pajina co soło che un sinòtego e basta (sensa altro testo) ła xe al de soto del liveło de aboso.

Tuti i modełi sinòteghi contegnesti in sta wiki, i se połe catar so sta categoria e so ła voxe Wikipedia:Modełi racomandai.

Poxisionamento

Normalmente i vien mesi in sima a ła voxe, su ła drita, metendo el codexe prima del incipit ma dopo eventuałi avixi. I pol anca riguardar soło che na sesion, in sto caxo i va mesi al inisio de ła 'stesa, dopo i ==; se però el sojeto de ła sesion el ga anca na propia voxe separà, łora el sinòtego el va meso soło che so cheła.

Existe anca i sinòteghi che i va al sentro de ła pajina (ex. {{Infobox de Muxeo}} ), sensa testo de fianco. In sto caxo no i revarda a on sojeto autonomo ma un so particołar aspeto, e i va inserii inte el corpo de ła voxe.

Reałixasion

Un sinòtego el ga senso se'l xe fato par esar un standard de formatasion par numaroxe voxe, e cuando che'l vien aprovà se pol dimandar el so inserimento in tute łe voxe interesae doparando 'l avixo {{tmp}} . Xe senpre oportuno discutar prima de crear o modifegar notevolmente un sinotico, preso el projeto conpetente.

De sołito i sinòteghi i vien reałixai baxàndose so el modeło {{infobox}} , che el parmete de crear modełi rapidamente e co major suçeso rispeto ai veci stàndar de na olta.

Parametri

I sinòteghi i xe senpre dotai de numaroxi parametri par tuti i canpi dato del sojeto, dichiarai par nome e no par ordene numarego. Speso tanti parametri i xe facoltativi, in sto caxo ocor far in modo, tramite el comando #if, che ła rełativa caxeła de ła tabeła no ła vegne fora co no i ghe xe. Se invese i xe obligatori, ma al momento i manca par inconpletesa de ła voce, ła rełativa caxeła ła dovaria vegner fora voda.

Un parametro el pol esar facoltativo parché poco importante o parché par natura no pertinente a tute łe voxe de ła tipoloxia. Cuando se inserise el codexe di un sinòtego inte na voxe convien far copia/incoła del schełetro (che'l dovaria senpre esar disponibiłe inte ła pajina descritiva del modèl) e cavare i parametri no pertinenti a ła voxe, mentre chèi pertinenti che al momento no se xe in grado de inpienare i va łasai pa'l futuro.

Contegnui

Co se siełie ła tipołoxia de voxe interesae dal sinòtego va trovà un justo ecuiłibrio infrà spesifego e universałe. Ła tipołoxia ła ga da esar anpia, par garantir uniformedà de stiłe e manco modełi da conosare.

Tuti i dati inportanti e fasilmente schematixabiłi i ga daesar prexenti, invese chèi poco carateristeghi o che i vegnaria doparai in pochi caxi i va evitai, tanto i se cata anca inte el testo de ła voxe.

Un canpo senpre prexente xe 'l nome del sojeto, doparà come intestasion de ła tabeła. Xe consejabiłe permeter 'l inserimento facoltativo de n'imagine carateristega del sojeto diretamente inte el sinotico. A volte i sinòteghi i categorixa anca ła voxe, sfrutando ła corispondensa infrà parametri e categorie.

De sołito i sinòteghi no i ga da contegner testi longhi, cołegamenti a voxe ligae o a pajine de servisio, cołegamenti foresti (a ecesion del sito uficiałe del sojeto). No xe ençiclopèdeghi nùmari de tełefono/fax o indirisi e-mail.

I canpi i pol contegner note.