Wikipedia:Nome utente inapropià

Cò che te crei un novo aceso (grasie a ła funsion Entra o crea novo aceso), te pui cussita entrar in Wikipedia ed esar riconosuo, una de łe poche coxe da far xè queła de sejiare un nome utente (o dal'inglexe nickname). Anca qua parò łe ghè xè de łe regołe ben presixe da rispetar: nò te puoi infati crear un nome utente che viołi ła seguente linea guida. El nome che 'l vioła a regoła el xè apunto ciamà nome utente inapropià.

Nomi utente inapropiai

Wikipedia nò ła parmete determinai nomi utente, esplisiti o mascherai, in quanto i xè ritegnui inapropiai. Tra i nomi che nò i xè consentìi i ghè xè i seguenti:

Nomi utente che i genera confuxion

• No ai nomi utente creai par cauxar confuxion cò altri utenti. Se n'altra persona ła xè drio uxar zà un soranome che te vuarisito dopàrar anca ti, vałuta l'idea de uxar el to nome anagrafigo opùr un pseudonimo diverso. De conseguensa:
• No ai nomi utente ecesivamènte longhi o articołati, difisiłi da riportar e ricordar par i altri utenti.
• No ai nomi utente che i genera confuxion cò łe funsion de sistema. Nò sta sejiare nomi cofà canbiamenti resenti, Aministrador o corispondenti a n'altra qualsiasi sesion del'interfasa, né a termini uxai comunemènte in Wikipedia e che i pol dar in qualche modo l'impresion de na prexa in xiro.

Nomi utente ofensivi

Wikipedia nò ła parmete l'uxo de nomi utente che i pol rixultar ofensivi o pro'ocatori opùr divegnere ogeto de abuxo, che i rixultà inutilmente sgradevołi 'nte i confronti de i altri cołaboradori e in ogni caxo i distrae dal conpito de crear n'ençiclopedia. Tra i nomi nò consentìi i ghè xè:

• Nomi che i insità anca indiretamènte al'odio rasiałe, etnigo, nasionałistego o rełigioxo;
• Nomi ofensivi ligai a carateristighe (vere o prexunte) rasiałi, etnighe, nasionałistighe o rełigioxe;
• Nomi ligai a sinbołi de odio rasiałe, etnigo, nasionałistego o rełigioxo;
• Nomi ligai ad ati sesuałi e organi genitałi, anca in forme gergałi o altrimenti mascherae;
• Nomi scatołoxisi o pornografisi, volgari o altrimenti ofensivi;
• Nomi ligai a (o che insita a conpiere) ati viołenti o ilegałi;
• Variasion creative par agirar łe limitasioni presedenti, baxae su variasion ortografighe o sostitusion de letere e numari.

Nomi utente promosionałi

• Nomi che i riproduse o i reclamixà un marchio axiendałe o un prodoto comersałe
• Pì in xenerałe, nomi de axiende, organixasioni, società, asociasion, siti web, soratuto se registrai ało scopo de inserire informasion rełative ałe propie atività.

Nomi utente difamatori e abuxivi

• Mołestie e difamasion łe xè in ogni caxo conportamenti fora logo su Wikipedia. El nome utente nò 'l xè un mexo par atacar altri utenti cò i quałi nò te vè d'acordo. El nome utente nò 'l gà da esar uxà par insultar o deridere altri xente, nomi utente, voxi o asioni. Un nome utente nò 'l gà da esar uxà anca par difamar altre persone, società o grupi de persone, che i scrive o no su Wikipedia, né par divulgar informasioni personałi de tersi.
• Nò i xè donca amesi nomi utente (o parti de esi) che i pol corispondare a numari tełefonisi, codixi fiscałi, indirisi fixici o de posta eletronega, siti web propi o de tersi.

Nò sta riutiłixar altri utenti

• Nò sta riutiłixar nomi utente molto noti (in bene o in małe) su Wikipedia, cò variasioni minime. In entranbi i caxi, sti nomi utente i verà blocai in tenpi molto brevi par i modivi descriti qua sora, en particołare quełi de utenti zà sotoposti a ban opùr de utenti che i gà un ruoło speciałe (aministradori e burocrati).

Altri nomi nò amesi

• Longhe sequense caxuałi o aparentemènte caxuałi de letere e numari ("ZJUn5XDLfqSve6yO", "R852783459b", o "asdfjjjjjjjk") opùr de sołi numari (incluxe sequense che i somejà a indirisi IP o numari tełefonisi).
• Par raxoni tecnighe, all'interno del nome nò i pol esar prexenti i carateri / o @.

Ricordate anca...

Che te pare justo o no, ła linea che ła separa i nomi utente asetabiłi da quełi inasetabiłi vien tracià da cołoro i quałi i cata el nome utente inapropià, nò dal creator del nome.