Wikipedia:Pareri so Wikipedia

Ciao butei!!! Bela 'sta roba del dialeto... Ormai semo rimasti in pochi boni de parlarlo... Intanto ve saludo tuti... Ciao by Saku

Mi me ga piaxesto propio che ghenesia on posto par nuantri scrivar e meter su el nostro cognosimento. Ghe manchea propio na ròba cussita. Ben fata! Magno Dal Magro- Braxie

A so stà sorpreso che ghe sia na versiòn de wikipedia anca in veneto! Go da dire che so proprio contento, anca se ghe xe na roba che me un pò me da fastidio: a soun utente registrà in 'talian e no poso far l'aceso in veneto! No se poe mia sercare de giustare sta roba in modo che no serva creare do utenti difarenti x le do lengue? Giox8

Credo che par adeso non sia mia possibiłe. Se stà discutendo ormai da ani su sta roba par crear un unico nome utente par tuti i projeti wikimedia...--Nick1915 - dime quel che te voli 09:21, 6 Lug 2006 (UTC)

Ciao, so Paolodecorsa e vojo dire che anca mi so contento che qualcuno ghe gabia pensà a creare un posto indove che se possa scrivare in diaeto e faso fadiga a pensare che qualcuno possa commetare atti de vandaismo so ste pagine, co tutte quee che ghe xe in giro pa Internet. --Paolodecorsa 17:07, 3 feb 2008 (UTC).

A mi no me piaxe mia che lo ciamè dialeto. La nostra la xe na łengoa pi che riconossua :) --Marisol 17:22, 3 feb 2008 (UTC)

Ło go scrito sensa incorxame, parché par chi che no xe linguista, dire che el parla in diaeto, xe ła stesa roba, de dire che el parla in veneto, anca se a voer essare precixi, linguisticamente parlando te ghe raxon, e xe do robe diverse. Naturalmente so dacordo co ti, el veneto lè na lingua. Par piasere Marisol, xonta su Projeto:Proverbi i proverbi veneti che te conosi e scrivi de dove che i xe. Ciao. --Paolodecorsa 20:45, 5 feb 2008 (UTC)