L’arcipelago de Zanzibar el xe on grupo de ixole in fronte a la costa setentrionale de el Tanganica (Tanzania). L’ixola principale la vien de solito ciamà Zanzibar, anca se el so nome el xe Unguja. Le altre ixole xe Mafia, Pemba e altre minori. L’arcipelago el xe anca ciamà Le Ixole de le Spesie.

Xanxìbar
(SW) Zanzibar
Approaching Zanzibar.jpg
Xiografia fìxega
Superfise3067
Xiografia Omana
Łocałità prinsipałiXanxìbar
Poxisionamento
6°08′S 39°19′E / 6.133333°S 39.316667°E-6.133333; 39.316667 (Xanxìbar)Coordinae: 6°08′S 39°19′E / 6.133333°S 39.316667°E-6.133333; 39.316667 (Xanxìbar)


StoriaCànbia

  Par savèrghene de pì, vardarse ła voxe Storia de la Tanzania.
 
Vista dal mar de la Sità de Piera su l'isola de Zanzibar

L’arcipelago de Zanzibar el xe stà abità da popolasioni bantu fin da el secolo XI. De lo steso tempo xe anca i primi contati co el mondo arabo e persiano. El nome Zanzibar vegnarea dal persian (zangi-bar, costa de i neri), ma no ghe testimonianse certe. I portoghexi xe rivà en tel XVI secolo e gavea de i forti su le ixole pi grandi. El sultanato omanita gha sempre vù el control politego de Zanzibar e, dal 1698 secolo, Stone Town – cavedal de l’arcipelago – la xera anca la cavedal de el sultanato. L’arcipelago el xe sempre stà importante par le spesie – ciodi de garofano, zenzero, vanilia, noxe moscata, peare e altre – e par el marcà de i sciavi. Tippu Tip, el pi grande produtor de spesie en tel secolo XIX, el xera anca el pi grande marcante de sciavi. El sultan de Zanzibar gavea el control de Mogadiscio, Mombasa, Dar es Salaam e parte de la costa del Tanganica fin a el Capo Delgado, en tel nord de el Mozanbico (Misumbiji). I inglexi i xe stà boni de tor el poder, fazendo rimaner el sultan al so posto par darghe on po’ de fumo su i oci a i residenti, fin dal 1890. En tel 1963, Zanzibar el xe diventà indipendente soto el sultan Jamshid bin Abdullah. En tel 1964, co on colpo de stato el sultan el xe stà parà via e l’arcipelago el sa unio a el Tanganica par formar la Tanzania. Durante el colpo de stato, i neri de Zanzibar gha copà poco manco de la metà de i arabi (5000 su 12000) e ancora ancò se vede che el problema etnico xe a la baxe de tante rivalità politighe e economiche de Zanzibar. La violensa la xe sciopà ne i ultimi tempi tute le olte che ghe stà de le elesioni politeghe, co i partiti islamici che voria tor el poder e stacarse da el Tanganica.

Colegamenti esterniCànbia

Controło de autoritàVIAF (EN312799169 · LCCN (ENn80121277 · GND (DE4051641-6 · NDL (ENJA00574576 · WorldCat Identities (ENn80-121277
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Zanzibar&oldid=654005"