Łe Vete

Łe Vete le ze al grupo pì a meodì de le Dolomiti. Le ze situade inte la zona sud-ocidental de la Provincia de Bełun, 'te el confin co el Trentin, che al ghe un include la part a medanot. le ze conprendeste intrà la Val del Primier (co la lateral Val Noana), inte la Provincia de Trento, a nord-ovest, la Val Cansoi a est e la conca feltrina a sud.

Łe Vete

Sorte	Caena montagnoza
Liogo
Rejon aministrativa	Itàłia
Caena montagnoza	Alpi Feltrine (it)
Dati SOIUSA
Gran parte	Alpi Orientałi
Gran setore	Alpi Sud-orientai
Sesion	Dołomiti
Sotosesion	Dolomiti de Feltre e de le Pale de San Martin
Supergrupo	Alpi Feltrine
Grupo	Grupo de le Vete Feltrine
Còdaze	II/C-31.IV-B.5
Dati e sifre
Ponto pì alto	Pavion  (2 334 m )

A medanot de le Vete ghe n'è al Grupo del Simonega, e a matina, visìbiłi da la Valbeluna, ghe n'è le vete del Grupo del S-ciara e i Monti del Sole.

La sima principal la ze al Pavion, che al segna al confin tra el trentin e el Veneto. La montagna, vista dal Primier, la ga na sagoma a piramide che, pì che sia de invern, quatà de neve, la assa a boca verta par la so belesa.

Tra al rifugio Dal Pias e el Pavion, 'te el comun de Sovramonte, che n'è na gran busa doperada par pascolar cognossesta come "Busa de le Vete". Ghe n'è anca an posto al pustern aonde che resiste jaso par quasi tut al tenpo del an, ciamà "Jasoera de le Vete".

Le Vete le ze inseride 'te el Parco Nazionale Dolomiti Bellunesi, instituì del 1993, del qual le ze la part pì a sera.

Su le Vete passa la ultima part de la Alta via n.2 de le Legende, che, tramite diverse vai del Trentino-Alto Adige e del Veneto, la donta Bressanon a Feltre.

Sime principai

• Pavion 2334 m s.l.m.
• Col de Luna 2 295 m
• Sima Dodici 2 265 m
• Ramesa 2 250 m
• Scarnion 2 226 m
• Pietena 2 195 m.

Rifugi alpini

• Rifugio Giorgio Dal Piaz 1993 m
• Rifugio Bruno Boz 1718 m.

Colegamenti esterni

• Parco Nazionale delle Dolomiti Bellunesi