Provincia de Bełun

Ła Provincia de Bełun, ła fa parte de ła Rejon del Veneto ła confina al nord cò l'Austria (Tirolo e Carinsia), al est co el Friułi-Venesia Julia (Provincia de Udine e Provincia de Pordenon), al sud cò ła Provincia de Treviso e co ła Provincia de Vicensa, al ovest co el Trentin-Alto Adexe (Provincia de Trento e Provincia de Bolzan).

Provincia de Bełun

Pozision
46°08′27″N 12°12′56″E46°08′27″N, 12°12′56″E (Provincia de Belun)
Stato	Itàłia
Rejon	Vèneto
Capitałe	Bełun
Popołasion
Totałe	209 550
Densità	56,99 hab./km²
Zeografia
Àrea	3 677 km²
Rente a	Distreto de Lienz   Alto Àdeze ente di decentramento regionale di Pordenone (it) ente di decentramento regionale di Udine (it) Distreto de Hermagor   Trentin   Provincia de Trevizo   Provincia de Vicensa   Provincia de Pordenon (–2017)   Provincia de Ùdine (–2017)
Organizasion pułìtega
Òrgano lejislativo	Consejo provinciale de Provincia de Bełun (it)
Còdazi de identifegasion
ISO 3166-2	IT-BL
Còdaze postałe	32100 e 32010–32047
Còdaze de matricołasion	BL
Fuzo oràrio	UTC+1 UTC+2
Prefiso tełefònego	0435, 0436, 0439 e 0437
Còdaze NUTS	ITH33
ID ISTAT	025
Istòrego
← provincia di Belluno (it) Zona d'operazioni delle Prealpi (it) →
Sito web	provincia.belluno.it

Panorama de Bełun

Zeografia

Le Tre Cime de Lavaredo

Ła provincia, tanto łarga e squaxi par intiero fata de munti, ła ga drento łe rejion jeografiche del Cadore, del Feltrin, del'Alpago, de ła Val Zoldana e del'Agordin.

Se ghe trova, par la gran parte de ła provincia, ła sesion orientałe de łe Dołomiti, co łe sime de łe Tofane, de łe Tri Sime de Lavaredo, del Monte Pelmo, del Monte Civetta, de ła Marmolada e de łe Pale di San Martino (ste ultime dò al confin còl Trentin). Ła provincia ła xe sìora de corsi de acòe. El pì grande l'è par serto el Piave, co i afluenti Boite e Cordevołe. Ghe entra un tocheto inte el Feltrin anca el fiume Cismon, afluente de ła Brenta.

Inte ła parte meridionałe de ła provincia ghe xe na vale pi larga de le altre, ła Valbelluna, onde che se alsa łe Prealpi vènete, che deso łe fa parte del Parco Nazionale delle Dolomiti Bellunesi.

Economia

El Lago de Misurina

Na volta l'economia del teritorio l'era baxà su l'alpeggio e su na pòvara agricoltura de montagna. Deso l'agricoltura ła cónta de manco, fora che in serti caxi tìpisi come ła coltivasion dei faxułi su l'altopian de Lamon.

Inte Belumat xe vegnesto sù un dei distretti industriali pi importanti del Nord-est, quel dei ociałi, in particołar su łe xone de l'Agordin e del Cador. A Agordo gh'è ła sede de ła Luxottica, una de łe industrie itałiane pi ative a liveło internasionałe. A Longaron invése, se cata un stabiłimento de ła Safilo.

Un setor ben important par l'economia l'è el turismo: ła provincia ła pol vantar alcune de łe stasion turistiche de montagna pi conosùe a liveło nasionałe come Cortina d'Ampezzo, Alleghe, Auronzo di Cadore, Falcade, Arabba, al col del Nevegal e in xeneral łe xone del Cador e de l'Agordin.

Minoranse lenguìstiche

Nella Provincia xe presenti alcune minoranse lenguistiche, tutelà dal statuto provinciałe:

• ła minoransa ladina situà inte i tri comuni de Colle Santa Lucia/Col, Livinallongo del Col di Lana/Fodom e Cortina d'Ampezzo/Anpezo;
• łe minoranse germanofone dei comuni de Alpago (a Fara) e Tambre.

Comuni prinsipałi

• Belun - 35 703 abitanti
• Feltre - 20 652 abitanti
• Sedico - 10 018 abitanti

I altri sentri pi grosi de 'sta provincia qua i ze Cortina d'Ampezzo, Agordo, Pieve di Cadore e Mel.

Cołegamenti forésti

• Informasioni turistiche suła Provincia de Bełun
• Parco nasionałe de łe Dolomiti Bełunesi Archivià il 3 de novenbre 2005 in Internet Archive.

• I Ladini de ła Provincia de Bełun