Piave

La Piave la xe un fiume vèneto, na olta se ciamea anca Piau, la xe un fiume inte le Alpi Orientali.

Piave

Sorte	Fiume e locałità tipo
Scumìsio
Continente	Eoropa
Rejon aministrativa	San Donà de Piave (Itàlia)
Pozision	Monte Peralba
Finałe
Pozision	mar Adriàtego
A  B 45.5294°N 12.7275°E45°31′45.84″N, 12°43′39″E
Afluente	Vajont, Padola, Boite, Cordeol, Maè, Ansiei, Ardo, Caoran, Cicogna, Limana, Piavezeła, Sołigo, Terche, Gresal
Dati e sifre
Mezura	220 () km
Superfise conca idrogràfega	4 127 km²
Mezure e indegadori
Portada	135 m³/s
Istòria
Perìodo	Priabonian

La parola "Piave" etimolojicamente la vol dir "tera che la se inpina de acua de piova che daspò score/va zo par la pendença, verso le gran buse de i laghi o de 'l mar".

fiume a Belun.

fiume a Ponte la Priula, Susegana.

fiume a Noventa de Piave.

La nasse a la base meridionale de 'l Monte Peralba, inte el comun de Sapada, in provinçia de Udine, a cuota 2.037 m s.l.m..
El traversa el Cadore e la Valbeluna e la pianura vèneta inte le provinçie de Treviso (Valdobiadene, Ponte de la Priula, Ponte de Piave) e de Veneçia (San Donà)
La so foce la xe inte el Mar Adriàtego, al nord-est de Veneçia, vesin de 'l porto de Cortelaço. El xe el cuinto fiume de l'Italia par longhessa intrà cueli che se buta diretamente in mar.

Za dopo pochi chilometri da la sorzente la Piave la assume na notevole portada dovùa a l'aflusso de numarosi torenti. I so prinçipali afluenti i xe:

• Ansiei;
• Boite;
• Cordeol;
• Maè;
• Soligo;
• Sona;
• Tesa.

El bacin superior de la Piave, de cui el fiume costituisse l'asta prinçipale, el conprende i laghi alpini:

• Lago de Àleghe;
• Lago de Misurina;
• Lago de S.Croze su 'l Tesa (na derivaçion de la Piave rezimenta el lago pi un numero de bacini artifiçiali).

Çeni istòreghi

El fiume la Piave l'é considerà sagro a la patria, in virtù de i avenimenti stòreghi acadùi sue so sponde durante a Prima guera mondiale.

La parte meridionale de 'l corso de la Piave la jera diventada na linea stratèzega inportante inte 'l 1917, in corispondença de la ritirada avegnùa in seguito a Caporeto. Dopo el pasajo sua riva destra de 'l resto de le armade italiane e la distruçion de i ponti, el fiume deventa la linea de defesa contro le truppe austrìaghe e todesche che, nonostante svariai tentativi, non i xe stai boni a varcar el fiume. La dificoltà de l'atraversamento la jera anca dovùa a 'l periodo de piena de 'l fiume dovùo a le forti piove.
La linea la xe resistìa fin a l'otobre 1918 cuando, dopo la bataja de Cèneda, i aversari i xe stadi sconfiti e se rivò a l'armistiçio.
Insieme a Cèneda n'altra çità che la ga subìo tante distruçion (conpletamente rasa a 'l solo) la xe stada San Donà, che la ga ligà el so destin co cuel de 'l fiume, e propio par 'sto motivo la xe stada insignìa de la Crose a 'l Merito de Guera).

Curiosità

La cançon probabilmente pi famosa de la prima guera mondiale la jera La leggenda del Piave de Giovanni Gaeta publegada inte 'l 1918.

Fra i grandi fiumi italiani, la Piave la xe la sola che la ga la sorzente e la foce che le xe inte 'l stesso meridian zeogràfego.