Šajkača
El Sajkaca el xe un copricapo miłitare e tradizionałe serbo.
El termine signifega piexe o manco "bereto de frontiera". El xe sta adotà inteła uniforme miłitare del Regno de Serbia dei primi del 900, in do modełi fondamentałi che i ga avùo varie version. El xe in uso oncora indeso, soratuto da parte de formazion paramiłitari o patriotiche, cuałe ełemento de caraterizazion etnica de abijamento.
La prima version, ispirata ała bustina miłitare austroungarica indosà dai reparti de fanteria de confine croati ( grenzer ), la consisteva in na całota foderada,de stofa o pano, co de łe pieghe a sofieto itnel senso de ła longheza suła parte somitałe, cossita da asumar na distintiva foxa a «v», quando indosà. Un tondo de stofa o pano del medesimo cołor de ła całota, cuçito longo el bordo de soto, el andava a dopiar ła çirconferenza del copricapo, seguendone el profil de ła parte de sora e potendo esar całà in caso de tempo inclemente a protexar łe rece de chi el lo indosava.