576i
El 576i xe on formato del segnałe video a definision stàndar, doparà inte łe nasion che łe tien i stàndar anałogici PAL e SÉCAM, che ła costituise ła version dixitałe; ła maxor parte dei canałi TV parò uncò i ga na version Full HD (1080i), che dai ani 2000, xe drio sostituir łentamente el formato 576i.
El nome 576 identifega na risołusion vertical de 576 linee, e co ła i se indica che sta risołusion ła xe interlasada. Ła risołusion orixontal, invese, ła xe de sołito de 720 pixel.
Ła frequensa de semiquadro, de 50 Hz, tal'olta ła vien incluxa inte ła sigla, che ła devien 576i50.
Sto formato video el połe esar trasmeso anca dai maxori stàndar de tełevixion dixitałe, come ATSC e DVB, e l'è doparà par i DVD: suporta raporti de aparensa de 4:3 e de 16:9 anamorfico.