El termine 720p identifega na serie de stàndar reladivi a la TV dijitale a alta definision (HDTV).

I sistemi a 720p e 1080i i xe stai tanto doparai da tanto tenpo, e oncora deso i njien doparai da la televixion e so internet, anca se inte el contenpo se ga xà difondesto el 1080p e 4K.

La tecnoloxia a 720p el vole manco costi economiçi par farlo e riprodurlo, rispeto a le altre tecnoloxie come el 1080i, 1080p e 4K.

Speçifeghe tecneghe canbia

La "p" prexente inte la sigla 720p e 1080p indica la tecnega progresiva che la njien doparada par riprodur ("ridixegnada") l'imajine sol schermo 60 volte al secondo, e inte el contenpo la "i" (de la sigla 1080i) indica la tecnega interlaçada, o sia la riprodusion de mexa imajine 60 volte al segondo (andove se alterna le righe dispari da chele pari).

La tecnoloxia progresiva la dà na percesion mejore del movimento rispeto a chela interlaçada, speçalmente inte le riprexe veloçi, parò na rixolusion de 720 linee el xe 2,25 (1,5x1,5) volte manco rispeto a chela a 1080.

Va sotolineà che, nonostante el termine el vegna tante olte doparà inte la leteradura tecnega, no existe alguna version interlaçada del formato a 720 linee. El fantaxioxo formato 720i no l'è previsto da nisun stàndar.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=720p&oldid=1035628"