A-Team

A-Team
The A-Team
Paeze	Stati Unii de l'Amèrica
Zènare	action television series (en)
Spàsio d'anbientasion	Los Angeles
Ecuìp tècnega
Creador	Frank Lupo (it) e Stephen J. Cannell (it)
Produtor	John Ashley (it) e Patrick Hasburgh (it)
Produtor ezecutivo	Frank Lupo (it) e Stephen J. Cannell (it)
Conpozitor	Mike Post (it) e Pete Carpenter (it)
Atori	George Peppard; Dirk Benedict (it) ; Dwight Schultz; Mr. T (it) ; Melinda Culea (it) ; Marla Heasley (it) ; Eddie Velez (it) ; Robert Vaughn (it)
Conpangnia produtora	Universal Television (it)
Destribudor	Universal Television (it)
Łéngua orizenałe	inglezo
Canałe orizenałe	NBC
Durada dei capìtułi	45 min
Primo epizòdio	23 de zenaro del 1983
Ùltemo epizòdio	8 de marso del 1987
Stajon	5
Epizodi	98
Lista epizodi	episodi di A-Team (it)
Altre	A-Team (it) ; The A-Team XXX – A Parody (en)
Pì informasion
Sito web	cannell.com…

A-Team (The A-Team) la ze na serie televiziva statunitense trazmesa in prima vizion asoluta da'l 1983 a'l 1987 so'l canale televizivo NBC.

Creada da Frank Lupo e Stephen J. Cannell, la segue el filon de'l "militarizmo bon", ndove el dòparo de arme inzenjoze e mìa convensionale no'l conporta scuazi mai la morte o el ferimento grave dei nemighi, drìo na inpostasion tìpega de l'intratenjimento popolar inte i ani 1980. El titolo de la serie el se refarise diretamente ai "A-Teams", tèrmane co'l cualo A se intende i Operational Detachments Alpha (ODA), overo dei destacamente oparadivi che i raprezenta la formasion-baze de le forse spesiale de l'ezèrsito statunitense, adestràe par la guera non convensionale e altre oparasion spesiale.

In Italia la la ze stà trazmetesta par la prima volta da Rete 4 a partire da'l 25 febraro 1984 par la prima stajon, e le ùlteme cuatro stajon so Italia 1.

Inte'l 2010 A ze usìo fòra inte i sinema un film omonemo bazà so la serie televiziva.

Trama

(VEC)
«Diezi ani indrìo i òmeni de un comando spesiałizà oparante in Vietnam i ze stà condanà injustamente da un tribunałe miłitare. Scanpài via da na prezon de màsema seguresa i se ga refuzià a Los Angeles, vivendo in clandestinità. I ze tutora resercài, ma se gavì un problema che nesun el pol rezolver – e se riusì a catarli – fursi A podaré ingagiar el famozo A-Team.»

— Fraze introdutiva de łe prime cuatro stajon de ła serie

Un comando de ex-conbatenti de ła guerra de'l Vietnam ciamà A-Team (Scuadra A), un tenpo partenjenti a'l 5th Special Forces Group "Berretti Verdi" de l'ezèrsito dei Stati Unìi, el vien acuzà injustamente de aver rapinà ła banca de Hanoi. Scanpà via in maniera rocanbolesca, i vive in evazion, resercà e uzmà da łe autorità militare par un reato che no i ga mai comeso. I conponenti de ła scuadra i soravive prestando servisio come mersenari e venjendo, inte ła scuazi totalità dei epizodi, asoldà da parsone o da grupi de parsone oprese da situasion d'ingiustisia o de parìgoło.

Grasie a łe cualità miłitari e umane de l'A-Team, onji epizodio el se rezolve in maniera definitiva a favor dei pì dèbołi. Pur sendo considarà mersenari dai altri parsonaji de ła serie, i menbri de l'A-Team i ze schierà senpre da ła parte de'l ben. Famozo A ze el furgon de P.E, un GMC Vandura nero e grizo co do strise de łado rose che łe se unise so'l spoiler suparior, doparà cofà mezo prinsipal de trasporto e de asion de l'A-Team.

Caturà da łe autorità militari, inte l'ùltema stajon l'A-Team el aceta ła proposta de prestar servisio in mision segrete de'l governo, soto el comando de'l zenerałe Hunt Stockwell, in alternativa a ła pena de morte da scontar tramite fuziłasion.

Stajon	Epizodi	Prima TV orizenale	Prima TV Italia
Prima stajon	14	1983	1984
Segonda stajon	23	1983-1984	1985
Tersa stajon	25	1984-1985	1986
Cuarta stajon	23	1985-1986	1987
Cuinta stajon	13	1986-1987	1988

Parsonaji e interpreti

Parsonaji prinsipali

John "Hannibal" Smith (stajon 1-5), intarpretà da George Peppard, dopià da Gianni Musy (stajon 1-2), Michele Kalamera (stajon 3-4), Emilio Cappuccio (stajon 5).

Cołoneło, senpre a cao de'l grupo e prinsipałe ideator dei piani con cui l'A-Team el porta senpre a conpimento łe propie inpreze, speso el se traveste, ad ezenpio inte'l mostro Acquamaniaco come conparsa in film de serie B, o inte'l łavander sineze Mr. Lee par contatar i clienti de ła scuadra. El ze conotà da'l fumar speso e da'l portar senpre guanti de pełe mora, nonché da'l famozo bomò: «Vado matto per i piani ben riusciti». (A vago mato par i piani ben riusìi)
Templeton "Sberla" Peck (stajon 1-5), intarpretà da Dirk Benedict, dopià da Carlo Cosolo.

Tenente, soranominà "Faccia da sberla" o senplisemente "Sberla", el ze caratarizà da'l fasino che'l ezersita so łe protagoniste femenine. Grasie a la só imàzene łontana dai canoni miłitari, el ze bon de otènjer a gratis, co inbrojesi e na diałètega suadente, onji tipo de atresadura par portar a tèrmene i piani de l'A-Team. El ze anca l'economo de'l grupo e A ghe partien o el se ga procurà ła caza ndove che A se riunise l'A-Team. Inte'l primo epizodio de ła serie (The Mexican Slayride), l'ator sernìo par el parsonajo de Sberla el jera Tim Dunigan, po sostituìo parché non adato a'l parsonajo e masa zòvane par èsar credibiłe inte i pani de un veteran de la guera de'l Vietnam.
H. M. "Howling Mad" Murdock (stajon 1-5), intarpretà da Dwight Schultz, dopià da Roberto Pedicini (stajon 1-2) e da Saverio Moriones (stajon 3-5).

Capitan, scurtà pardesòłito in "H. M. Murdock", el ze un òtemo piłota de aerei, de ełicoteri e de cuałuncue roba che ła sipia bona de zvołar, sofarente de na łieve e sinpàtega pasia, da ła cuała el vien conpletamente riabiłità inte ła cuinta stajon de la serie. No'l ze resercà da łe autorità miłitari come i altri menbri de l'A-Team, ma el ga da èsar speso łibarà da la caza de cura ndove che'l ze recoverà. Splendidi i só scanbi de opinion co P. E. Baracus. Murdock el raprezenta l'ancora de salvatagio de ła scuadra in racuanti epizodi de ła serie: se Hannibal, P. E. e Sberla i vien fati prezonieri, co'l só èsar "esterno" spese volte el salva dai guai l'A-Team.
Bosco Albert "P.E." Baracus (stajon 1-5), intarpretà da Mr. T, dopià da Luigi Montini (stajon 1-2) e da Bruno Alessandro (stajon 3-5).

Serzente, soranominà "Pessimo Elemento" e scurtà pardesòłito in "P.E." Baracus, co'l so carater ruspio e ła só muscoładura inponente el raprezenta el braso forte" de l'A-Team, anca par łe só indiscuse cuałità de mecànego. El ze caratarizà da'l tajo "a ła mohicana" dei cavełi, da łe vistoze cołane d'oro e dai recini piumài. El adora el łate e inte'l tenpo łìbaro el łaora come vołontario so un sentro che'l reseve putełi pòvari o provenjienti da fameje problemàteghe. El ga el teror de vołar e, onji volta che ła scuadra ła ga da spostarse utiłizando ełicoteri o aerei, el vien prima, co astuti stratazemi, sedà par tuta ła durada de'l voło. Anca par 'sta stajon l'è senpre in in conflito co Murdock, el piłota de l'A-Team. A ze suo el furgon nero so'l cuało se move la scuadra.

Parsonaji segondari

Cołoneło Lynch, Cołoneło Decker, Colonelo Briggs e el Zenerałe "Bull" Fulbright

I da la casa a l'A-Team, sensa riusir a caturarlo.
Amy Amanda "Triple A" Allen (stajon 1-2), intarpretada da Melinda Culea.

Intrepida zornałista che, inte'l tentativo de documentar łe visende de l'A-Team, ła ghe ne vien speso coinvolta.
Frankie "Dishpan" Santana (stajon 5), intarpretà da Eddie Velez, dopià da Claudio De Angelis.

El ze un esperto de efeti spesiałi che'l devien menbro a tuti i efeti de l'A-Team. Inte'l raporto co łe done el ze sìmiłe a Sberla.
Tanya Backer (stajon 2-3), intarpretada da Marla Heasley, dopiada da Monica Gravina.

Ła ze na amiga de Amy Allen che, come eła, ła partesipa co l'A-Team a łe só sparigołàe aventure. Ła lasa el grupo par restar co'l marìo, salvà in Braziłe inte la foresta amasònega, daspò na łota dura co un grupo neonazista durando na mision de l'A-Team.
Hunt Stockwell (stajon 5), intarpretà da Robert Vaughn, dopià da Carlo Sabatini.

Zeneral, el ze uno dei pì grandi esperti de armi e piani de guera. Daprima el incastra l'A-Team, ma suito dopo el deside de jutarli e el mete ła scuadra a łaorar par eło in mision segrete.

Adatamento sinematogràfego

L'11 zunjo 2010 ze venjùo fòra inte łe sałe sinematogràfeghe statunitensi l'adatamento sinematogràfego de ła serie tełeviziva, A-Team, produzesto da la 20th Century Fox. Anbientato ai zorni nostri, el vede i protagonisti oparanti in Iraq invese che in Vietnam. De'l cast de'l film A ghe fa parte Liam Neeson inte'l roło de'l cołoneło John "Hannibal" Smith, Bradley Cooper inte'l roło de "Sberla", Sharlto Copley inte'l roło de Murdock e Quinton "Rampage" Jackson inte'l roło de "P. E. Baracus".

Note

Altri projeti

Wikimedia Commons el detien imàjini o altri file so A-Team
Scholia el detien schemi gràfeghi so A-Team

Wikimedia Commons contiene immagini o altri file su A-Team

Linganbi foresti

Sito ufisałecannell.com.
A-TeamIl mondo dei doppiatori, AntonioGenna.net.
(EN) A-TeamInternet Movie Database, IMDb.com.
(EN) A-TeamAllMovie, All Media Network.
(EN) A-TeamRotten Tomatoes, Flixster Inc.
(EN) A-TeamMetacritic, CBS Interactive Inc.
(EN) A-TeamTV.com, CBS Interactive Inc.