El termine ADSL (sigla de l'inglexe Asymmetric Digital Subscriber Line, in vèneto Linea Asimetrega de Sotoscrision Dijitale), n'tel canpo de le tełecomunicasion, indica na clase de tecnoloxie de traxmision a livel fixego, che le fa parte de la fameja xDSL, doparae par l'entrada dijitale a internet a alta veloçità de traxmision so dopin telefonego, o sia n'tel ultimo miłio de la rete tełefonega (o rete de entrada), mirae al marcà rexidensial e a le axiende medio-cee, faxendo on contrato de fornidura co on provider del servisio.


L'ideaModìfega

La idea de l'ADSL, cusì come de tute chele altre tecnoloxie DSL, la nase da la conosensa del fato che la banda pasante disponibile sol dopin telefonego, la xé, de fato, major de chela che njien doparada pal normale trafego de le ciamae e de conseguensa nase l'idea che la se podese desfrutare par na traxmision dati a larga banda.

Carateristeghe xeneraliModìfega

Drento de la fameja de tecnoloxie DSL, el ADSL l'è caraterixada da la larghesa de banda asimetrega:[1] da 640 kbit/s a racuante dexene de Mbit/s in descargamento (download) e da 128 kbit/s a 1 Mbit/s in cargamento (upload). Sta asimetria la se adata al trafego xenerà da l'uxuario rexidensial[2].

I acesi a internet ADSL o tecnoloxie conpagne, i njien considerai "banda larga" (o broadband), e i ga oramai sostituio totalmente sia i modem tradisionali analoxeghi de tipo dial-up, che i fa in manjiera de consentire veloçità masime de solo 56 kbit/s in scargamento 48 kbit/s in cargamento (standard V.92), sia le linee ISDN che le riva fin a 128 kbit/s (doparando el dopio canale a 64 kbit/s) simetriçi.

El dopin telefonego in rame el jera sta projetà, e anca al dì de oncò doparà, par la comunicasion in voxe, che la dopara frecuense tra 300 e 3.400 hertz, parché sta banda la njien considerada come limite minimo parche la voxe umana la posa esar scoltada, ma el ga in realtà na banda pasante de alguni MHz. Par desfrutar tuta la banda disponibili, njien doparae tecneghe de multiplasion a divixion de frecuensa par separar el canal vocal (soto i 4 kHz) dal canal trafego dati (sora i 25,875 kHz), e el trafego dati in cargamento da cheloin descargamento.

Lingambi forestiModìfega

  1. Bertolacci, op. cit., p. 19.
  2. Misurainternet - Tecniche DSL. Lingambo vardà el 24 gennaio 2012(archivià dal lingambo del prinsipio n'te ła data: 28 novembre 2010)