On modem T-DSL


On modem l'è on dispoxidivo eletronego che l'è bon de convertir on segnale de dati dijitali so n'altro segnale analoxego, chel pole esar traxmeso da un canal projetà par segnali analoxeghi.

Parsto motivo, le do funsion prinçipali de sto dispoxidivo le xé la modulasion e la demodulasion de on set de dato, da ste do parole riva el so nome: mod ulador- dem odulador.

I modem pì novi, i ga tante pì funsionalità xontive, come la compoxision automadega, i metodi de conpresion e coresion dei dato e tanto altro.

Al dì de oncò, ghe xé in comerço modem USB co on jestor de schede SIM integrà (par exenpio el Huawei E220) e sto cua vuria dire che par colegarse a internet serve solo na porta USB e on modem (lexi "ciavete internet USB"). St'ultimo tipo, l'è el steso tipo de modem chel vien montà drento ai tełefono intełijenti, rełoji intełijenti e alguni tablet che i ga la posibilità de metarghe drento la SIM. El modem drento ai dispoxidivi, el serve proprio par navegare so internet co i dispoxidivi co la conesion dati.

Ciavete internet USBModìfega

Anca le cusì ciamae Ciavete USB par internet, le xé dei modem. Le xé oncora uno dei modi pì façili par navegare so internet co se xé fora caxa, o anca in caxa, in caxo de mancansa de Wi-Fi. L'è bona de dar bone prestasion, caxi pari a na comune ADSL, desfrutando la difuxion de le reti 4G.