Abraham Nicolas Amelot de la Houssaye

Nicolas Amelot de la Houssaye (Orléans 1634 - Parigi 1706) el xe sta on storego fransexe.

I particołari de ła vita de Amelot i xe poco ciari al de fora del fato che el xe sta nominà inte el 1669 segretario d'anbasada a Venesia.

Inte ła so Storia del governo de Venesia, el intendeva spiegare, e soratuto criticare, l'aministrasion de ła Serenisima e metare in evidensa łe cauxe de ła so decadensa. L'opara ła xe vegnù fora inte el marso del 1676 sensa alcuna disaprovasion da parte del governo fransexe. Ciò el ga provocà łe proteste de ł'anbasadore veneto, Giustiniani. Ł'autore el xe sta sarà par siè mixi a ła Bastiglia.

Na seconda edision, co suplementi ła xe sta publicà subito dopo, rinovando oncora łe proteste venesiane e ł'edizione ła xe sta vietà. Sta persecusion, al contrario, ła ga fato na publicità straordinaria a st'opara che ła ga conosesto vintido edision in tre ani, e paréce tradusion.

Amelot el ga publicà inte el 1683 na tradusion de ła 'Storia del concilio de Trento de Paolo Sarpi, inte el cuałe el ga zontà alcune note che contrarie a ł'autorità del Papa.

Soto ło pseudonimo de La Motte Josseval, Amelot el ga publicà on Discorso połitego so Tacito, inte el cuałe el ga anałisà el caratare de Tiberio.

El ga inoltre conposto na Storia de Guglielmo di Nassau, publicà inte el 1754, e el ga łasà de łe Memorie storeghe, che łe ga 'vudo ła reputasion de esare picanti, ma poco precixe.

Giacomo Casanova, inte el 1768, quando che el gera sarà in prexon inte el carcere de Barcełona, el ga scrti na confutasion de ła Storia del governo de Venesia.

Altri progetti

• Wikimedia Commons

• Wikimedia Commons el detien imàjini o altri file so Abraham Nicolas Amelot de la Houssaye