Adolfo Rossi

Adolfo Rossi (Łendinara (RO) 1857 - Buenos Aires 1921) el xe sta on giornałista, scritor e diplomatego itałian.

Nato a Valdento, frazion de Lendinara ma pena al de là del ponte davanti alla Ceza de Viłanova, da fameja borghese de impiegati in pretura, l'è stà batezà a Viłanova del Ghebo, come se vede inte i registri dea parochia del paese, inte el 1857. A 20 ani el gheva ciapà el posto de inpiegato a ł'uficio postałe de Łendinara. A Łendinara el frequentava ła caxa de Alberto Mario e el xe sta afaxinà da queło che ło steso el ghe cuntava de ł'America tanto che - a sołi 22 ani - el ga łasà improvisamente el Połexine, direto a New York. Arivà a New York sensa gnan on scheo el ga fato i laori pì umiłi fin quando el se ga inprovisà redator del periodico Il Progresso Italo-Americano. Al so ritorno in Itałia el xe sta apresà prima coma giornałista e scritor e po' come diplomatego, senpre al fianco dei emigranti italiani.

El xe morto improvisamente a Buenos Aires inte el 1921, mentre el cuerxeva ła prestigioxa carica de Ministro Plenipotensiario par ł'Itałia. Trasportà co na nave militare in Italia pai funerai de Stato l'è sta sepolto inte el zimitero de Lendinara a fianco de Alberto Mario e de so mujer Jessi Merton White. La bea epigrafe, detà da Olindo Malagodi, pare de Giovanni, che l'è stà segretario del Partio Liberale Italiano par tanti ani, la dise:

Ad Adolfo Rossi
Partio pioniere
fanciullo intrà emigranti
per poi diventare guida e custode
Reduce ora nella pace della morte
Dopo percorse le strade del mondo e della vita
il paese nativo
orgoglioso che un suo figlio
fuori della patria nelle più lontane contrade
abbia mostrato quanto valgono uniti
mente e cuore italiano

• el detien schemi gràfeghi so