Provincia de Rovigo

**Provincia de Rovigo**
	; ;
Pozision
	45°04′N 11°47′E
Stato	Itàłia
Rejon	Vèneto
Capitałe	Rovigo
Zeografia
Àrea	1 789,93 km²
Rente a	Provincia de Verona ; Provincia de Ferara ; Sità metropułitana de Venèsia ; provincia de Pàdoa ; Provincia de Màntoa
Organizasion pułìtega
Òrgano lejislativo	Consejo provinciale de Rovigo (it)
Còdazi de identifegasion
ISO 3166-2	IT-RO
Còdaze postałe	45100 e 45010–45039
Còdaze de matricołasion	RO
Fuzo oràrio	UTC+1 ; UTC+2
Prefiso tełefònego	0425 e 0426
Còdaze NUTS	ITH37
ID ISTAT	029
Sito web	provincia.rovigo.it

Ła Provincia de Rovigo ła xe na provincia itałiana che ła fa parte de ła region del Vèneto. El capòłogo el xe ła sità de Rovigo.

Ła confina a nord co łe province de Verona, Pàdoa e Venesia, a ovest co ła provincia de Màntoa in Lonbardìa, a sud co ła provincia de Ferara in Emiłia-Romagna. Ła confina a est co el Mar Adriàtego.

Zeografia

El teritorio de ła provincia el xe el Połéxine d'inqûo^[2] o el ghe se cata tuto rento^[3]. El ga n'àrea de 1 789 km² e a ghe stà 244 625 àneme ('nte el 2005). El xe un guałivo alto tra i -2 e i 15 m s.l.m..

El confin setentrional el va seconda del Àdeze a partir de Badìa Połézine fin inte el mar, fora che el teritorio de Cavàrsere che el xe inte ła provincia de Venesia.

El confin meridional el va seconda del Po a partir de Mełara fin inte el mar. Inte ła provincia se cata tuto el delta del Po, e el confin el va seconda del Po di Goro.

Ła tera ła se ga fata da poco, tirà su da łe fiumane del Àdeze e del Po, che i ne ga dà un percorso fiso e dei àrxeni soło che in sti ùltimi tenpi. Cusì ła tera ła se sbasa par subsidentia parché ła se ga sugà co łe bonìfiche e deso ła xe drìo conpatarse; se ga xontà anca l'omo, che el ga tirà su l'aqua e el metano da sototera^[4].

N'altro fiume el traversa ła provincia: el xe el Canal Bianco; pì ghe xe anca asè scołi de bonìfica parché el Po e el Àdexe i xe el primo e el terzo dei fiumi itałiani par portar aqua, e donca ghe xe asè aqua da tirar vìa. I scołi pì asè inportanti i xe el Collettore Padano, el Ceresoło e el Valdentro.

Ghe xe anca dei altri canałi che i xe stà inportanti par ła storia: i xe l'Adexeto, che el xera un vecio córso del Àdexe; el Poaso, che el xera un vecio córso del Po; ła fosa Polxeła, che el xera un vecio canal che se podéa navigar dal Canal Bianco inte el Po.

El clima el xe semicontinental e asè mojo; ghe xe sòfego d'istà e ghe xe nebia d'inverno. Ła piova ła vien xó normal, specie de primavera e d'autuno^[4].

Demografia

Anca ai dì d'anqûo ghe xe xente che i emigra da ła provincia de Rovigo; i xe soratuto i xóveni che i va a laorar inte łe sità pì sviłupàe del Vèneto o de l'Itałia, e par questo che inte ła provincia ghe xe senpre pì asè veci. Ghe xe anca qûei che i migra da łe canpagne ma che i resta inte ła provincia e i va inte i sentri pì svilupài^[4].

Comuni

Ghe xe 50 comuni inte ła provincia de Rovigo; i pì asè grandi i xe:

Comuni prinsipałi

Comun	Àneme (2005)
Rovigo	50 922
Adria	20 593
Porto Viro	14 484
Lendinara	12 198
Badìa Połéxine	10 741
Ociobeło	10 621
Porto Tołe	10 377
Tajo de Po	8 389
Rozołina	6 304
Viładóze	5 285

Comuni de ła Provincia

Sta divixion aministradiva (Provincia de Rovigo) ła ze dividesta in 50 comuni:

Note

↑ Declarà da: MusicBrainz. Łéngua de l'òpara: inglezo. Editor: MetaBrainz Foundation.
↑ (IT) "polesine" Archivià il 16 de febraro 2008 in Internet Archive. , Il Vocabolario Treccani, Roma: Istituto della Enciclopedia Italiana, 1992
↑ (IT) "Polesine" (ligo ronpesto dispunìbiłe in Internet Archive; védarse el istòrego, la prima version e ła ùltema). , Sapere.it, vol. Enciclopedia Generale, Novara: De Agostini, 2002
↑ ^4,0 ^4,1 ^4,2 (IT) "Rovigo (provincia)" Archivià il 24 de febraro 2007 in Internet Archive. , Sapere.it, vol. Enciclopedia Generale, cit.

Transpadana Ferareze

Itałia · Vèneto · Emiłia-Romagna · Provincia de Rovigo · Provincia de Ferara
Comuni: Bagnoło de Po · Bergantin · Canaro · Castelmassa · Castelnovo Bariano · Calto · Cenesełi · Ficarolo · Fiesso Umbertian · Gaiba · Giaciano · Melara · Ociobeło · Sałara · Stienta · Tresenta
Arian inte'l Połèzine · Corboła · Crespin · Papoze · Viłanova Marchesana
Fiumi: Po · Tàrtaro

Controło de autorità	VIAF (EN) 148936945 · LCCN (EN) n81118885 · GND (DE) 4500565-5 · BNF (FR) cb13507654q (data) · WorldCat Identities (EN) n81-118885

[706208b3024200fd0a39ad499808dd0d98d74065-1] Declarà da: MusicBrainz. Łéngua de l'òpara: inglezo. Editor: MetaBrainz Foundation.

[2] (IT) "polesine" Archivià il 16 de febraro 2008 in Internet Archive. , Il Vocabolario Treccani, Roma: Istituto della Enciclopedia Italiana, 1992

[sapere_polesine-3] (IT) "Polesine" (ligo ronpesto dispunìbiłe in Internet Archive; védarse el istòrego, la prima version e ła ùltema). , Sapere.it, vol. Enciclopedia Generale, Novara: De Agostini, 2002

[sapere_rovigo-4] 4,0 ^4,1 ^4,2 (IT) "Rovigo (provincia)" Archivià il 24 de febraro 2007 in Internet Archive. , Sapere.it, vol. Enciclopedia Generale, cit.

[1]

[2]

[3]

[4]