Transpadana Ferareza



Ła Transpadana Ferareza ła xe na rejon storica, costituia da na serie de łocałità sora ła riva sinistra del fiume Po, storicamente ligà a ła sità de Ferara, che ła se cata invese so che l'altra riva del fiume, esatamente de fronte a ste łocałità. Geograficamente, ła Transpadana ła zera conpreza tra el fiume Tartaro e el Po, e onquò ła corisponde ai comuni revieraschi in provincia de Rovigo tra Mełara e Crespin.

Infobox de Zeografia fìzegaTranspadana Ferareza

Cànbia el vałor in Wikidata
Liogo
Rejon aministrativa Itàłia Cànbia el vałor in Wikidata
Cànbia el vałor in Wikidata






















































In roso i comuni de la provincia de Rovigo che i zera inte el ferareze prima del 1815.

Ntel mèdio evo tuto el Połesine el zera soto Ferara, ma presto el teritorio el ga scuminsià a far goła a ła Repùblega de Venèsia, che ła gavea ła nesesità de controłar el bacino idrografego del delta del Po. Infati inte el 1482-1484 Venesia e Ferara łe se ga fato ła guera par el controło del Połezine. Co ła paze de Bagnoło del 7 de agosto 1484, Venesia la gaveva el controło te tuto el Połesine co l'esesion de la Transpadana Ferareza.

Ła Transpadana ła ga fato parte prima del Ducato di Ferara e po' - dal 1598 - da'l Stato Pontefiso fin a ła reorganisasion teritoriałe fata da Napoleon, che inte'l 1796 el ga fato tegnere come confin el Po. Sto novo confin el xe sta mantegnù dal Congreso de Viena come confine tra el Lonbardo-Veneto austriaco e ło Stato de ła Ceza. Dopo l'unità d'Itàlia el xe sta mantegnù come confine tra el Vèneto e l'Emilia-Romagna.

Ancora oncuò ła łengua parlà inte ła Transpadana Ferareze ła xe, apunto, el diałeto ferareze.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Transpadana_Ferareza&oldid=1165393"