Repùblega de Venèsia

vecio stato con cavedal Venèsia (697–1797)


Ła Repùblega de Venèsia, (in łatin: Venetiarum Respublica), ła xe stà un stado che el gavea cofà teritorio prinsipałe el Vèneto e Venèsia cofà cavedal. Ciamà anca Repùblega de San Marco, se se riferise a ła anca soło che come Ła Serenìsima.

Infotoła de zeografia pułìtega Repùblega de Venexia
Serenissima Repubblica di Venezia (it) Cànbia el vałor in Wikidata
Flag of Republic of Venice (1659-1675).svg Coat of Arms of the Republic of Venice.svg


BomòViva San Marco!
Pozision

45°34′58.8″N 12°40′58.8″E / 45.583°N 12.683°E45.583; 12.683Coordinae: 45°34′58.8″N 12°40′58.8″E / 45.583°N 12.683°E45.583; 12.683


CavedaƚeVenesia, Eraclea e Małamoco Cànbia el vałor in Wikidata
Popołasion
Totałe1 500 000 Cànbia el vałor in Wikidata
Łénguavèneto
Łéngoa latina Cànbia el vałor in Wikidata
Rełijoncatołicismo, Cristianèximo e Ceza Catòłega Cànbia el vałor in Wikidata
Dati istòreghi
Creasion697
Desolvimento12 majo 1797 Cànbia el vałor in Wikidata
Organizasion pułìtega
Forma de goernorepùblega e Oligarchia Cànbia el vałor in Wikidata
Òrgano lejislativoMazor Consegio Cànbia el vałor in Wikidata
• Cao de statoDoxe Cànbia el vałor in Wikidata
Economia
Total exports (en) Traduzispesie, sal, véro (-->)
Total imports (en) Traduzispesie (-->)
MonedaZechin e Łira vèneta
Istòrego
Sioria de Verona (1405)
Signoria di Padova (it) Traduzi (1405) Cànbia el vałor in Wikidata

Ła xe visùa pì de 1100 ani, nasùa inte el 697 co l'ełesion del primo doxe Paolucio Anafesto e ła xe finìa inte el 1797 co el invaxion de Napołeon. Par secołi ła xe stà na potensa econòmega e del trafego che ga dominà el Mediteraneo e ła xe stà łogo de fioritura de cultura, paxe, democrasia e justisia.

Par ła major parte de ła so vida ła Repùblica ła ciapea rento parte de ła Venetia organexà inte el Stato da Tera: co el Vèneto, el Friul e el Orobia; e rento el so Stato da Mar: l'Istria, ła Dalmasia, łe boche de Càtaro e łe ìzołe ionie. Durante ła so espansion masima ła ciapea rento anca ła Morea, Candia, Sipro, scuaxi tute łe isoe greçe e un mucio de sità e porti inte el Mediteraneo Orientałe.

Francesco Petrarca inte na letera a un amigo descrivea cusì ła Republega Vèneta.

(VEC)
«[...] ugnoło albergo ai nostri dì de łibartà, de justisia, de paxe, ugnoło receto dei boni e soło porto al cual, sbatue par ogni 'ndo da ła tiranìa e da ła guera, łe pol catar salvesa łe nave dei omeni che i serca de far na vida serena: Sità rica de or ma pì de nominansa, potente de forse ma pì de virtù, fondà sora forti marmari ma sora pì forti baxe de siviłe concordia ferma e imoviłe e, mejo che dal mar dal cual ła xe senta, da ła prudente sapiensa de i so fioi difexa e fata segura»

IstòriaCànbia

Ła nasita del DogadoCànbia

Daa metà del VI secoło el teritorio del ex Venetia et Histria el xe soto a dominasion del Inpero Bixantín[1]. Inte el 568 i riva i Longobardi, bate i bixantini e i concuista a major parte dee Tre Venesie, ai bixantini resta a parte costiera del Vèneto che vien organixà inte a Venetikà (o Venetia maritima), cusìta tanti vèneti i cata recèto inte a Venetikà .

Inte el 697 chee tere se proclama independenti e vien ełeto el primo doxe, Paolucio Anafesto. Suito a cavedal jera piantà a Eracliana (Eraclea), ma po, inte el 742, a vegnarà spostà a Metamauco' (Małamoco) e in fin a Rivus Altus (Rialto) inte el 812, che jera pì fasie da defendar, parché in mexo a ła łaguna.

El riconosimento e el tentativo de invaxión FrancaCànbia

Inte el 727 i Longobardi concuista Ravena, cavedal del Esarcà de Ravena [2], el papa Gregorio II esorta el doxe Orso a judar i bixantini a łibrar Ravena, donca, inte el 728, grasie al judo del doxe i bixantini i riese a riconcuistar Ravena. Cusìta inte el 729 l'Inpero Bixantín riconose Orso come Ipato, łexitimo doxe.

Tra El 790 e el 800 a Republega de Venesia ciapa rento e prime sità e tere inte a costa del Istria e de ła Dalmasia, scuaxi tute e domanda de łoro vołontà de intrar inte a Serenisima par i vantaji che porta na republega democradega e rica, co na bona burocrasia e che łasa autonoma.

Inte el 809-810 i Franchi, comandai dal fiol de Carlo Magno, Pipino, i serca de invàdar a Venetia, ma a flota venesiana, sfrutando a so conosensa de ła laguna, a riese a blocar e desfar cueła franca su e seche tacà a Metamauco.

Inte el 828 riva a Venesia el corpo de San Marco, santo conversor del popoło vèneto, e se taca a costrusion de ła Baxełega de Venesia, cexa de Stato.

L'Adriàtego e i trafisiCànbia

 
Teritori (ligo ronpesto dispunìbiłe in Internet Archive; védarse el istòrego, la prima version e ła ùltema). de Venèsia torno al 1000

Inte el baso Evo Mexan a Republega de Venesia, grasie al trafego co el Oriente, fa senpre pì schei e taca a deventar na potensa economega e comersal, e a espàndarse inte el Adriàtico e oltre.

Torno al ano mie el doxe Piero II Orseolo el sconfixe i pirati narentani che infestea el Adriàtico e portea rogne al trafego venesian, cusìta ła parte costiera de l'Istria e de ła Dalmasia se sotomete a Venesia (e el Doxe ga el riconosimento del tìtoło de duca d'Istria e Dalmasia da parte de l'Inperador Bixantin).

Inte el 1071 durante ła lota par łe investidure tra el Papa e l'Inperador todesco, Venèsia, fedee a ła so poidega de ecuiłibrio tra e grandi potense, resta neutral.

Inte el 1081, co i Normani de Roberto el Guiscardo i ocupa Duraso e Corfù, rento el Inpero Bixantin, a Republega de Venesia taca a guera co sti cua par judar i ałeadi bixantini. Al inìsio ła guera no ła va tanto ben, parò cuando che el Guiscardo s-ciopa, i Normani i se ritira, e a Serenìsima vinse. Cusìta i bixantini i consede a Venesia a Crisobała (1082) (o "Bała Aurea"), un edito co el cuae l'inperador Bixantin da na serie de priviexi comersai inte i porti del Inpero ed esension par i propi mercanti, che xe stà man man confermà e ingrandìa ogni olta che i Inperadori Bizantini i gavea bexogno del judo de ła Republega.

El Stado da MarCànbia

 
Republega de Venesia co el Stado da Mar, XV secoło sirca.

A ła longa, parò, ła potensa senpre pì granda dei Vèneti e el gran nùmaro de priviłegi che i gavea, i gà fato nàsar de łe barufe tra Venesia e Costantinopi. Inte a Prima Croxada a Republega de Venesia juda i croxadi a łibarar Jerusałem, inte a Seconda Croxada no partesipa, ma inte a Tersa partesipa co na gran flota e sta roba porta anca vantaji comersai.

Inte el 1148 vien mesa a Promosion Dogae (Promissio domini ducis in łatin), el xuramento de fedeltà costitusionałe del Doxe, che da chel dì xe stà fato da tuti i Doxi dopo a łoro ełesion e ga portà a ła diminusion dei poteri del Doxe in favore de altre istitusion republegane.

Inte i ultemi vinti ani del XII secoło a Republega de Venesia gà conbatesto contro el Rejo d'Ongarìa inte a Guera de Zara pal controło de a Dalmasia, finìa inte el 1202 co a vitoria de Venesia.

Inte el 1202 co el doxe Enrico Dandolo a Republega de Venesia intra inte ła Quarta Croxada, che porta al sachejo de Costantinopoi. Venesia ła otegne cusita "un quarto e mexo" de l'Inpero Bixantin, co łe ixoe de Càndia (Creta) e Negroponte (Eubea) e l'arsipełago de łe Çicladi.

Tra el 1255 e el 1270 a Republega de Venesia se bate co a Genoa inte a Guera de San Saba par el control del trafego inte el Łevante, a guera porta na gran vitoria de Venesia.

Inte el 1489 l'ultima regina de Sipro, ła venesiana Catarina Corner, ła ghe çede l'ixoa a ła Serenisima. Inte el XV secoło ła Republega Vèneta ła conprende quaxi tute łe coste orientai de l'Adriatico (chel gera parfin ciamà "Golfo de Venesia"), Candia, Negroponte, parte de ła Morea e diverse ixoe greghe. Tuti insieme sti domini i vegnea ragrupà inte el Stato da Mar, in contrapoxision col Dogado (soè el vecio Ducatus Venetus) e col Stato da Tera su ła teraferma vèneta.

Ła concuista de ła terafermaCànbia

File:Repubblica Venezia espansion in Terraferma.png
Espansion de ła Repùblega Vèneta (co l'ano de anesion).

Par secołi el teritorio de ła Republica Veneta el xe stà fato soratuto dal Dogado (atuałe provinsa de Venesia), dal Istria, da a Dalmasia e da tante ixoe grese, che i formea el cusì dito Stado da Mar.
Da tenpo inte a Repùblega de Venesia e in tut el Vèneto jera drio nasar l'idea de unir el popoło vèneto inte na nasion Vèneta unìa da Bergamo fin al Istria (e a ła Dalmasia), come l'ex Regio X Venetia et Histria.
Da tenpo tante tere de a teraferma vèneta e domandea a ła Serenìsima de poder intrarghe rento ma ea, par mantegner boni raporti co i altri stadi, ghe dixea de no.

Inte i ani venti e trenta del XIV secoło i siori de Verona, i Da ła Scała, no amai dal popoło i gavea concuistà el teritorio de Pàdoa e Trevixo, che gavea domandà judo a Venesia par łibararse da ła dominasion dei Da ła Scała, cusìta inte el 1338 in on par de semane el forte esersito venesian judà da ła popołasion del łogo łibara e ciapa rento Trevixo e tut el travixan[3] (teritorio pì grando del atuałe provinsia de Trevixo), el 2 de disenbre tut el Trevixan xe rento ła Repùblega Vèneta, che firma ła paxe el 24 de zenaro del 1339 a Venesia.

Tra el 1368 e el 1369 ghe xe a Guèra de Trieste, scominsià parché Trieste, sità independente co goerno episcopał, gavea tacà na gałea venesiana e ghe minasea el tràfego, ła sità che jera anca sot minasa aostriaga che voea anca intrar in Istra. A guera finise co a vitoria venesiana, Trieste che intra inte ła Republica e a fin de e mire de espansion aostriaghe.

Inte el 1379 taca a Guèra de Cióxa, tra a Repùblega de Venesia e a Repùblega de Zènoa. A flota zenoxe fa gran dani a chea venesiana inte łe coste del Istria co on inboscà, riva tacà a ła łaguna e concuista Cióxa, i venesiani i da tuti na man par rimetar so ła flota e diteti o indireti i juda l'exersito e a flota de a Serenisima che ła buta fora i zenoexi da Cioxa e i ghe desfa tuta a flota, cusì a guera finise co a vitoria de a Repùblica Vèneta.

Par on tenpo picenin dal 1382 al 1389 i Cararexi, siori de Pàdoa, i concuista el Trevixan che vein parò de novo ciapà rento da Venesia dopo no tanto tenpo.

Al scominsio del XV secoło, sicome Gian Galeazzo Visconti, duca de Milan, el minaciava de conquistar tuto el nord Itałia, i venessiani i gà meso su un esercito ai ordini dei mejo capitani de ventura de l'epoca, come el Gatamelada e el Carmagnola, e zà inte el 1410 i gavea ciapà quaxi tuto el Veneto, inte el 1420 el Friul e inte el 1428 Bergamo, Bresa e Crema, grassie anca al fato che tante çità, stufe de łe continue guere, łe sà dato vołontariamente a Venessia.

Par on tochetin xe stà veneti anca dei tochi de ła Romagna con Ravena e Rimini, ma in sta maniera qua Venessia ła sà fato nemico el Papa, che inte el 1508 el gà scatenà ła guera de ła Lega de Cambrai, con el Stato Pontefiso, ła Frasia, el Sacro Roman Inpero e l'Aragona tuti contro Venessia. Subito i Venessiani i xe stà batùi inte łà Bataja de Agnadello, ma dopo i nemici i gà tacà barufar tra de lori e a ła fin ła Serenisima ła gà mantegnesto quaxi tuti i so posedimenti. Sta guera qua ła gà segnà parò ła fin de l'espansion su ła teraferma.

Łe dedision a Venèsia inte ła TerafermaCànbia

Tante olte łe xe stà łe sità e comunità stése a darse de so sponte a ła Serenisima, che in canbio ła se inpegnava a rispetar e salvaguardar atraverso el Statuto bona parte de łe legi e de łe magistrature precedenti. De sèvito xe riportà łe date de dedizion de vari teritori e sità che xe apartegnù, anca par brevi tochi, a ła Serenisima. Inte el caxo, bastansa frequente, che ła dedizion ła sipia stà ripetùa pi olte, xe indicà ła data de ła prima.

Łe guere coi TurchiCànbia

  Par savèrghene de pì, vardarse łe voxe Guere turco-venexiane, Guera de Candia e Guera de Morea.


Inte el XV secoło l'Inpero Otoman, dopo ver ciapà Costantinopołi inte el 1453, el taca a invàdar i posedimenti venessiani in Oriente. Inte el 1570 vien invaxa Cipro, che ła se rende dopo na eròega rexistensa (varda Asedio de Famagosta). In risposta Venessia ła mete insieme na flota co l'ajudo de Genova, de ła Spagna, del Papa, dei Cavałieri de Malta e del duca de Savoja. El 7 de otobre 1571 ła flota otomana ła xe batùa inte ła Bataja de Lepanto.

Inte el 1669, dopo vint'ani de guera, vien persa anca Candia (Creta). Ma póchi ani dopo (1683-1687), grassie al gran comandante Francesco Morosini, Venessia ła se tol ła rivincita conquistando tuta ła Morea (che sarìa el Pełoponexo). Inte el 1718 i Otomani i riciapa ła Morea, lasandoghe a ła Serenisima ła Dalmazia e łe sete ìzołe Ionie (Corfù, Paxos, Santa Maura, Cefałonia, Itaca, Zante e Cerigo), che łe restarà venete fin al 1797.

El SetesentoCànbia

Durante el XVIII secoło, ła Republica no ła xe pi potente come na olta, e donca ła preferise mantegner na połitica de neutrałità, ma ła xe oncora tanto ativa ne l'anbito culturałe, podendo vantar nomi iłustri come el Goldoni, el Vivaldi e el Canaletto.

Ła fin de ła repùblegaCànbia

Ła republica, pur dichiarandoxe neutrałe, ła xe stà invaxa da Napołeon e dai Austriaci inte el 1796. Ała fin del 1796 ła ga perso Bresia e Bergamo e po', dopo aver decretà inglorioxamente ła propria fin sensa sparare squaxi gnanca on colpo, i fransexi e i austriaci i se ga meso dacordo coi tratai de Canpoformio, dove Venessia ła xe pasà soto l'Austria in canbio del pasajo del Belzo ała Fransa.

Co ła scuxa che ła Republica ła gaveva rinuncià da soła ała propria sovranità, el Congreso de Viena no el ga ripristinà el vecio stato vèneto, metendo in pié al so posto el Regno Lonbardo-Veneto.

Inte el 1848 ghe xe stà un breve tentativo de restaurar ła vecia Republica, quando i patrioti veneti, soto ła guida de Daniele Manin e Nicolò Tommaseo, i gà proclamà ła Republica de San Marco.

GoernoCànbia

 
Doxe Andrea Griti, pitura de Tizian

A sovranità a jera del popoło venesián che se riunia inte el asenblea del Conço. El popoło gavea el poder de aprovar el Doxe, ełet dal Major Consejo co un conplicà sistema, al inìsio l'aprovasion jera ne vera conferma dei sitadini a l'ełesion del Doxe, po xe deventà a tradisiónae aclamasion del popoło al novo doxe.

El Doxe raprexentea formalmente a sovranità e a maestà de a Republega, ma gavea poco potere, in pràtega queo de guidar l'esersito e a flota in guera. El so łaor jera controłà da sie consejeri, che col Doxe i faxea el Menor Consejo (o Serenìsima Siora). A sovranità jera invese del Major Consejo, l'organo fondamentał, che jera fato par dirito dai mas-ci majoreni de e fameje nobiłi, sirca da 1500/2000 omeni.

 
Undiensa col Doxe inte a sała del Major Consejo inte el Pałaso Dogal

El Major Consejo formea Conseji minori: el Cołejo soè el governo de a Republega, el Senà (o Consejo dei Pregai) par a poidega foresta, el Consejo dei Diexe par a sicuresa del Stado e i Tribunai de a Quarantina.

Economìa e TràfegoCànbia

Economia e tràfegoCànbia

 
Republega Vèneta e łe so rote

A ła baxe del suceso econòmego e poidego de ła Repùblica de Venesia ghe jera el tràfego. Fin da ła so nasita Venesia gavea un łigame spesae col Mediteraneo e soratut col Oriente, che ła gavea fata deventàr pal Eoropa na porta pal Levante e pai comersi. Ła Serenìsima gavea el monopoio del trafego sul Mediteraneo e soratuto sul Oriente inte łe cuałe jera squaxi l'unega a trafegar.

Spesie, seta, parfumi, łegna prexadada, e altri prodoti i rivea a Venesia col trafego col Oriente e qui i vegnea comersai co oro, arxento e materie prime dal Europa Nord-Osidentae. Co ste robe ghe jera anca i presioxi veri de Muran, merleti de Buran, tesuti e altri prodoti vèneti.

El mercà de Rialto deventea cusì el sentro de sti tràfeghi, el posto de incontro tra domanda e oferta, 'ndo se batea i presi de e mesi che e viaxea da a Çina e dal India, dal Arabia fin da Łondra e dae Fiandre, e 'ndo che e jera e boteghe de e Arti.

Łe navi venesiane e tegnea in comunicasion i porti del Mediteraneo come Ałesandria, Arci, Costantinopoi e de ła Crimea co Venesia e po sta qua co quei eoropei come Londra, Bruges e Aigues Mortes.

PopołasionCànbia

  Par savèrghene de pì, vardarse ła voxe Demografía de ła Repùblega Vèneta.


Venesia par tanti ani xe stada ła segonda sità d'Europa par popołaxion dopo Bixansio. A Venesia inte el 1422 ghe jera na popołasion de 199.000 anime, inte el 1509 ghe né jera 115.000, inte el 1797 ano de ła fin de ła Republega Vèneta a sità fea 141.000 anime.[4]

Se stima che inte ła fin del XVIII secoło ła popołasion del Stado da Tera (Teraferma Vèneta) fuse de 2.200.000 e del Stado da Mar de 600.000 e quindi na popołasion totae de 2.800.000 anime.

NotasionCànbia

  1. e el vegnèa 'ministrà dal Exarcà d'Itałia, co cavedałe Ravena.
  2. Provisa del Inpero Bixantín
  3. Ex Sioria de Trevixo
  4. http://www.venessia.com/contatore.htm Archivià il 13 de marso 2018 in Internet Archive.

Vara ancaCànbia

Altri projetiCànbia

Linganbi forestiCànbia

Controło de autoritàVIAF (EN159454011 · WorldCat Identities (EN159454011
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Repùblega_de_Venèsia&oldid=1083544"