Tisian Vecelio

(Rimando da Tizian)
Spigaso
Sta voxe rełativa a l'argomento arte e a xè soło che no spigaso
Spigaso
Self-portrait of Titian.jpg

Autoritrato de Tisian (1562)

Tisian Vecelio, conosuo come Tisian (Pieve de Cador, 1488/1490[1]Venesia, 27 de agosto 1576), xe stà un pitor itałian, inportante esponente de ła scoła vèneta, maèstro, co Xorxi da Castelfranco, del coƚore tonaƚe.

BiografiaModìfega

Tisian el nase a Pieve da Gregorio de ƚa famèja Vecelio, consejer e capitan de ƚe milisie, e Lucia.

Co'l jera 'ncora puteƚo, co'l fradeƚo maxor Francesco, el lasa el Cador par ndar a Venèsia da so barba Antonio par coltivar el so taƚento pa' ƚa pitura. El vien donca meso a botega da Xentil Bellini, pitor uficiaƚe de ƚa Serenisima. A ƚa morte de Zentil, inte'l 1507, el pasa a laorar da Joani Bellini.

Inte'l 1508 el laora co Xorxi da Castelfranco a ƚe decorasion esterne del Fontego dei Todeschi. In sto periodo i ritrati del Tisian i ga un stiƚe cusì visin a cueƚo de Xorxi che parsin el Vasari i confondeva.

Una de ƚe prime paƚe d'altar afidae al Vecelio ƚa xe el San Marco in tron par ƚa cexa de Santo Spìrito in Ixòƚa, databiƚe 1510, comisionà cofà ex voto durante na epidemia de pèste.

Pa' scanpar da ƚa pèste Tisian inte'l 1511, el va a Pàdoa, 'ndove el riseve na comision par dei laori a ƚa Scoła del Santo rivardanti tre miràcoƚi del Santo. El contrato par sto laoro el xe del disenbre 1510, el laoro scominsia inte'l apriƚe sucesivo e 'l saldo finaƚe a òpara conpìa el xe del 2 de disenbre del 1511. Sti laori i fa si che'l vegna riconosùo come véro rède del Bellini e artista prinsipaƚe de ƚa nova generasion dei pitori vèneti. Inisia cusì pa' ƚu e ƚa so botega ani de atività intensa, co tante comision da privai anca da marcanti fiaminghi e todeschi.

Inte'l 1513 el rifiuta 'l invito del papa Leon X de trasferirse Roma e 'l ghe scrive na petision al Consejo dei Diexe par otegner ƚa carga de pitor uficiaƚe de ƚa Serenisima in sostitusion de Joani Bellini. Nominà che ƚa vien data soƚo che dopo ƚa morte del Bellini inte'l 1516.

 
Amor Sacro e Amor Profan, Roma, Gałeria Borghese

In sti ani el se avisina ai sircoƚi umanistisi de ƚa sità sostegnuì dal Patrisiato. I temi fiƚoxofisi, leterari, mitoƚoxisi e muxicaƚi che sircoƚava in sti anbienti i influise so ƚa so pitura sucesiva, cofà ad exenpio l'alegoria del Amor Sacro e Amor profan.

Grasie al fato de èsar diventà el pitor uficiaƚe de ƚa Republica, che ghe portava in casa sento ducati al ano e 'l dirito a l'exension da ƚe tase anuaƚi, el se trova a èsar bastansa sior da investir inte'l comèrcio de legname da ƚa so tera cadorina a Venèsia. El suceso de sti so investimenti insieme al suceso de ƚa so produsion artistega ƚo portarà a èsar fursi el pì sior infrà i artisti.

Inte'l 1516 ghe vien comisionà na gran paƚa d'altar pa'l altar maxor de ƚa Baxéƚega de Santa Maria Glorioxa dei Frari. Se trata de la Sunta, consegnà inte'l 1518. Inte'l steso periodo el laora anca ad altri sogeti reƚigioxi.

El scuminsia cuindi a laorar anca fora dai confini marcheschi, scominsiando dai Estensi a Ferara e dai Gonzaga a Màntoa. Ma ƚa rexidensa ƚa resta fisa a Venèsia co ƚa botega visin a ƚa Cexa de San Samuel.

Morto el vecio doxe Antonio Grimani vien eleto Andrea Griti che'l fa ƚa propòsta de rinovar urbanisticamente e artisticamente la sità. Al sentro de sto progeto Tisian co i so amisi Pietro Aretino e Jacopo Sansovino, rivai a Venèsia dopo el saco de Roma del 1527. In chei ani el Aretino el deventa na spese de agènte de Tisian promovendo inte i so scriti 'l òpara del pitor cadorin.

Inte'l 1527 Tisian se spoxa co na xovane feltrina, Cecilia Soldani, che ƚa ghe gheva xà dà do fioƚi: Ponponio e Orasio. El 6 de agosto del 1530 però ƚa more fin che ƚa jera drio partorir ƚa tersa fioƚa, Lavinia. Tisian el resta alterixà e pa' un serto periodo no'l laora altro. No'l se maridarà pì.

Inte i ani sucesivi el maxor comitente el deventa Carlo V, anca se Tisian no'l va a Madrid ma'l depenxe a Venèsia ƚe so òpare. El raporto el deventa cusì inportante che'l inperador ło nomina anca Conte palatin.

NoteModìfega

  1. Sylvia Ferino-Pagden, L'ultimo Tiziano e la sensualità della pittura, pag. 15, in L'ultimo Tiziano e la sensualità della pittura, Venezia 2008.

Voxi corełàModìfega

Altri projètiModìfega

Controło de autoritàVIAF (EN109266837 · ISNI (EN0000 0001 0787 9191 · SBN (ITIT\ICCU\CFIV\004619 · Europeana agent/base/216 · LCCN (ENn79074519 · GND (DE118622994 · BNF (FRcb11940043z (data) · BNE (ESXX848989 (data) · ULAN (EN500031075 · NLA (EN36049955 · BAV ADV12090092 · CERL cnp01417743 · NDL (ENJA00458841 · WorldCat Identities (ENn79-074519