Repùblega de San Marco
La Repùblega de San Marco la jera un Stato messo in piè a Veneçia a sèvito de l'insureçion de la çità contro el governo austrìaco el 17 de março 1848.
|
|||||
_-_Venezia_soggiogata_-_Ettore_Ferrari.jpg)  | |||||
| Pozision | |||||
|---|---|---|---|---|---|
| Continente | Eoropa | ||||
| Capitałe |  Venèsia | ||||
| Popołasion | |||||
| Idioma | vèneto | ||||
| Rełijon | catołicismo | ||||
| Dati istòreghi | |||||
| Desolvimento | 24 de lujo del 1849 | ||||
| Organizasion pułìtega | |||||
| Forma de goerno | repùblega | ||||
| Economia | |||||
| Moneda | lira venesiana | ||||
|
| |||||
Proclamaçion
canbiaI do patrioti Daniele Manin e Nicolò Tomaseo i xe stà liberadi da le prezon austrìache e i se ga messo a la guida del novo Governo Provisorio, proclamà el 22 de março (Manin el jera el presidente). La Repùblega, che la se riciamava za intel nome a la vecia Repùblega Vèneta, la xe durà poco, e Veneçia la xe stà caturada da novo da l'eserçito asbùrzego el 24 de agosto 1849, dopo na eroica resistença che la xe ndada vanti par ben 17 mesi.
(VEC)virtude antica;»
«[...] Sulle tue pagine scolpisci, o Storia,
l'altrui nequizie e la sua gloria,
e grida ai posteri tre volte infame
chi vuol Venezia morta di fame!
Viva Venezia!
L'ira nemica la sua risuscita
Scuminçio
canbia
A l'iniçio i insorti i ga avù na man dal Regno de Sardegna, ma dopo che i piemontesi i xe stadi batudi a Custosa el 27 de lujo 1848, la flota sarda gh'è tocà ritirarse da Veneçia, e quindi lori i xe restadi de soli a tegner bota i austrìaci, che verso la fin del 1848 i ga riciapà squasi tuta la teraferma vèneta. Un valido judo el xe rivà invençe dal zeneral napoletan Gujelmo Pepe, che el jera stà mandà dal so Re a conbater al fianco dei piemontesi, e quando ghe xe stà ordinà de tornar in patria el se ga rifiudà e el se ga unido ai Veneçiani co domile volontari, ciapando el comando de l'eserçito che defendeva la çità.
Bloco de la çità
canbiaDavanti a la minacia dei austriaci, che i jera ormai rivadi de fronte a Mestre e Marghera, blocando la çità sia da la tera che dal mar, i Veneçiani i se ga fato corajo e i ga deçiso de tegner bota a tuti i costi, e i ga dato i pieni poderi a Manin. Graçie a l'abilità organizadiva sua e de Pepe, e al valor dei volontari, i xe riussidi miga soltanto a defender eficaçemente Veneçia par diversi mesi, ma anca a far de le incursion corajose contro i nemisi, che le ga permetesto tra l'altro de inpadronirse de un fià de roba da magnar, ma nonostante questo la fame la se faseva sentir senpre piassè.
El forte de Marghera
canbia
El 4 de majo 1849 i austrìaci i ga tacà le ostilità contro el forte de Marghera, difendù da 2500 òmeni al comando del colonel napoletan Ziròlamo Uloa. La defesa la xe stà tegniça, ma la note del 26, d'acordo col governo, a Uloa gh'è tocà dar l'òrdine de lassar el forte. I austrìaci i ga scuminçià a avançar longo el ponte de la ferovia (costruido proprio pochi ani prima), ma catando anca qua na resistença gajarda, i ga invià un bonbardamento belo ciuso contro la çità. Na prima richiesta de renderse da parte del comandante in cavo de le forze austrìache, el feldmarescial Radetzky, la xe stà sdegnosamente respinzesta.
Resa
canbiaA la longa la situaçion in çità la xe devegnuda insostenìbile (a conplicar le robe la se ga messo anca n'epidemìa de colera), e ai primi de agosto el stesso Manin, visto che jera inpossìbile resister in eterno, el ga scuminsià a parlar de rexa, e el se ga oferto anca de farse da parte se invençe fusse stà deçidesto de ndar vanti fin l'ùltemo. Alora l'Assenblea la ga confermà la so fiducia a Manin, e la ga dato i pieni poteri par tratar la resa, che la xe stada firmada el 22 de agosto 1849. El 27 i austrìaci i rivava a Veneçia, mentre Manin, Tomaseo, Pepe e tanti altri patrioti i parteva par ndar in esilio.
Altri projeti
canbia
Wikimedia Commons el detien imàjini o altri file so Republica de San Marco
el detien schemi gràfeghi so
- Wikimedia Commons el detien imàjini o altri file so Republica de San Marco
- el detien schemi gràfeghi so