Regno de Sardegna
El Regno de Sardegna e Còrsega el xe sta el precursor del sucesivo Regno d'Itałia. El xe scuminsià formalmente a Roma - 'nte ła vecia Baxełega de San Piero - el 4 de apriłe del 1297, quando papa Bonifacio VIII, par risolvare ła contexa tra angioini e aragonesi sirca el Regno de Siciłia (che el gaveva scatenà i moti popołari pasà ała storia come Vespri siciłiani e ła conseguente guera del Vespro), el ga investìo el re d'Aragona Giacomo II deło ius invadendi so ła Sardegna e so ła Corsega.