Guera de Candia
La Guera de Candia la xe sta conbatùa tra el 1645 e el 1669 da le forze de la Republica Veneta e de l'Inpero Otoman par el possesso de l'ìzoła de Candia (in italian Creta) e finìo con la conquista turca de l'ìzoła.
| de le guere turco-venexiane | |
|---|---|
 | |
| Tipo | Guera  |
| Data | 1645-1669 |
| Liogo | Candia, Dalmazia, Mar Egeo |
| Stato | Repùblega de Venèsia e Inpero Otoman |
| Càuxa | Rifornimento de na squadra maltese de ritorno da n'ataco contro i Turchi |
| Rexultà | Vitoria turca |
| Schieraminti | |
| Comandanti | |
I avenimenti pi inportanti de la guera i xe sta la Spedizion venexiana dei Dardanei e el famoso Asedio de Candia, durà 22 anni, dal 1647 al 1669, chel ga vedesto la capital de l'ìzoła tegner bota a quelo che xe sta probabilmente l'asedio piasè longo de la Storia, fin a la capitolazion finale.
Cause
canbiaInte el XVII secolo el longo e estenuante confronto tra Venexia e l'inpero turco par el controllo del Mediteraneo oriental el stava ormai definitivamente oltandose a favore dei turchi.
Un toco a la olta, el grando stato da mar veneto fora de l'Adriatico el se gavea ridoto solamente a l'ìzoła de Candia e a le ìzołe Ionie e i Otomani i spetava ormai solo na scusa qualunque par spazzar via anca i ultimi residui de la vecia potenza venexiana.
El pretesto el xe rivà inte el 1644 da n'ataco portà dai Cavalieri de Malta el 28 de setenbre, vizin a Rodi, contro un convoglio otoman direto da Alessandria a Istanbul, indove xera inbarcà grande richezze e alcune femene de l'harem del Sultan de ritorno da un pelegrinagio a la Mecca. La squadra navale maltese la sà quindi fermà inte el porto de Candia, la capital omonima de l'ìzoła, par rifornirsi prima de ciapar de novo el largo. Sto senplice fato el xe bastà a vanificar tuti i longhi sforzi par na pułìtega de pace, a longo e strenuamente condota da Venexia coi Turchi.
La guera
canbiaLa Sublime Porta la ga radunà n'armada de 60 000 uomini al comando de Yussuf Pasha. Subito parea che i volesse far na spedizion punitiva su Malta, ma inveze la flota turca la se ga presentà inte el 1645 davanti al porto de La Canea, rocaforte de Candia. Sicome i veneti no i se lo spetava, e sicome Venexia par tanti ani no la gavea rinforzà militarmente Candia par no darghe ai Turchi un motivo par tacar barufa, le fortificazion de l'ìzoła le jera messe maloto, e l'esercito no l'era mobilità, ma ghera sol che le guarnigioni de stanza.
La Canea e Rettimo i xe sta ciapà in soli du mesi, cussita come la forteza de La Suda, mentre i Turchi i procedea a la progresiva ocupazion de quel che restava de l'ìzoła.
La risposta de Venexia no la se fa spetar e inte el 1646 na squadra naval la bate i Turchi vizin Negroponte, ma inte el 1648 ormai l'intera Candia la jera ne le mane dei turchi, a ecezion de la capitale Candia, che da sola la tegne bota, da l'ano prima, a l'asedio turco.
El 12 de majo 1649 le 19 navi de Giacomo Riva le bate na squadra de ben 93 navi turche vizin Smirne.
El 10 de lujo 1651 i Turchi i xe de novo batui inte le aque de Paro da le flote de Tommaso e Lazzaro Mocenigo.
Altri scontri navali i se ga inte el 1654, inte el 1655 e inte el 1656, quando, a l'apice de la guera de Candia, la flota de Lazzaro Mocenigo, dopo ver anientà el 21 de zugno quela otomana, la riesse a forzar co na squadra guidà da Lorenzo Marcello el streto dei Dardanei rivando a minaciar el 26 agosto, soto na piova de fogo, la stessa Istanbul. El Marcello el ga condoto sta inpresa a ris-cio de la so stessa vita.
Inte el 1657 a Chio la Serenisima la otien n'antra vitoria, ma la lota la se fa comunque senpre pi ìnpari tra la republica marinara e le imense risorse de l'inpero turco. Tra el 17 e el 19 lujo Venexia la xe batua sul mar in un scontro dove more el stesso amiraglio Lazzaro Mocenigo.
El 7 de novenbre 1659, la Francia e la Spagna (fin a che momento in guera tra de lore) le firma la pace dei Pirenei, e Venexia la pol quindi far mandar calche juto da l'Osidente. Inte el 1661 la flota de Venexia la venze oncora ne le aque de Milo e par l'Inpero Otoman deenta senpre pi inportante metarghe fin a quela guera estenuante.
Ne l'agosto del 1664 i Turchi i firma quindi la Pace de Vasvár coi Asburgo, in modo da libarar altre forze da lanciarghe contro Venexia.
Inte el 1666 na spedizion venexiana par riciapar la Canea la va a finir mal, e inte el 1667 el Gran Visir in persona el riva a Candia par ciapar el comando de le operazion militari de un asedio che ormai el tira vanti ininterotamente da 19 anni.
Ne la sità asedià riva contingenti de volontari da tuta Europa par jutar a difendar quel che par lori el xe l'ultimo tochetin de Cristianità in Oriente. La sità parò la xe stremà, conpletamente distruta e spopolà, la resiste a un continuo stilicidio de bonbardamenti, atachi, contratachi e esplosioni de mine. El 5 de setenbre 1669 Candia la firma la resa e i so difensori i otien l'onor de le armi.
La pace
canbiaEl tratado de pace tra Venexia e La Porta el xe firmà du ani dopo la perdita de Candia, inte el 1671. I venexiani ghe toca rinunciar definitivamente a Candia, la so pi antica, granda e prospera colonia, ne la quale ghe vien parmesso de conservar solo le ìzołe-forteza de Gambusa, La Suda e Spinalonga, a protezion dei porti naturali in do che le navi venete le pol catar rifugio longo le róte par l'Oriente. Solo i domini veneti in Dalmazia i risultava slargà a la fin de la guerra, na ben magra conpensazion par la perdita de l'inpero colonial.
Wikimedia Commons el detien imàjini o altri file so Guera de Candia
el detien schemi gràfeghi so
| Controło de autorità | GND (DE) 120252012X |
|---|