Sipro


Sipro o Zipro o Civro (Κύπρος, Kypros en grego; Kıbrıs en turco) el xe un stato de l'Axia osidental.
El ocupa l'omonema ìxoła del Mar Mediteraneo orientałe. Ła xe situà 70 km a sud de ła Turchia, 100 km a ovest da łe coste del Medio Oriente, e 500 km a nord dal'Egito.

Sipro
(TR) Kıbrıs Cumhuriyeti
(EL) Κυπριακή Δημοκρατία
(FR) la République de Chypre
Sipro – Stema Sipro – Bandiera
Dati aministradivi
Nome conpletoRepùblica de Sipro
Nome ufisiałe(EL) Κυπριακή Δημοκρατία e (TR) Kıbrıs Cumhuriyeti
Łéngue ufisiałigreco moderno e Lengua turca
CavedałeNicosia
Pułìtega
Forma de goernoRepublica presidensiałe
Cao de StatoPresidente
Entrada inte el ONU20 de setenbre 1960
Entrada inte ła UE1° majo 2004
Superfise Totale9 242,45km²
Popołasion
Viventi1 141 166 (2013)
Taso de fertiłità1,446 (2014)
Xiografia
ContinenteAxia[1][2]
Confini
Fuxo orarioUTC +2
Economia
ValutaEuro
PIL (nomenałe)21 651 791 751,18 (2017)
PIL pro capite (nomenałe)25 658 (2017)
PIL (PPA)30 953 320 234 (2017)
ISU0,85 (2014)
Consumo enerxètego0,50 kWh/ab. anno
Vàrie
Còdaxi ISO 3166CY, CYP, 196
TLD.cy
Prefiso tełefònego+357
Sigla targa automobiłìstegaCY
Festa nasionałe1° de otobre
Carte interative
Stati presedentiBritish Cyprus
Sito istitusionałe

Ła partegnénsa de Sipro a l'Axia o a l'Europa la xe na roba controversa: de fati se dal ponto de vista giogràfego la par partegnir[3] al contegnente asiàtego, dal ponto de vista storego-cultural, Sipro se pol considararla un Stato europeo[4].

GiografiaCànbia

 
Sipro vista dal satelite.

L'ìxoła de Sipro ła ga na superficie conplesiva de 9 250 km²[5][6].

Morfołoxia e idrografiaCànbia

El relievo del'ìxoła el xe conposto da do caene montagnose: queła del Kyrenia, che ła sponta inte el nord de ła penìxoła de Karpas, e quela de Troodos, inte el sud-ovest de l'isola, onde che sponta el monte Ołinpo (1 953 m), la cima pì alta de l'isola.
Łe do caene montagnose łe xe divise da ła fertile piana sentral de Messaria

I ùgnołi fiumi che i ga un rezime de portada regolar i xe el Yialias el Peidos, tuti do longhi cerca 100 km.

El desvełupo de ła costa el xe de 648 chiłòmetri.

Clima e floraCànbia

El clima de l'isola el xe de tipo mediteraneo, co istà calde e sute e inverni morestai. Anualmente su l'isola casca 500 mm de piova prevalentamente durante l'inverno. Spesso su Sipro ghe tira venti caldi.
Le zone dell'introtera cipriota le sofre in istà un gran seco, che el favorisse el desvełupo de qualche incendio intra le vexetasion selvàdeghe. In inverno su łe piche dei Troodos ghe casca neve co tenperadure senpre comunque sora i 2 °C.
El clima caldo el ga modełà el paesagio faxéndoło deventar l'habitat ideal par àlbori come l'olivaro.

IstòriaCànbia

Dal 1489 al 1571 ła ga fato parta de ła Republica de Venesia.

Giografia połitegaCànbia

Ła Republica de Sipro ła aministra sirca i dó tersi de el teritorio rivendicà.
De el restante teritorio 3 355 km², 'nte ła zona setentrionałe de l'ixoła, łi xe ocupai da ła Repùblica Turca de Sipro Nord (TRNC), che ła xe stà proclamà dopo l'asion miłidar par stabiłir ła paxe 'ntel 1974.
El 5% el fa parte de łe baxe britàneghe de Akrotiri e Dhekelia.

Ła Republica de Sipro dal'1° de majo 2004 ła fa parte del'Union Eoropea, de ła cual ła costituise l'avanposto più meridional inte el Mediteraneo.

DemografiaCànbia

LengueCànbia

El grego el xe parlà soratuto inte el sud de l'isola, invese el turco inte el nord.
Storegamente, comunque, el grego inte la so variante cipriota el gera parlà da cerca l'82% de la popolasion e el gera anpiamente distribuio inte l'isola intiera; la divixion la risal a l'intervento militar turco de Sipro del 1974, daspò el qual i grego-ciprioti del nord i xe stai espulsi verso el sud.

In sevito al dominio britànego, anca l'inglese el xe anpiamente doparà.

Xe in doparamento un dialeto arabo de tipo siro-palestinese in via de estinzion parlà da la comunità maronia de Kormakiti, orizenà da un stanziamento de cristiani maronii libanesi inte el XII secolo.

NoteCànbia

  1. Culturalmenete la ga forti ligami co la Eoropa
  2. Le Nasion Unìe la considera par fini statisteghi parte de la Axia
  3. col senso par el qual un'isola la fa parte de un contegnente par la so vicinanza geogràfega
  4. a maxor raxon deso che el xe intrà a partezar l'Union Eoropea
  5. tersa del Mar Mediteràneo par dimension
  6. teriorio rivendicà da ła Republica de Sipro, ma miga efetivamente controłà.

Varda ancaCànbia

Controło de autoritàVIAF (EN130118559 · ISNI (EN0000 0001 2331 5214 · LCCN (ENn79055857 · GND (DE4079596-2 · BNF (FRcb11863129n (data) · NDL (ENJA00565932 · WorldCat Identities (ENn79-055857
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Sipro&oldid=900281"