Po
El Po (in antighità el jera cìamà Eridano) el xe un fiume de ła Eoropa Meridional, che drena ła Pianura Padana.
El xe el fiume pì longo de Itàlia, queo cò la estension de basin pì granda e cò la portata pì granda de acoe a ła foce.
  | |||||
| Sorte | Fiume | ||||
|---|---|---|---|---|---|
| Scumìsio | |||||
| Continente | Eoròpa | ||||
| Nasion rivaresca | Itàlia, Svìsara e Fransa | ||||
| Rejon aministrativa | Piemonte (Itàlia) | ||||
| Pozision | Pian del Re (it)  | ||||
| Finałe | |||||
| Pozision | mar Adriàtego | ||||
| |||||
| Afluente | 49
| ||||
| Conca idrogràfega | conca del Po | ||||
| Dati e sifre | |||||
| Mezura | 652 ( ) km | ||||
| Superfise conca idrogràfega | 74 000 km² | ||||
| Mezure e indegadori | |||||
| Portada | 1 460 m³/s | ||||
|
| |||||
Idrografia Cànbia
El score par 652 chiłometri atraverso l'Itàlia setentrionałe dal ponente verso al oriente.
La sò sorjente se trova a Pian deł Re, intel Monviso (nełe Alpi Cozie), e dopo ver fato tuta ła Pianura Padana el se buta intel Mar Adriatico, intel teritorio de ła provincia de Rovigo.
Ała fin del só corso, el Po el fa un bel delta de 380 km², co centinaia de corsi d'acqua minori e 5 prinçipali (ciamè Po de Maestra, Po de ła Pila, Po de łe Tolle, Po de Gnocca e Po de Goro). Inte un altro ramo secondario (el Po de Volano) se cata el porto de Ferara.
El bacin idrografego del Po el se destende sirca su 71 000 km².
El registra a ła foaxe na minima de 270 m³/s, na mexa (1 540 m³/s), e na masima de (13 000 m³/s).
Rexime idrogràfego Cànbia
Da ła parte a nord el xe impostà sułe Alpe, da staltra parte a sud, sul'Appenin Setentrionałe, de conseguensa el rejime del fiume el xe misto de tipo alpin (cò piene in primavéra e in ìstà e seche in inverno) e de tipo appeninico (cò piene in primavéra e in autuno e seche in istà). De serto tra i dò tipo de rejime prevałe queło apeninico parchè anca se i jasari alpini moła xò acoe in istà, xe proprio in stà stajon che se rejistra i minimi de portata (de sołito in agosto).
Afluenti Cànbia
Intrà i afluenti del Po catemo rispeto a ła diresion de l'acua:
- Varaita (da drita)
- Maira (da drita)
- Pellice (da sanca)
- Dora Riparia (da sanca)
- Stura di Lanzo
- Orco
- Dora Baltea
- Sesia
- Tanaro (da drita)
- Scrivia (da drita)
- Agogna (da sanca)
- Ticino (da sanca)
- Lambro (da sanca)
- Trebbia (da drita)
- Adda (da sanca)
- Nure (da drita)
- Arda (da drita)
- Taro (da drita)
- Parma (da drita)
- Enza (da drita)
- Oglio (da sanca)
- Mincio (da sanca)
- Secchia (da drita)
- Panaro (da drita)
Istoria Cànbia
In tel Medioevo el ramo prinçipale del delta el xera costituìo dal'atuale Po (morto) de Primaro, che pasa a sud de łe Vałi de Comàchio e che, da ła metà del XVIII secolo, el xe deventà ła parte finale del fiume Reno (che na olta el xera anca lu afluente del Po) e inte el quale el Reno stesso el xe stà fato pasar dopo de ła creasion del Cao Benedettino.
Inportansa Cànbia
Torno al bacin del Po vive sirca 16 miłioni de aneme che łe xe concentrà par pì de on terzo intel'industria e inte ła produsion agricoła nasionałe, coxì come pì de ła metà del patrimonio zootenico.
Tuto questo rende el Po e el só bacino na xona nevralgica par l'intiera economia italiana e una de łe xone, in Europa, co ła màsima conçentrasion de popołasion, d'industria e de comercio.
El delta del Po el xe stà dichiarà patrimonio del'umanità dal'UNESCO.
Sità prinçipałi traversè dal Po Cànbia
Cartografia Cànbia
Ła prima mapa del Po ła xe stà volùa da Napoleone. I cartografi francesi i gà quindi disegnà, dal 1811 al 1814, 38 tavołe de 600x866 mm, in scala 1:15 000, fate a china e colorè ad acquareło.
El trato disegnà el 'ndava dal'Adriatico fin a Ficarolo (tra Rovigo e Ferara).
L'opera cartografica ła xe stà quindi continuà co l'instaurasion del Regno Lombardo-Veneto da parte dei Austriaci, che i gà disegnà el trato da Ficarolo fin a ła confluensa del Ticino (1815).
Altre dó carte de 47 tavołe (530x889 mm) łe xe stà fate in tel 1821, e łe xe stà aggiornè tenpo dopo, una da Elia Lombardini (1853) e l'altra da Francesco Brioschi (1872).
Solo co l'Unità d'Italia se gavarà finalmente un'opera cartografica piessè conpleta del fiume, quando Francesco Brioschi (1887) el farà na nova mappa a stanpa da Moncalieri fin al delta. Sta mapa la xe in na tavoła unica (730x9000 mm) in scala 1:50 000, e ła xe doparà oncora deso par i agiornamenti e ła rapresentasion del fiume.
Autorità Cànbia
El fiume el xe soto l'autorità de un magistrato speciale dito Magistrato de łe Aque.
Cołegamenti forèsti Cànbia
- Foto del Po
- Autorità de bacino del fiume Po
- (IT) Agensia Interegionałe par el fiume Po (AIPO): organismo diretto da łe Rejoni Piemonte, Lombardia, Veneto e Emilia-Romagna par xestìr e tegner d'ocio tuto quel che concerne ła vita del Po.
Wikimedia Commons el detien imàjini o altri file so Pò
Itałia · Vèneto · Emiłia-Romagna · Provincia de Rovigo · Provincia de Ferara
Comuni: Bagnoło de Po · Bergantin · Canaro · Castelmassa · Castelnovo Bariano · Calto · Cenesełi · Ficarolo · Fiesso Umbertian · Gaiba · Giaciano · Melara · Ociobeło · Sałara · Stienta · Tresenta
Arian int'el Połexine · Corboła · Crespin · Papoze · Viłanova Marchesana
Fiumi: Po · Tàrtaro
| Controło de autorità | VIAF (EN) 236405863 · LCCN (EN) sh85103636 · GND (DE) 4123956-8 · BNF (FR) cb119690399 (data) · BNE (ES) XX5388496 (data) · WorldCat Identities (EN) 236405863 |
|---|