Alberoni


Alberoni
locałità
Alberoni – Panorama
Locałixasion
StatoItałia Itałia
RejonVeneto – stema Veneto
Sità metropułitanaVenesia – stema Venesia
ComunVenesia
Teritorio
Coordinae45°20′48″N 12°19′11″E / 45.346667°N 12.319722°E45.346667; 12.319722 (Alberoni)Coordinae: 45°20′48″N 12°19′11″E / 45.346667°N 12.319722°E45.346667; 12.319722 (Alberoni)
Abitanti977
Altre informasion
Còd. postałe30126
Prefiso041
Carte interative

Alberoni xe na picoła locałità del Comun de Venesia, logà a l'estremità meridional del litoral del Lido de Venesia intra el mar, ła boca de porto e ła łaguna a poca distansa da l'antigo abitato de Małamoco. Alberoni apartien ała muniçipałità de Lido-Pellestrina costituìa inte el 2005 dai ex quartieri 3 e 4.[1]

Ła denominasion xe ła corusion łesical de l'antiga Albaiones derivante a so volta da ła raìxa latina albus (bianco) rełativa al biancor dei montones (dune) łitoranei[2].

Na pianta de Nicolo' dal Cortivo del 1530 mostra in modo detaglià ła antiga topografìa dove che conpare zone de spiagie łitoranee, formasion a dune e coltivasion a vigna.

Se cata do fortificasion antighe, risałenti una al XVI secoło e l'altra al XIX secoło.

El paesagio xe caraterixà da alte dune sabioxe che fa parte de na oaxi proteta gestìa a cura del WWF Veneto e del Comun de Venesia in acordo cola Provincia de Venesia [3] e da na vasta pineta gestìa dai Servisi Forestałi Regionałi de Trevixo e Venesia.

Conpleta l'aspeto paexagistico ła prexensa de un canpo da golf a 18 buxe, creà inte el 1930 e in cui i percorsi de xogo se intersa ad aree boscà.

Ła spiagia xe in gran parte łibara. Ghe xe anca un stabiłimento balnear atresà co capane, camarini e onbrełoni afidabiłi xornalménte.

Do struture sanitarie xe presenti dal 1928: na caxa de repòso e un ospeàl, ancùo gestìi tuti do dai Camiłiani.

Dałe bande del Faro Rocchetta, in un'alta tóre de controło situada sul scominsio del moło nord de Małamoco, ghe xe ła sede de ła Corporasion Piłoti de l'Estuario Veneto Da Alberoni (locałità Rocchetta) parte i cołegamenti co ferry boat par Pełestrina.

Gałarìe de imàxeneCànbia

NoteCànbia

  1. (IT) [Mapa de łe locałità a l'interno de l'ex quartier 3]
  2. (IT) Wladimiro Dorigo: La via acquea endolitoranea fra Chioggia ed Equilo, in La Laguna di Venezia, Cierre edizioni, 1995
  3. (IT) Oaxi Provinciałe de protesion faunistica; Sito de inportansa Comunitaria, SIC; vincoło paexagistico, PALAV

Siti da vardarCànbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Alberoni&oldid=973742"