Wikipedia

Anna Tatangelo

Ła version stabiłe ła xe stà verifegà el 17 luj 2024. Ghe xe canbiamenti a modèłi e/o file in sta version in atexa de revixion.


Anna Tatangelo ła ze na cantante itałiana.

Infotaula de personaAnna Tatangelo
Biografia
Nasimènto9 de zenaro del 1987 Cànbia el vałor in Wikidata (37 ani)
Sora (Itàlia) Cànbia el vałor in Wikidata
Dati personałi
Cołor dei ociCavejo maron Cànbia el vałor in Wikidata
Atività
Ocupasion
Atività2001 - in atività
ZènarePop Cànbia el vałor in Wikidata
Instrumento muzicałevoxe
Targheta discogràfega
Àlbun7
Àlbun stùdio8
Àlbun dal vivo0
Àlbun compilation1
Repertòrio
Pop, Pop dance, Rock napołetan
Fameja
ConviventeGigi D'Alessio (2005, 2018–2017, 2020) Cànbia el vałor in Wikidata
Sito webannatatangelo.net Cànbia el vałor in Wikidata
IMDB: nm3866229 Rottentomatoes: celebrity/anna_tatangelo
Instagram: annatatangeloofficial MySpace: annatatangeloofficial Youtube: UCvNwsWU-Ztj9RF5yixV-TPw Spotify: 2TtebnfWKMq7LCi2A9BlU4 iTunes: 15030884 Last fm: Anna+Tatangelo Musicbrainz: c11a914c-f2c0-4006-9deb-8af3b8bba659 Songkick: 18698 Discogs: 909769 Allmusic: mn0000519199

Dopo che ła se ga azudegà alguni concorsi muzegałi, tra cui l'Accademia della Canzone di Sanremo, ła ze deventada famoza grasie a ła vitoria de'l Festival de Sanremo 2002 inte ła sesion «Giovani», co'l brano Doppiamente fragili.

Ła ga insidesto pì de novanta canson e publegà sete àlbun de inediti, vendendo pì de un miłion de dischi e resevendo na vintina de sertifegasion intrà dischi d'oro e de platino. Ła ga par zonta insidesto de łe cover de séłebri canson cofà Dio, come ti amo, Mamma, Tu sì na cosa grande e tante altre.

Ła vanta oto partesipasion al Festival de Sanremo. Ła ga anca partesipà tre volte a'l Summer Festival co Muchacha, Inafferrabile e Chiedere scusa.

Ła ga vinsesto un Venice Music Award e un Wind Music Award.

Biografia

canbia

I ezordi

canbia

A partir da'l 1994, ła scumisia a partesipar a varie manifestasion canore, sia provinsiałi che rejonałi. Inte'l 1999 ła se azudega el segondo posto al “Minifestival della canzone" de Viterbo, vinsendoło l'ano sucesivo. Inte'l 2001 ła partesipa a'l conserto “'la nota d'oro di Blera”, indove che ła vinse el concorso itinerante “Bravissimi in tour" de tapa a Sora.

Ancora, dopio segondo posto a łe sełesion e a ła finałe de'l concorso "Una voce per..." e n'altra vitoria a “Castelliri in musica”. Inte l'agosto 2001, co ła gaveva 14 ani, ła vien sełesionà da ła Rai par el “Girofestival”, indove che ła prezenta el só primo inedito da'l titoło, "Dov'è il coraggio". Par ła stesa canson ła zira el só primo videoclip, firmando el só primo contrato discogràfego.[1]

Ła parfesiona el so stiłe a l''Accademia musicale de Sora, par ła cuała ła dezvolze atività consertìstega inte'l coro zovaniłe. Inte'l setenbre 2001 ła partesipa e ła vinse l'Accademia della canzone de Sanremo co'l brano 'l'angelo de Syria: co sta vitoria ła entra de derìto inte'l cast de ła Categoria giovani de'l Festival de Sanremo 2002.

2002-2004: ła vitoria a'l Festival de Sanremo e el primo àlbun Attimo x attimo

canbia

Inte'l 2002, a 15 ani, ła partesipa e vinse inte ła Categoria Giovani del Festival de Sanremo, co'l brano Doppiamente fragili conponesto da Marco Del Freo e David Marchetti, seguìa da Valentina Giovagnini e Simone Patrizi.

Pippo Baudo ła sełie cofà co-condutora de ła trazmision Sanremo Top, insieme a Silvia Mezzanotte, vinsidora co i Matia Bazar de ła sesion Campioni col brano Messaggio d'amore.[2]

Senpre inte'l 2002 ła dota co Gigi D'Alessio, inte'l brano, Un nuovo bacio, razonzendo ła nona pozision intrà i singołi pì vendesti[3]. A łujo ła ciapa parte a ła XVII Zornada Mondiałe de ła Zoventù. Inte'l 2003 ła torna al Festival de Sanremo, 'sta volta inte ła sesion Big, in cubia co Federico Stragà, co ła canson Volere volare, firmada da Bungaro e Claudio Passavanti.

Antisipà dal sìngoło, Corri A vien fora inte l'agosto de'l 2003 el só primo àlbun, da'l titoło Attimo x attimo, produzesto da Fio Zanotti. Da l'àlbun, oltra a Corri, vien estrazesti ła stesa Attimo x attimo e L'amore più grande che c'è. Inte'l 2004 ła vien sernìa da ła Disney par dotar co Gigi D'Alessio inte Il mondo ze mio, canson dei titołi de coa par l'edision spesiałe home video de Aladdin (1992).

Inte l'isteso ano, pì che a dedicarse ai molteplisi concerti de'l primo tour ofisiałe, ła instaura na cołaborasion co'l canałe Video Italia: A ghe vien afidà ła fasa pomeridiana Playlist Italia par ła cuała ła introduze łe intarviste, i programi e i video live rechiedesti dai tełespetadori de Live Italia. Co Video Italia ła Tatangelo ła cołabora par do ani.

2005-2006: El suceso co Ragazza di periferia ed Essere una donna

canbia
 
Anna Tatangelo inte el 2005

Inte'l 2005 ła partesipa par ła tersa volta a'l Festival de Sanremo co Ragazza di periferia, canson scrivesta da Gigi D'Alessio co Vincenzo D'Agostino e Adriano Pennino. Ła canson ła se clasifega al terso posto de ła Categoria Donne e inte łe setemane sucesive ła razonze ła pozision nùmaro 16 inte ła clasifega dei singołi pì vendesti in Itałia.[4]

Co ła partesipasion a'l Festival de Sanremo, A vien fora anca el segondo àlbun de ła cantante, anca st'altro intitołà Ragazza di periferia.[5] Do canson de l'àlbun[6] łe vien includeste inte ła cołona sonora de'l film Troppo belli.

A łujo ła Tatangelo ła scominsia el Tour 2005, che'l conta racuante date in tuta Itałia. Quando due si lasciano el ze el singoło estrazesto. El 23 de setenbre 2005, ła partesipa ad O' Scià, festival de mùzega łiziera itałiana ideà da Claudio Baglioni, e, inte'l corso de'l steso meze, A vien estrazesto da l'àlbun el terso singoło, Qualcosa di te. A desenbre ła ze stada ospite de'l tour in Austrałia de Gigi D'Alessio.

Inte'l 2006 ła Tatangelo ła debuta discografegamente in Braziłe e Sudamerica. Ła partesipa par ła cuarta volta a'l Festival de Sanremo co Essere una donna, canson conponesta da Mogol e Gigi D'Alessio. Durando el còrar de ła manifestasion, inte ła serada dei doti, ła reałiza na version riarangià de'l brano, afiancada da Alberto Radius e Ricky Portera. Ła canson ła vinse inte ła Categoria Donne parmeténdoghe de partesipar a ła votasion finałe, indove ła se clasifega a'l terso posto. El brano el razonze ła cuarta pozision inte ła clasifega FIMI.[7]

Co ła cuarta partesipasion a'l Festival de Sanremo, A vien fora anca na riedision de l'àlbun Ragazza di periferia, al cuało vien zontà el brano sanremeze e l'inedito Colpo di fulmine. L'àlbun el vien sertifegà disco de platino.[8] In istà ła zira l'Itałia co l Tour estivo e premiada ai Venice Music Awards come Rivelazione femminile 2006. A setenbre ła partesipa, par el segondo ano consecutivo, a'l Festival de O' Scià.

2007-2008: ła consacrasion co Mai dire mai

canbia

Antisipà da'l singoło Averti qui[9] rive el 2 novenbre 2007 el terso àlbun da'l titoło Mai dire mai, che'l raprezenta el debuto de ła Tatangelo come autora: sui A ze infati i testi sia de ła za sitada Averti qui che de Lo so che finirà. L'àlbun el vede anca el contributo de Gaetano Curreri dei Stadio, autor insieme a Saverio Grandi de Cosa ne sai.

Tra otobre e novenbre de'l steso ano Tatangelo ła ze ospite inte'l tour american de Gigi D'Alessio.[10] El segondo singoło estrato de l'àlbun, a partir da'l 23 novenbre, el ze Lo so che finirà.[11]

El 2008 el vede ła só cuinta partesipaasion a'l Festival de Sanremo, dove che ła se clasifega a'l segondo posto con'l brano Il mio amico, dedicà a n'amigo gay de ła cantante, che'l susita critiche negative da parte de algune asosiasion omosesuałi.[12] El brano el razonze anca ła cuatordezèzema pozision inte ła clasifega dei singołi pì vendùi[13].

Inte'l corso de'l festival, senpre so ła mèdema canson, ła dota anca co Michael Bolton[14] e el steso doto el vien insarìo inte'l repackaging de Mai dire mai, publegà el 29 febraro 2008, che'l supara łe 100 000 copie e el razonze el disco di platino.[8] Tra ła primavera e l'istà ła Tatangelo ła ze inpenjada co'l só tour. El 30 majo 2008 A vien estraesto el novo singoło Mai dire mai.

Notasion

canbia
  1. ↑ Con la CSB Italia - Casalba.
  2. ↑ Festival di Sanremo -2002 Archivià il 5 de marso 2016 in Internet Archive.
  3. ↑ Hit Parade Italia - Top Annuali Single: 2002
  4. ↑ Italiancharts – Anna Tatangelo – Ragazza di periferiaitaliancharts.com. entrada il 21 agosto 2011.
  5. ↑ Copia archiviatailpotereelagloria.com. entrada il 28 dicembre 2008 (archivià dal URL orizenałe il 2 marzo 2009).
  6. ↑ Dimmi dimmi e Quando due si lasciano.
  7. ↑ italiancharts.com - Italian charts portal
  8. ↑ 8,0 8,1 http://www.allmusicitalia.it/sanremo/anna-tatangelo-libera.html
  9. ↑ Video e testo di "Averti qui" di Anna Tatangelomusicroom.it. entrada il 28 dicembre 2008 (archivià dal URL orizenałe il 25 giugno 2008).
  10. ↑ D'Alessio all'Olympia un pop quasi classicoarchiviostorico.corriere.it, 12 maggio 2008.
  11. ↑ Anna Tatangelo – Lo so che finirà (video + testo)musicjam.it (archivià dal URL orizenałe il 27 ottobre 2012).
  12. ↑ Gay contro gay! Anna Tatangelo con Il mio amico apre lo scontro, in bloo.it, 5 marzo 2008. entrada il 24 aprile 2008.
  13. ↑ Anna Tatangelo - Il mio amicoitaliancharts.com.
  14. ↑ Anna Tatangelo e Michael Bolton, Loredana Bertè e Ivana Spagna: tutti i duetti di Sanremo 2008videomusic.tv. entrada il 26 novembre 2010 (archivià dal URL orizenałe il 24 marzo 2012).

Altri projeti

canbia

Linganbi foresti

canbia


Controło de autoritàVIAF (EN) 69261200 · ISNI (EN) 0000 0001 1935 8887 · El vałore UBOV667367 de SBN no el xe mija bon. · Europeana agent/base/73749 · LCCN (EN) no2011065424 · GND (DE) 135513812 · BNF (FR) cb15758790r (data) · WorldCat Identities (EN) no2011-065424
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Anna_Tatangelo&oldid=1174227"