Annapurna

Annapurna
	(ne) अन्नपुर्ण
	;
Sorte	Caena montagnoza
Liogo
Continente	Àzia
Rejon aministrativa	Gandaki Pradesh (Nèpal) (it)
Caena montagnoza	Himalaya
Formà da	Annapurna I (it) ; Annapurna II (en) ; Annapurna III (en)
Dati e sifre
Altitùdene	8 091 m; 7 756 m
Prominensa	2 984 m
Izołamento	34 km
Ponto pì alto	Annapurna I (it) (8 091 m )
Istoria
Istòrego
3 de zugno del 1950	prima scałada, per Maurice Herzog (it) , Louis Lachenal (it)
27 de majo del 1970	1970 British Annapurna South Face expedition (en)

L'Annapurna (AFI: /anaˈpurna/^(IT), in hindi Anapūrṇa) el ze un masìcio montagnozo himalayan situà in Nepal sentrale, ciapando drento l'Annapurna I, ła sima pì alta che ła toca i 8.091 m s.l.m., el dèzemo monte pì alto de ła Tera, e altre sime conprendeste inte l'interior del denomenà Santuàrio de l'Annapurna, pùblego anca par el tanto conosesto percorso escursionistego de l'Annapurna Circuit.

Descrision

Conformasion

El masìcio de l'Annapurna el detien 6 sime prinsipali:

Annapurna I (8.091 m);
Annapurna II (7.937 m);
Annapurna III (7.555 m);
Annapurna IV (7.525 m);
Gangapurna (7.455 m);
Annapurna Sud (7.219 m).

Escałasion

Tecnegamente no el ze l'otomiłe pì difisiłe da scałare, e ze sta el primo a vegner concuistà da l'omo, ma el ze considerà cheło pì pericułozo inte el mondo par łe repetitive vałanghe che łe casca zo dai so pendenti, detegnendo co un vałore sora dl 40% el pì alto raporto intrà nùmaro de morti e nùmaro de alpinisti rivai insima.

Prima escałasion

Inte el 1950, malgrado ła poca esperiensa de spedision alpinìsteghe extra-eoropee, i fransezi i ghea organizà cheła che ła saria divegnesta ła prima spedision bona de rivar inte ła sima de un otomiłe.

A sta spedision el ga ciapà parte Maurice Herzog, in cualità de alpinista e cao-spedision, i alpinisti Jean Couzy, Marcel Schatz, Louis Lachenal, Gaston Rébuffat e Lionel Terray e Lionel Teray, el mèdego Jacques Oudot, el rezista sinematogràfego Marsel Ichac, i ufisałi de ligamento Francis de Noyelle e el nepałezo Ghan Bikram Rana. Inte el posto i zera staiasoldai 8 portatori de alta cuota.

La partensa da ła Fransa ła ze stada el 30 de marso; dopo èsar rivai a Pokhara, caołogo de ła rejon El canpo baze ła ze sta instałà solo el 22 de majo, par tacar ła vera scałasion. Par suparare i 3.478 metri de desliveło intrà el canpo baze e ła sima i ze stai nesesari 5 canpi intermedi, e ła matina del 3 de zugno i do alpinisti Herzog e Lachenal i zera stai boni rivar sora inte ła sima, ła prima de un otomiłe a vegner scalada. Contrariamente a cheło che ze sucedesto inte ła major parte de łe prime escałasion de chełi altri otomiłe, ła spedision franseza no ła ghea doparà el osìzeno, e ła ga fato i 680 metri de desliveło intrà l'ùltemo canpo e ła sima in 8 ore, a na mèdia de escałada de 85 metri l'ora.