Antonio Pigafetta

Antonio Pigafeta (Vicensa, ca. 1491 - dopo 1534) el xe stà un viajiador, zeografo e scritore itałian, conosù anca come Antonio Lonbardo.

Antonio Pigafetta

Biografia
Nasimènto	s. 1492 (Gregorian) Vicensa (Repùblega de Venèsia)
Mòrte	1531 (Gregorian) (38/39 ani) Vicensa (Repùblega de Venèsia)
Atività
Laóro	esplorator, scritor
Atività	1500 (Gregorian)  –
Partesipante in
10 de agosto del 1519	Spedizione di Ferdinando Magellano (it)
Sovran Miłitar Órdene de Malta

El pałaso Pigafeta a Vicensa

Vita

Poco se conose de Pigafeta, probabilmente fioło de una de łe più inportanti fameje nobiłi de Vicensa, se non che el jera on studioxo de matemadega e astronomia. Ła so inportansa ła stà soratuto nel'aver lasà on presioxo rexoconto del gran viajio de Ferdinando Magelan, che el gaveva conpagnà ne ła so circumnavigasion del mondo dal 1519 al 1522, la Relasion del primo viajio intorno al mondo, anca ancó visto come uno dei pi presioxi documenti su łe gran descoverte ziogràfeghe del XVI secolo.

Sicome che el jera en Spagna in quel periodo e che el gaveva sentio parlar de ła spedision de Magelan, Pigafeta el ga scominsià el giro come pasegero pagante, spinto da ła so curioxità de védar tere lontane. In prinsipio Magelan no ło vołeva, parò Pigafeta el gà savù conquistarse ła so stima un toco a ła olta, fin che el xe riusìo a deventar el so criado (omo de fiducia). Inte el conbatimento co i indigeni del'isola de Mactan (Filipine) dove che Magelan el xe morto, anca Pigafeta el xe restà ferìo.

Par via de ła morte de Magelan, Pigafeta el ga ciapà roli de magiore responsabilità nel'equipagio, pi che altro inte le relasion co le popolasion che i naviganti i trovava.

El xe stà l'unico taliàn, insieme a Martino de Judicibus e Nicola de Napoli, intrà i 18 superstiti dela prima circumnavigasion del obo, el 6 de setenbre del 1522 in tel porto de Siviglia co la "Victoria".

Probabilmente inte el 1524, el gà publicà "El primo viajio intorno al mondo" co el "Tratato de ła Sfera", łe so memorie sul viajio, redate a partire dai soi minusioxi diari che el gavéa tegnù inte i tri ani de viajio.

Linganbi foresti

• (IT)Progeto Pigafeta de ła Biblioteca Bertoliana de Vicensa Archivià il 22 de setenbre 2010 in Internet Archive.

• (IT)Relasion del primo viajio intorno al mondo disponibile su LiberLiber Archivià il 23 de marso 2005 in Internet Archive.

Altri progetti

• Wikimedia Commons

• Wikimedia Commons el detien imàjini o altri file so Antonio Pigafetta
• el detien schemi gràfeghi so