Xiografia

Siensa che studia, descrive e raprexenta la tera n'tei so fenomani tuti.

Ła xiografia (dal latin xiographia, che deriva a so 'olta dal greco vecio γη/γεια ("tera") e γραφειν ("scrivare"), che saria ałora "scritura de ła tera") la xe la siensa che la ga el conpito de studiar, descrivare e raprexentare la Tera inte la so superficie e inte la grandesa e la distribusion dei fenomani fixeghi, bioloxeghi, antropoloxeghi che i la intaresa, che inte la so union, i ghe modifega continuamente l'aspeto.

Mapa fixega de la tera co i confini puliteghi del 2016.

La xiografia la xe tanto altro in pì che solo la cartografia (o sia el studio de le carte xiografeghe) o la topografia, parché la xiografia la xonta l'indajine de la dinamega e de le cauxe de la poxision de la tera inte el spasio, dei fenomani che njien fora so de ela (l'atmosfera, la idrosfera, la biosfera e la xiosfera) e de le so carateristeghe.

StoregoCànbia

 
Mapa del mondo de Eratostene.

Tra tuti i popoli de l'area mediteranea, i promi xiograi i xe stai i antichi ejisi[1] e al de fora de le xone del mediteraneo ghe xe sta anca le xiografie Babilonesi[2] e dell'India.[3]

Dai Greçi deriva el nome come lo doparemo ni'altri oçidentali. Eratostene (l'omo chel ghea anca dato el nome a sta siensa) el ga butà drento in xiografia la doparasion de le coordinate sfereghe (latitudene e lonxitudene) par esar in grado de catar na località xiografega. Inportanti progresi i xe stai fati da Ipparco di Nicea, chel ghea butà drento la doparasion de metodi astronomeghi pal calcolo de le lonxitudeni.

El primo xiografo roman che al dì de oncò se conose, el xe Pomponio Mela chel ghea scrito on curto tratà ciamà Chorogràphia; dopo el greco Strabone (chel ga vivuo intrà el I secolo a.C. e el I secolo d.C.) chel ghea scrivuo na granda storia (in male condision, desfada dal tenpo), e na conpleta xiografia, che la xe rivada ai dì nostri in bone condision. L'opara di Strabon la xe de cualità e no la dopara tecneghe de xiografia matemadega che le jera sta tacà doparare da Eratostene e Ipparco.

El studio de la xiografia matemadega el xe sta riciapà inte el II secolo d.C. da Marino di Tiro e, pì de tuti, da Claudio Tolomeo, andove la so Xiografia no la ga solo le coordinate sfereghe de 8000 località difarenti, ma el ga anca i metodi de proiesion doparai inte la cartografia.

Inte el Medioevo i Arabi i ghea fato opare de granda cualità, come par exenpio el "Libro del Re Ruggero" de Idrisi e altri (inte el XII secolo).

 
Mapa del mondo fiorentin de metà del XV secolo, baxada so la tradusion latina del 1406 del manscrito xiografia de Tolomeo.

Co le grande esplorasion terestri verso l'Asia (Il Milione de Marco Polo, inte el XIII secolo, che l'è on exenpio encantevole) e chele maritime, o oncora verso l'Asia o verso le Americhe, l'omo "el ghea riscoprio" la pasion par la xiografia, e el bixogno de on studio mejo fato. Inte la segonda metà del XV secolo la riscuèrta in Eoropa de l'opara xiografica de Tolomeo la xe sta fondamental par la rinasita de la cartografia. Sta cuà, infati, la xe l'epoca dei primi atlanti eoropei otegnui co la doparasion de la cartografia matemadega. Inte el XVII secolo ghe xe sta difarenti tentadivi de Varenio de sistemar on fià la sienza xiografega.

Inte el Setexento se ghea scumisià a intendare la xeografia come fin prinçipal la racolta de dati so le carateristeghe fixeghe, soçali, economeghe e storeghe de ogni paexe.

Inte el XIX secolo grasie ai xiografi todeschi Alexander von Humboldt (chel ghea fondà el indiriso naduralistego) e Carl Ritter (chel ghea fondà l'indiriso antropego-storego): Col pasar dei ani sti do indirisi i se ga unìo, par divegnerghine fora uno solo. Ben presto sta disiplina la xe divegnua na disiplina universitaria, scuminsiando da Parixi e Berlin.

Intei ultimi do secoli, la cuantità de le conosense e el numaro de strumenti da doparar i xe vegnesti tanti e de conseguensa le ga portà a na granda cresita de l'acuratesa de la xeografia e la descuerta de senpre pì novi posti novi inte el nostro pianeta.

Inte el XX secolo, in oçidente, la disiplina xiografega, la ga traersà cuatro faxi prinçipali: determinismo xiografego, xiografia rejonale, rivolusion cuantitativa e xiografia critega.

I forti ligami Interdisiplinari intrà la xeografia e giołogía e botànica, ma anca co ła economia, ła sociołogia, ła politica e ancor de pì co ła demografía i xe cresui tanto, soratuto grasie a la siensa del sistema terestre, chel çerca de capire el mondo so na vixion ołistega.

Branche de la xiografiaCànbia

Xiografia fixegaCànbia

La xiografia fixega la se divide in:

Xiografia matemategaCànbia

  • Cartografia,
  • Xiografia astronomega,
  • Topografia
  • Xiomatega
  • Xiodexìa

Xiografia omanaCànbia

  • Xiografía de la popolasion
  • Xiografía economega
  • Xiografía culturale
  • Xiografía sociale
  • Xiografía storega
  • Xiografía rural
  • Xiografía orbàna
  • Xiografía mèdega
  • Xiografía pulítega

Xiografia pulitegaCànbia

Xiografia economegaCànbia

Xiografia inovativaCànbia

Parole pì doparae inte la xiografiaCànbia

I continentiCànbia

Africa - Mèriche - Antartide - Axia - Eoropa - Oseania

Voxi coreładeCànbia

Lingambi forestiCànbia

  1. Pierre Montet, "Eternal Egypt", Phoenix Press, 2000.
  2. Catherine Delano Smith (1996). Imago Mundi's Logo the Babylonian Map of the World Imago Mundi 8. DOI:10.1080/03085699608592846. pp.209
  3. Anu Kapur, Indian xiography: Voice of Concern, Concept Publishing Company, 2002.
Controło de autoritàLCCN (ENsh00005919 · GND (DE4020216-1 · NDL (ENJA00573070
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Xiografia&oldid=946484"