Sistema sołare

In xenerale, el Sistema Sołare l'è on sistema planetario, costituio da vari corpi selesti, tegnui in ordita da la forsa de gravità de la stela. Inte el nostro sistema solare, la stela l'è el Sołe, chel costituise da solo el 99.9% de la masa de tuto el sistema, da oto pianeti (cuatro pianeti rosoxi interni e cuatro xiganti gasoxi esterni) e sincue pianeti nani, dai sateliti naturai dei pianeti e altri corpi menori. St'ultima categoria, la ciapa rento i asteroidi, le comete, i meteoroidi e la polvare interplanetaria. El nostro sistema solare el ga on diametro de sirca 240-260 UA e el se cata inte el braso de Orion de la Via Latea, orbitando intorno al sentro galàtego a ona distansa de 30 000 ani luxe e na velosità de 230 km/s.

Rafigurasion artistica del sistema sołare. Łe dimension de łe distanse no łe xe in scała.

In ordine de distansa dal sole, i pianeti i xe oto: Mercurio, Venare, Tera, Marte, Xove, Saturno, Uran, Netun e i sincue pianeti nani i xe: Serare, Pluton, Haumea, Makemake e Eris.