Aristotele (in greco Ἀριστοτέλης, Aristotéles; Stagira, 384 a.C. - Càlside, 322 a.C.) el xé stà un fiłòxofo greco, dito "el fiłòxofo del'imanénsa". El xé considerà un dei più inovativi e prołìfisi ómeni de cultura del mondo antigo e na de łe mente fiłoxòfeghe più stimae e influénte, e anca un precursor de scoverte in desferénti canpi de ła conosiénsa.

Aristotele
Aristotle Altemps Inv8575.jpg
Nasimento384 a.C., Stagira
Morte322 a.C., Calcide
XenidoriNicomaco (pare)
SpoxàPizia
Łéngue parlaeLengua greca vecia
Ocupasion
filosofo
Educà aAccademia di Atene
Rexidensa atuałeAtene e Atene

Musicbrainz: 2f96bf3c-ca56-4c20-a374-4b846056c5e6

BiografiaCànbia

Aristotele el xé nasùo a Stagira, sità de ła Macedonia greca, 'ntel 384 a.C. El xé intrà 'nte ła scóła de Platon xà a disisete ani e el só maestro el ghe ga dà i primi fondamenti de pensièr, influensando ła sóa fiłoxofia. Có el maestro el xé morto, a trentasete ani Aristotele el se ga spostà a Aso, indove el ga fondà na sóa scóła, de ciara ispirasion platònega, co dó conpagni ciamai Corisco e Erasto. El se gà spoxà co Pitia, ła fia de Ermia, el tirano del posto e daspò tre ani el xé 'ndà a Mitiłene, sul'ìxoła de Lesbo.

Na svolta per ła sóa vita ła xé capitada 'ntel 342 a.C., có el re de Macedonia Fiłipo eo gà ciamà per arlevar el só fio Lisandro, chel deventerà inperador de na granda parte del mondo eora cognosùo. El ga avùo sto incargo grasie al fato che só pare, Nicomaco, el gera stà dotor a ła corte macèdone qualche dexena de ani prima. Lisandro, da Aristotele, el ga tólto ła concesion de superiorità de ła xénte greca e del bixogno de na poténte e granda unità połìtega.

'Ntel 335 a.C. Aristotele el xé tornà indrio a Atene, indove el ga fondà ła cademia ciamada Liceo, chel podéva despóner de un pòrtego, ciamà perìpato, indove el fiłòxofo el tegniva łe sóe łesion. Grasie al favor del'inperador Lisandro, Aristotele el gaveva a despoxision na granda quantità de material e testi.

A ła fin Lisandro el xé morto 'ntel 323 a.C. e a Atene ła reputasion de Aristotele, considerà masa visin al'inperador morto, ła xé crołada. El fiłòxofo el xé morto a Càlside l'ano daspò, per un małano al stòmego.

ÒpereCànbia

Łe òpere de Aristotele łe se divide in scriti acroamàtisi o exotèrisi, chei i xé spunti per łe lesion del fiłòxofo, e esotèrisi, fati per el pùblico. Sti ùltemi i xé un grupo de diàłoghi, un protrètico (testo chel conségia ła fiłoxofia) e un su ła fiłoxofia .

I exotèrisi invese i xé dixisi in:

  • Testi de metafìxica, in quatòrdexe libri, chei demostra ła progresiva destinsion del pensièr de Aristotele da queo del maestro Platon, i ga come tema prinsipal ła sostansa, prinsipio baxe del'èser aristotèłego, da ła qual deriva łe tratasion del discorso su łe cauxe prime, del devegnir e de Dio, ła sostansa imòviłe.
    • Cołigà a ła metafìxica el xé l'órganon, chel suna tuti i testi de łòxica chei parla de categorie, conceti, propoxision e siłogismi.
  • Testi de fìxica, chei suna temi desferénti come matemàtega e fiłoxofia, i ga come prinsipio fondamental el movimento.
  • Testi de ètica, połìtega e arte.
Controło de autoritàVIAF (EN7524651 · ISNI (EN0000 0001 2374 8095 · SBN (ITIT\ICCU\CFIV\009389 · Europeana agent/base/178 · LCCN (ENn79004182 · GND (DE118650130 · BNF (FRcb13091331s (data) · BNE (ESXX4874856 (data) · ULAN (EN500259120 · NLA (EN36246937 · BAV ADV12201769 · CERL cnp01259587 · NDL (ENJA00431694 · WorldCat Identities (ENn79-004182
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Aristotele&oldid=848939"