Atene
Sto articoło el xe scrito in venesian
|
| Atene (EL) Αθήνα
| |||||
|---|---|---|---|---|---|
comun
| |||||
| |||||
| Dati aministrativi | |||||
| Stato |  Grecia
| ||||
| Periferia | Atica | ||||
| Unità periferega | Atene Sentrałe | ||||
| Sìndico | Giorgos Kaminis (PASOK) dal 29/12/2010 | ||||
| Teritorio | |||||
| Coordinae | Coordinate: | ||||
| Superfise | 39 km² | ||||
| Abitanti | 655 780 (2011) | ||||
| Densità | 16 814,87 ab./km² | ||||
| Altre informasion | |||||
| Còd. postałe | 10xxx, 11xxx, 120xx | ||||
| Prefiso | 210 | ||||
| Fuxo orario | UTC+2 | ||||
| Targa | Yxx, Zxx, Ixx | ||||
| Locałixasion | |||||
  Atene  Atene | |||||
| |||||
| Sito istitusionałe | |||||
Atene (en greco Αθήνα, trasliterà come Athína) ła xe ła cavedal de ła Gresia e caołogo deł'Atica. 'Ntel antighità el nome el gera Ἀθῆναι, col nome de ancuo che'l xé sta adotà ufisialmente 'ntel 1970. Ła se cata 'ntel mexo de na pianura al séntro de ła penìxoła del'Àtica e ła se slarga dai pie del monte Parnis fin a ła costa. Ła xé divixa in demi, come ai ténpi de ła polis.
Ancuo el comun de Atene in sénso streto el ga na superfice de soło 39 km² e na popołasion de squaxi 750 000 abitanti, ma l'àrea urbana considerada come LUZ (Larger Urban Zone) dal'Eurostat ła cónta 4 013 368 abitanti, e ła xé cusì ła sètima conurbasion più granda del'Union Europea, e ła quinta cavedal più popołada del'Union.[1] In sta manièra ła fa, col Pireo e'l resto de ła conurbasion, el 35% de ła popołasion grega.
Atene ła xé na metròpołi cosmopołita e ła xé el séntro econòmego, finansiario, industrial e cultural de ła Gresia, e ła ga na serta inportansa a liveło europeo ma anca mondial.[2] 'Ntel 2008 ła xé stada clasifegada come ła sità nùmero trentadó par richesa e par poder de cronpar[3] e come ła nùmero ventisinque par costi[4] 'nte na reserca fata da ła socetà svìsera UBS.
Ła xé recordada sui libri de storia par ła nasùa de ła democrasia, par èser stada ła sede de ła cademia de Platon e'l liceo de Aristotele, oltra che ghe xé nasùi Socrate, Pericle, Sofocle e paréci altri fiłòxofi e personagi inportanti del'antighità. Ła xé stada daspò na Polis intrante e ła xé considerada el nio de ła siviltà osidental.[5] In ani più resénti ła xé stada al séntro de ła tension de tuto el mondo par averghe organixà co suceso i Xoghi Ołìnpeghi 'ntel 2004 e par l'inaugurasion del Nóvo Muxeo del'Acròpołi 'ntel 2009, che'l ga verto de novo ła discusion che ła revarda i Marmi de Elgin. Altro łógo de grando interese turìstego el xé l'Acròpołi (patrimonio de l'umanità recognosùo dal UNESCO) 'nte ła qual i spica par inportansa el Partenon, l'Ereteo e i Propilei. Da recordar i xé anca i resti del'agorà e l'Areòpago.
Tradisionalmente ła protetora de ła sità ła xé ła dea Atena, rafigurada sia sul stema che su ła bandièra de ła sità.
