El arlevamento ła xe chel'atività de tegnere, far cresare e far riproduxare , in cativeria, totałe o in parte, par otegnerghine magnare, pełe, pełiçe, laoro animałe e tràfego de st'ultimi.

Mas-ci arlevai in te na fatoria

I arlevamenti i połe esare de tipo stansiałe o nomade, dipendendo diretamente dal piegoraro, se el se sposta o se el sta fermo so on posto.

IstoregoCànbia

Ła orìxane de sta atività ła xe tanto distante e tanto probabiłe che ła sipia nasesta oncor prima de l'agricoltura. Tanti i dixe che ła xe ła nadurałe evołusion, organixativamente e programategamente, de ła caça.

L'omo de fati, el ghea inparà a favorire łe bestie de pì sénplega xestionadura, par podérghine tore prodoti segondari, cofà ła late e i ovi, oltre che a ła carne. El omo el ga inparà a segurarse futuro magnare tegnendo in vita łe bestie e spetandoghine el copiamento fra de łore, finmente che no fuse sta neçesario coparle par ła propia soravivensa.

El arlevamento el xe da senpre in contrapoxision a l'agricoltura, parché ła reprodusion de łe bestie, inmanco fin al Novexento, łe ga senpre dimandà struturasion loxisteghe nadurałi (pascołi) che via a via łe ciapava senpre pì risorse nadurałi, cavandoghełe a ła coltivasion.

Dal Novexento łe ga tacà esare doparae łe magnaure chimegamente conponeste, e łe ga jutà a scursare l'exijensa de novi spasi verdi par darghe da magnare a łe bestie.

Controło de autoritàLCCN (ENsh85005169 · GND (DE4117220-6 · BNF (FRcb11931346v (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Arlevamento&oldid=951015"