Wikipedia

Astrołozia

Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Astrologia
Ła version stabiłe ła xe stà verifegà el 29 xug 2023. Ghe xe canbiamenti a modèłi e/o file in sta version in atexa de revixion.

L' astrołozia (dal grego antigo ἀστρολογία

Iłustrasion da un manuscrito alchèmego del 1687 che el figura ła Tera in pozision zeoséntrega intrà del Sołe e de ła Luna
Personificasion de l'Astrołozia (ca. 1650-1655), ojo in teła del Guercin.
astrologhía ἀστῆρ
= (astēr, steła) + λόγος
(lógos, discorso[1][2]) el ze un conpleso de credense e tradision, privae de fondamento sientìfego, secondo ła cuała łe pozision e i movimenti dei corpi cełesti in confronto a ła Tera i influise in avegnimenti umani cołetivi e individuałi[3][4][5]. Na definision alternativa de astrołozia ła provien da l'Ensiclopedia de łe rełijon Vałechi andove ła ze definia cofà na tècnega e dotrina de tipo rełijozo che traerso de l'identificasion dei astri co intełijense divine o superiori, ła stabiłise na rełasion direta intrà asion dei astri e avegnimenti inte l'anbiente, inte ła natura e inte ła istòria umana[6].

Chi che pràtega l'astrołozia, el vien ciamà astròłogo e ła so divinasion ła ze ciamada oròscopo.

Da l'antighità finmente al XVII secoło, tutavia, col tèrmano astrołozia se ghe indicava tuta l'astronomia, e łe previzion astrołòzeghe łe zera considerae na branca, cueła che ła figurava łe consevense sui avegnimenti umani rezultanti da ła configurasion astronòmega. El tìtuło del testo prinsipałe de l'astrołozia antiga, el Tetrabiblos, el zera "Dei efeti [de łe configurasion astronòmeghe su ła istòria dei indivìdui e de łe nasion]" e l'astrołozia ła zera ciamada da Tolomeo ὴ ἀπoτελεσματικής τέχνχη, o sia "ła siensa dei efeti"[7]. L'astrònomo/astròłogo de corte, de fato, el ghea da studiare el moto dei pianeti col fin de dar i so oròscopi e i ła prategava anca du protagonisti de ła revołusion astronòmega cofà Keplero e Gałiłei.[8]

L'afermasion del sistema ełioséntrego, retegnesto dai astròłoghi conpatìbiłe co na vizion zeoséntrega, no ła ghra mudà łe pràteghe de l'astrołozia[9]. Co ła revołusion sientìfega, tutavia, l'astrołozia ła ghea finio de vegner considerada parte de l'astronomia[10] e ła vegnea considerada na pràtega de l'oculto e na pseudosiensa[11][12]. L'astrołozia, de consevensa, ła vien oncó considerada da fiłòzofi de ła siensa[13], da psicòłoghi[14][15][16][17][18] e da esponenti de ła comunità sientìfega ativi inte łe descipline pì vàrie[19][20][21][22] na credensa bazada su antighe superstision[17][23][24][25][26][27] e, secondo racuanti studiozi, ła se configura cofà na siensa patołòzega[28][29]. Inte el 2006, el National Science Board dei Stati Unii de l'Amèrica el ghea publegà na declarasion ufisałe inte ła cuała el rebadise che l'astrołozia ła ze na pseudosiensa[30].

Le prinsipałi tradision łe ze:

Istòrego de l'Astrołozia

canbia
(VEC)
«I astri i influensa, ma no i òbliga»
(la )
«Astra inclinant, non necessitant[31]»
— Tommaso d'Aquino


Tute łe pì inportanti siviltà antighe łe ghea dedegà granda atension a l'oservasion dei fenòmani cełesti e desviłupà na so astrołozia. Podemo recordar l'astrołozia babiłoneze (de ła cuała ła ze na erede l'astrołozia osidentałe), l'astrołozia vèdega o indiana (oncora oncó difondesta in Ìndia ma anca sta cuà erede de l'astrołozia babiłoneze), l'astrołozia cineze (sostansialmente vària da cueła osidentałe) e l'astrołozia del pòpoło Maya inte l'Amèrica Sentrałe.

Anca inte i pòpołi primitivi ła ghe zera na forma de astrołozia, sertamente manco vansada in confronto a cueła madurìa inte łe grandi siviltà par colpa de łe reduzeste capasità matemàteghe, esensiałi par definire el movimento dei astri. Ła mancansa de fonti scriveste no ła parmete na conosensa in detajo de łe tècneghe astrołòzeghe fate dai "pòpołi de ła natura", tutavia se połe dedùzar che i prinsipałi ponti de refarimento astrałe i fuse el Sołe, ła Luna, Vènere e ła steła Sìrio, oltre che racuante costełasion (i du Cari, Orion, łe Pleiade)[32].

L'astrołozia, in cuanto suponesto strumento de previzion del futuro, ła ghea vesto drento de tuti i pòpołi del mondo forti lighi co altre pràteghe divinatòrie, in particułare co ła chiromansia, ła metoposcopia e ła zeomansia. Inte l'isteso tenpo ła ze sta, e ła ze oncora uncó, un esensiałe ponto de refarimento inte łe pràteghe màzeghe.

Notasion

canbia
  1. ↑ Ottorino Pianigiani (curà da), astrologia, in Vocabolario etimologico della lingua italiana. entrada il 10 ottobre 2019 (archivià il 29 agosto 2017). Ospitato su etimo.it.
  2. ↑ (FR) Émile Littré (curà da), astrologie, in Dictionnaire de la langue française, vol. 1, Parigi, Hachette, 1873, p. 225.
    «[...] ÉTIM. Ἀστρολογία, de ἄστρον, astre, et de λόγος, discours (voy. LOGIQUE). Astrologie n'a primitivement aucun sens défavorable, et signifie proprement doctrine des astres. C'était, pour les anciens, le nom de la science que nous nommons astronomie ; et c'est l'abus qu'on en a fait en prétendant deviner l'avenir, qui a déterminé l'usage à donner deux noms différents à la vraie science et à la fausse».
  3. ↑ astrology, in Oxford Dictionary of English, Oxford University Press. entrada l'11 dicembre 2015 (archivià dal URL orizenałe il 30 novembre 2015).
  4. ↑ astrology, in Merriam-Webster Dictionary, Merriam-Webster Inc.. entrada l'11 dicembre 2015 (archivià dal URL orizenałe il 12 gennaio 2016).
  5. ↑ Nicholas Bunnin e Jiyuan Yu, The Blackwell Dictionary of Western Philosophy, John Wiley & Sons, 2008, p. 57, ISBN 978-0-470-99721-5.
  6. ↑ Autori Vari e Edizioni Vallecchi, 1970-1976. - 6 v., voce "Astrologia" in Enciclopedia delle religioni.
  7. ↑ Dizionario greco Rocci, ad vocem.
  8. ↑ Sandro Spreafico, Scienza, coscienza e storia nel caso Galilei, FrancoAngeli, 2003, p. 31.
  9. ↑ Alfredo Cattabiani, Planetario, Mondadori, 2005, pp. 24-25 e pag. 30.
  10. ↑ La data a cui viene convenzionalmente associata la condanna dell'astrologia è il 1666, anno in cui Colbert proibì agli astronomi di insegnare l'astrologia.
  11. ↑ Paul R. Thagard, Why Astrology is a Pseudoscience, in Proceedings of the Biennial Meeting of the Philosophy of Science Association, vol. 1, 1978, pp. 223–234, DOI:10.1086/psaprocbienmeetp.1978.1.192639. entrada il 26 settembre 2020.
  12. ↑ Terence Hines, Pseudoscience and the Paranormal: A Critical Examination of the Evidence, Prometheus Books, Buffalo, NY, 1988, pp.141-155. ISBN 0-87975-419-2.
  13. ↑ (EN) Lakatos I (1970), "Falsification and the Methodology of Scientific Research Programmes" in Criticism and the Growth of Knowledge, a cura di I. Lakatos, A. Musgrave, pp. 91-195.
  14. ↑ Peter Hartmann, Helmut Nyborg, Martin Reuter, "The Relationship between date of birth and individual differences in personality and general intelligence: A large-scale study", Personality and Individual Differences, Vol. 40, Issue 7, May 2006, pp.1349-1362. Si veda anche:(EN) Jennifer Viegas, Scientists dump cold water on astrologyabc.net.au. entrada il 26 gennaio 2010 (archivià il 13 gennaio 2010).
  15. ↑ G.A. Dean, D.K.B. Nias and C.C. French, Graphology, astrology, and parapsychology. In:H. Nyborg, Editor, The scientific study of human nature: Tribute to Hans J. Eysenck at eighty, Pergamon:Elsevier Science Ltd., Oxford, England (1997), pp. 511–542.
  16. ↑ H.J. Eysenck and D.K. Nias, Astrology: Science or superstition?, Maurice Temple Smith Ltd, London, England (1982).
  17. ↑ 17,0 17,1 McGrew, John H., McFall, Richard M., A Scientific Inquiry Into the Validity of Astrology, «Journal of Scientific Exploration» 4, 1990, pp. 75-83.
  18. ↑ (EN) The case for and against astrology: end of a shouting matchastrology-and-science.com. entrada il 25 settembre 2020.
  19. ↑ (EN) Bart J. Bok, Lawrence E. Jerome, Objections to astrology: A statement by 192 scientists, Prometheus Books, 1975, ISBN 0-87975-059-6.
  20. ↑ British Physicist Debunks Astrology in Indian Lecture, Associated Press. entrada il 25 settembre 2020.
  21. ↑ (EN) Andrew Fraknoi, An Astronomer Looks at Astrology, Astronomical society of the Pacific. entrada il 26 gennaio 2020.
  22. ↑ Richard Dawkins, The Real Romance in the Stars, The Independent, December 1995. entrada il 25 settembre 2020.
  23. ↑ (EN) Bart J. Bok, Lawrence E. Jerome, Objections to astrology: A statement by 192 scientists, Prometheus Books, 1975, ISBN 0-87975-059-6, ISBN 978-0-87975-059-6.
  24. ↑ (EN) Activities With Astrology, Astronomical society of the Pacific. entrada il 26 gennaio 2010.
  25. ↑ (EN) Objections to Astrology and the Strange Case of Astrologyfisa.altervista.org. entrada il 26 gennaio 2010.
  26. ↑ (EN) The case for and against astrology: end of a shouting matchrudolfhsmit.nl. entrada il 26 gennaio 2010.
  27. ↑ (EN) Jennifer Viegas, Scientists dump cold water on astrologyabc.net.au. entrada il 26 gennaio 2010.
  28. ↑ Geoffrey Dean, Ivan W. Kelly, Does Astrology Need to be True? Part 1: A Look at the Real Thing, Skeptical Inquirer 11, 1986, p. 166; Geoffrey Dean, Ivan W. Kelly, Does Astrology Need to be True? Part 2: The Answer is No, Skeptical Inquirer 12, 1987, pp. 257-273. La seconda edizione di queste opere si trova in Kendrick Frazier (a cura di), The Hundredth Monkey and others Paradigms of the Paranormal, Buffalo, Prometheus, 1991 ISBN 978-0-87975-655-0.
  29. ↑ Langmuir, Irving, and Robert N. Hall, Pathological science Archivià il 28 de lujo 2021 in Internet Archive. , «Physics Today» 42 (10), 1989, pp. 36-48.
  30. ↑ National Science Board, Chapter 7: Science and Technology: Public Attitudes and Understanding, in Science and Engineering Indicators 2006, National Science Foundation, 2006, pp. "Belief in Pseudoscience" (see also Footnote 29). entrada il 19 aprile 2010. "...[A]bout three-fourths of Americans hold at least one pseudoscientific belief; i.e., they believed in at least 1 of the 10 survey items...[29]" "[29] Those 10 items were extrasensory perception (ESP), that houses can be haunted, ghosts/that spirits of dead people can come back in certain places/situations, telepathy/communication between minds without using traditional senses, clairvoyance/the power of the mind to know the past and predict the future, astrology/that the position of the stars and planets can affect people's lives, that people can communicate mentally with someone who has died, witches, reincarnation/the rebirth of the soul in a new body after death, and channeling/allowing a "spirit-being" to temporarily assume control of a body."
  31. ↑ https://sites.google.com/site/alioscias/filosofia/filosofia-libero-arbitrio-e-san-tommaso
  32. ↑ Giordano Berti, Storia della Divinazione, Oscar Mondadori, Milano 2005.


Altri projeti

canbia

Linganbi foresti

canbia


Controło de autoritàLCCN (EN) sh85008893 · GND (DE) 4003305-3 · BNF (FR) cb13318456z (data) · BNE (ES) XX4576314 (data) · NDL (EN, JA) 00570750
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Astrołozia&oldid=1122543"