Atività extraveicułare

Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Atività extraveicołare

Par atività extraveicułare (in ingleze Extra-vehicular activity - EVA) se intende el lavoro fazesto da un astronàuta inte el spàsio e a l'esterno de ła so navezeła spasiałe (càpsuła, veìcuło o stasion). El tèrmano che se dòpara comunamente par descrìvar na atività extraveicułare da un veìcuło orbitałe terestre el ze pasejada inte el spàsio (spacewalk), mentre par łe atività extraveicułari inte ła Luna, el pì doparà el ze pasejada lunare (moonwalk).

Stephen Robinson durante de ła STS-114

De sevente de ła defarente strutura de łe navezełe statunitensi e sovièteghe, ła zera stada formułada na definision defarente par łe atività extraveicułari. I veìcułi spasiałi rusi i ga senpre adotà dei portełi speciałi verso l'esterno che no i dimandava ła depresurizasion del mòduło, de consevensa ła definision de EVA par i rusi ła ze cueła là de un cosmonàuta inte el vodo. Le prime navezełe spasiałi americane, invese, no łe includeva sti sportełi, ma i depresurizava l'intiera navezeła. De consevensa i astronàuti americani i porta vanti de łe atività extraveicułari solché co che i va fora materialmente da ła càpsuła. El tèrmano SEVA (Stand-up Eva), el ze doparà par descrìvar de łe EVA parsiałi.

La leteratura in mèrito ła rezalta cofà determenante, par ła definision de atività extraveicułare, du fatori primari: el sbandono de l'oparatore da l'anbiente protetivo e ła necesità de sistemi de suporto autònomi. In sto senso, ła atività extraveicułare ła vien definia cofà "calsìase oparasion spasiałe o atività performada par de fora de l'anbiente protetivo de na navezeła spasiałe che ła dimanda suporti vitałi suplementari o indipendenti par l'isteso astronàuta"[1].

L'astronàuta inte el ndar de łe atività extraveicułari el połe vegner ligà a ła navezeła (par ezénpio co un tubo par l'osìzeno, in tal-magnera no el serve nisun sistema de propulsion par tornare drento del veìcuło) o sanò el połe èsare lìbaro. Co che l'astronàuta el ze ligà co un tubo par l'osìzeno, l'EVA in cuestion ła vien denomenada unbiłicałe. Par łe EVA lìbare, el ze indispensàbiłe el sistema par tornar drento inte ła navezeła, sistema ciamà "Unità de manovra".

Notasion canbia

  1. I. I. McBarron and W. James, “Past, present, and future:The US EVA Program,” Acta Astronautica, vol. 32, no. 1, pp. 5–14, 1994.


Altri projeti canbia


Linganbi foresti canbia



Controło de autoritàLCCN (ENsh85046593 · GND (DE7741435-4
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Atività_extraveicułare&oldid=1088170"