Bailo (Repùblega de Venesia)

Bailo o baylo (baili o bayli plurałe) el ze un titoło venesian che deriva dal tèrmene łatin baiulus, che'l senjifega "portador". El tèrmene el ze stà trazlatà in grego cofà μπαΐουλος (baioulos), ma Niceforo Gregorio el ło traduze ἐπίτροπος (epitropo, conpanjador) o ἔφορος (ephoros, sorveliante).

Ingreso pontifegal de'l Bailo de Costantinopołi a Pera sede de l'Anbasada Venesiana

.

Inte'l Mezoevo, un bailo el gera un anbasador in sede permanente estera de ła Repùblega de Venèsia. I baili pì famozi i zera cuełi de Costantinopołi i cuałi fin da'l 1268 i gera a ła corte bizantina e drìoman a ła Cazùa de Costantinopołi de'l 1453, al gòverno otoman. Importanti zera anca i baili de Negroponte, Duraso e Corfù.

Alcuni Baili i gera stà anca mandài a raprezentar i intaresi venesiani a łe corti de Sipro, Acri (Jeruzałeme), Armenia e Trebisonda. A metà de'l XIII sècoło, i cònsołi venesiani a Tiro e Tripołi inte'l renjo de Acri i zera stà promovesti al grao de bailo par controłar łe pròpie cołonie ad Aleppo, Antivari, Koroni, Modon, Nauplia, Patrasso e Tenedos.

El tèrmene baiulus el ze stà doparà par ła prima volta in serti documenti traduzesti da l'arabo in Venesian de'l XII sècoło. 'Sto tèrmene al prensipio el zera sta doparà par rifarirse ai funsionari muzulmani, ma inte'l XIII sècoło el zera stà doparà dai venesiani par i funsionari pùbleghi del Gòverno Serenisimo a controłar łe colonie de ła Gresia franca. 'Sti governadori i funzeva de frecuente da majistradi par i cołoni venesiani e i scodeva tanse e derìti doganałi oltra a supervizionar el comercio venesian. Onjun de łori el zera asistìo da na cansełarìa (zestìa da un cancełièr) e da un Consejo dei Dodeze, coponesti dai prensipałi òmeni de ła cołonia e modełà so'l Consejo dei Dieze a Venesia. Onji Bailo el gaveva un capełàn, un mièdego e un intrèpito (o dragoman). Paròmo de łori el remeteva regołarmente raporti a Venesia so ła połìtega łocałe, i negosi de ła cołonia e, soratuto, i presi e łe cuantità de marcansìe inte el mercà łocal. El Bailo el gera de fato el cao dei consołi łocałi.

El Bailo de Costantinopołi e futuro Doze Paolo Renier

So'l fenir de'l 15º sècoło, l'ofisio de'l bailo el gera in gran parte desconparìo tanti i gera stai declasài a consołi e i consołi i zera stai declasài a retori, capitani o podestà.

Nonostante ciò i Baili de Costantinopołi e de Corfù o ga soravivesto fin a ła fin de ła repùblega inte'l 1797.

Notasion canbia


Bibliografia canbia

Altri projeti canbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Bailo_(Repùblega_de_Venesia)&oldid=1166834"